BIAPHUAN 5:12 - Laibaibal Thiang (BSI)

¹² Cuhna nih awthang piin, thah ciami Tuufano cu thiltikhawhnâk, rumnâk, fimnâk, ṭhawnnâk, thangṭhatnâk, sunparnâk le thluachuahnâk kha co awkah â tlâk tiah an ti.

Lai (Hakha) Common Language Bible 2006

¹² fak piin hla an sa i, “An thahmi Tuufa kha, Lianhngannak le rumnak le fimnak le ṭhawnnak le upatnak le sunparnak le thangṭhatnak hmuh awkah aa tlak,” an ti.

BIAPHUAN 5:12 ပူးပေါင်းရင်းမြစ်များ

MATTHAI 28:18

Cun Jesuh cu an sinah rain bia a chimh hna, “Lei le van i nawlngeihnâk vialte ka sinah pêk a si cang.

JOHAN 1:29

A thaizingah Johan nih Jesuh asin i a rat kha a hmuh i, “Zohhmanh u! Pathian Tuufa, vawlei sualnâk a kalpitu khi!

JOHAN 17:2

Mi vialte cung i nawlngeihnâk na pêk bangin, Anih zong nih na pêkmi vialte zungzal nunnâk a pek khawh hna nâkhnga.

2 KORIN 8:9

Zeitintiah kan Bawipa Jesuh Krih zângfahnâk cu nan hngalh, Amah cu rum hmanhsehlaw, a sifahnâk thawngin nannih nan rum nâkhnga, a si a fak.

1TIMOTE 1:17

Zungzal Siangpahrang, a thi kho lomi, hmuh khawh lomi, amah lawng a fimmi Pathian sinah zungzal in zungzal tiang upatnâk le sunparnâk um ko seh. Amen.

BIAPHUAN 1:6

A Pa le a Pathian caah siangpahrang le tlângbawi ah a kan sertu sinah, Amah sin hrimhrim ah cun sunparnâk le uknâk cu zungzal in zungzal tiang um ko seh. Amen.

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

BIAPHUAN 15:3

Pathian sal Moses hla le Tuufano hla kha an sa: “Bawipa Pathian Zeizongtuahkho, Na rianṭuanmi hna cu a Lianngan in khuaruahhar an si! Aw mithiang hna Siangpahrang, Na lam hna cu a ding i a dik.

BIAPHUAN 19:1

Hithil hna hnu ah hin vanah mitampi aw thawng ka theih, “Haleluia! Khamhnâk le sunparnâk le upatnâk le ṭhawnnâk hna cu Bawipa kan Pathian ta a si!

BIAPHUAN 4:11

“Maw Bawipa sunparnâk le thangṭhatnâk le ṭhawnnâk kha hmuh awkah nâ tlâk: Zeitintiah Nangmah nih zeizong vialte na ser i na duhning i um awkah ser an si,” tiah an ti.

BIAPHUAN 5:13

Cun sermi thil vialte van i a ummi le vawlei i a ummi le vawlei tang i a ummi le rili ah a ummi vialte cuka i a ummi vialte nih, “Bawiṭhutdanh i a ṭhumi le, Tuufano sinah, thluachuahnâk, thangṭhatnâk, sunparnâk le biaceihnâk kha zungzal in zungzal tiang um ko seh,” tiah an chimmi kha ka theih.

BIAPHUAN 5:6

Cun ka hun zoh i ngaihmanh, bawiṭhutdan le thilnung pali hna le upa hna umnâk laifang ah thah ciami Tuufano bantuk, ki pasarih le mit pasarih a ngeimi a dir kha ka hmuh, cu mit pasarih hna cu Pathian Thlarau pasarih leicung dihlak i thlahmi kha an si.

BIAPHUAN 5:8

Cazual a lâk tikah thilnung pali le upa kul le li hna cu Tuufano hmaiah an bawk i tingtang le zihmui in a khatmi sui khengkur an i put cio, cu zihmui cu mithiang hna thlacamnâk a si.

BIAPHUAN 5:9

Hlathar an sa i, “Nangmah cu cazual kha la in, a chinchiahnâk kha phoihawk ah nâ tlak. Zeitintiah thah in na um cang i phunkip, holhkip, mikip le hrin kip chungin Pathian caah na thisen in na tlanh cang hna.

BIAPHUAN 6:1

Cun Tuufano nih chinchiahnâk Pasarih lakah pakhat a phoih lio ka hmuh, thilnung pali lak i pakhat nih khuari thawng bangin, “Ra law, zoh tuah,” tiah a ti kha ka theih.

BIAPHUAN 7:12

“Amen! Thluachuahnâk, sunparnâk, fimnâk, lawmhnâk bia, upatnâk, thiltikhawhnâk le ṭhawnnâk kha zungzal in zungzal tiang kan Pathian sinah um ko seh. Amen.” tiah an ti.