BIAPHUAN 4:8 - Laibaibal Thiang (BSI)

⁸ Thilnung pali hna nih thla paruk cio an ngei i mit lawngte in a chunglei he a lenglei he a khat. Cun chun le zan din loin, “Zeizongtuahkho Bawipa Pathian, a um cangmi le a um liomi le a um laimi cu, a thiang, a thiang, a thiang,” tiah an ti.

Lai (Hakha) Common Language Bible 2006

⁸ Saram nung pali hna nih cun thla paruk cio an ngei i an chunglei he an lenglei he mit in an khat. Chunzan in hlasak an ngol lo i: “A thiang, a thiang, a thiang, Lianngan Bik Bawipa Pathian cu, Amah cu a um cangmi le a um liomi le a um laimi a si,” an ti.

BIAPHUAN 4:8 ပူးပေါင်းရင်းမြစ်များ

SALM 91:1

Cungnung bik ṭhutnâk hmun i a ummi hna cu Zeizongtuahkho thladêm ah an hmun lai.

LAMKALTU 20:31

Cucaah i ralring u, kumthum chung, mitthli he chun le zan mikip ralrin pêk ka ngol lo.

2 KORIN 6:18

“Nan ca Pa ka si lai i ka caah fanu fapa nan si lai, BAWIPA, Zeizongtuahkho nih a ti.

1THESALON 2:9

Zeitintiah u le nau hna kan tha a batning le kan harnâk nan hngalh, nan cungah thilrit tuahpiak kan duh lo ruangah chun zan hlan i rianṭuan buin Pathian thawngṭha bia kan in chimh hna.

1TIMOTE 4:16

Nangmah lei le na cawnpiakning ah i ral ring, cucu i nunpi peng law, cu nih cun nangmah le na bia ngaitu kha na khamh hna lai.

2TIMOTE 4:2

Bia cu chim! Cân â rem ah siseh, â remlo ah siseh timhcia in um ko. Lungsaunâk he cawnpiak hna law an lung pemh i zuamin chimhring hna law tha zong pe hna.

HEBRU 13:8

Jesuh Krih cu nizan, nihin, a zungzal in a hmun.

BIAPHUAN 1:4

Kei Johan nih, Asia ram i a ummi kawhhran pasarih hna sinah, a um liomi le a um cangmi le a um laimi sin le bawiṭhutdanh hmai i Thlarau pasarih hna sin le;

BIAPHUAN 1:8

“Kei Alpha le Omega, Hramthawknâk le Donghnâk, a um liomi le a um cangmi le a um laimi Zeizongtuahkho ka si,” tiah Bawipa nih a ti.

BIAPHUAN 11:17

“Maw Bawipa Zeizongtuahkho Pathian, A um liomi le A um cangmi le A um laimi na si. A liannganmi na ṭhawnnâk i bia na ceih caah lawmhnâk bia kan in chimh.

BIAPHUAN 14:11

Cun anmah dântatnâk meikhu cu zungzal in zungzal tiang van leiah a kai lai, sahrang le a lem a biatu hna le a min chinchiahnâk a putu vialte dântatnâk kha chunzan hlan in dinh ti a um lai lo,” tiah a au.

BIAPHUAN 14:3

Bawiṭhutdan hmai le thilnung pali le upa hna hmai ah hlathar bantuk khi an sak i vawlei in tlanhmi 144000 hna dah ti lo ahohmanhnih cu hla cu an cawng kho lo.

BIAPHUAN 15:3

Pathian sal Moses hla le Tuufano hla kha an sa: “Bawipa Pathian Zeizongtuahkho, Na rianṭuanmi hna cu a Lianngan in khuaruahhar an si! Aw mithiang hna Siangpahrang, Na lam hna cu a ding i a dik.

BIAPHUAN 15:7

Cuticun thilnung pali lakah pakhat nih, vanmi pasarih hna sinah, zungzal i a nungmi Pathian thinhunnâk i a khatmi sui hraitung pasarih a pêk.

BIAPHUAN 16:14

Zeitintiah cuhna cu khuachia thlarau, hmelchunhnâk a tuahtu, Zeizongtuahkho Pathian ni lianngan i raldohnâk ah pum dingin vawlei cung siangpahrang hna sin i a kalmi kha an si.

BIAPHUAN 16:7

Cun biakṭheng in midang nih, “Zeizongtuahkho Bawipa Pathian, Na biaceihmi cu a dik i a dingmi a si,” tiah a ti kha ka theih.

BIAPHUAN 19:15

Cubangin akâ chungin miphun hna a tuknâk ding a hârmi vainam a chuak. Cun thirfung he a uk hna lai. Zeizongtuahkho Pathian thinhunnâk ṭih a nungmi in misur nennâk khor ah a lamhchih hna lai.

BIAPHUAN 19:4

Cun upa 24 le thilnung pali hna cu an bawk i, “Amen! Haleluia” ti in bawiṭhutdanh i a ṭhumi Pathian kha an biak.

BIAPHUAN 21:22

Asinain a chungah ṭempal ka hmu lo, zeitintiah Zeizongtuahkho Bawipa Pathian le Tuufano cu an ṭempal an si.

BIAPHUAN 3:7

“Cun Filadelfia kawhhran vancungmi sinah hitihin ṭial, Mithiang, Mi taktak, David tawh ngeitu, ahohmanh khar lo dingin a hung i ahohmanh hun lo dingin a khartu nih khan hi bia hi a chim.”

BIAPHUAN 4:4

A laifang i bawiṭhutdan vêlchum ah bawiṭhutdan kul le li an um i cuka ah angkifual rang â aihmi upa kul le li an ṭhut kha ka hmuh hna, anlu ah suiluchin kha an i chinh.

BIAPHUAN 4:6

Bawiṭhutdanh hmai ah rili bantuk a fim ngaimi thlalang Kristal lungvar bantuk a um i bawiṭhutdanh lai fang le bawiṭhutdanh velchum ah thilnung pali an hnu hmai ah mit lawngte i a khatmi kha an um.

BIAPHUAN 4:9

Thilnung hna nih bawiṭhutdan ah a ṭhu i zungzal i a nungmi sinah sunparnâk le thangṭhatnâk le lawmhnâk bia an chim tikah;

BIAPHUAN 5:6

Cun ka hun zoh i ngaihmanh, bawiṭhutdan le thilnung pali hna le upa hna umnâk laifang ah thah ciami Tuufano bantuk, ki pasarih le mit pasarih a ngeimi a dir kha ka hmuh, cu mit pasarih hna cu Pathian Thlarau pasarih leicung dihlak i thlahmi kha an si.

BIAPHUAN 6:1

Cun Tuufano nih chinchiahnâk Pasarih lakah pakhat a phoih lio ka hmuh, thilnung pali lak i pakhat nih khuari thawng bangin, “Ra law, zoh tuah,” tiah a ti kha ka theih.

BIAPHUAN 6:6

Cun thilnung pali chungin aw nih, “Ngamu in changvut cuai khat, cun ngamu in barli changvut cuai thum, chiti le misur hang kha cu hrawk hna hlah” a ti kha ka theih.

BIAPHUAN 7:11

Vanmi vialte cu bawiṭhutdanh le upa hna le thilnung pali hna umnâk velchum ah an ṭhu i bawiṭhutdanh hmai ah bawhbu in Pathian kha an biak.

BIAPHUAN 7:15

Cucaah Pathian bawiṭhutdan hmaiah an um cang i chun zan hlan in a ṭempal ah a rian kha an ṭuan. Cun bawiṭhutdanh i a ṭhumi hrimhrim cu an sinah a um peng cang lai;