BIAPHUAN 4:4 - Laibaibal Thiang (BSI)

⁴ A laifang i bawiṭhutdan vêlchum ah bawiṭhutdan kul le li an um i cuka ah angkifual rang â aihmi upa kul le li an ṭhut kha ka hmuh hna, anlu ah suiluchin kha an i chinh.

Lai (Hakha) Common Language Bible 2006

⁴ Bawiṭhutdan cu a velchum in bawiṭhutdan dang kul le pali nih an kulh i cu bawiṭhutdan hna cungah cun, puan rang aa aih i sui luchin aa chinhmi upa kul le pali an ṭhu.

BIAPHUAN 4:4 ပူးပေါင်းရင်းမြစ်များ

SALM 21:3

Zeitintiah ṭhatnâk thluachuahnâk in na rak don i a lu ah suithiang bawiluchin kha na chinh.

MATTHAI 19:28

Jesuh nih, “Biataktein kan chimh hna, sertharnâk ah, Mi Fapa hi a bawiṭhutdanh cung i a ṭhut tikah, nannih aka zultu hna hi, Israel phun hleihnih cungah biaceihtu siin, bawiṭhutdanh hleihnih cungah nan ṭhu ve lai.

LUKA 22:30

cuticun ka Pennâk chung i ka cabuai cungah nan ei i nan din khawh nâkhnga le, Israel phun hleihnih bia ceihpiak in, bawi ṭhutdanh i nan ṭhut khawh nâkhnga,” tiah a ti.

2TIMOTE 4:8

Ahnubik ah dinnâk luchin cu ka caah chiah a si, cucu biaceihtu fel, Bawipa nih cu Ni ah aka pêk lai, kasin lawngah a si lai lo, Â langhnâk â ngaihmi vialte sin zongah a pêk lai.

BIAPHUAN 11:16

Cuticun Pathian hmai ah an bawiṭhutdanh i a ṭhumi upa kul le li kha an bawk i Pathian kha an biak,

BIAPHUAN 14:3

Bawiṭhutdan hmai le thilnung pali le upa hna hmai ah hlathar bantuk khi an sak i vawlei in tlanhmi 144000 hna dah ti lo ahohmanhnih cu hla cu an cawng kho lo.

BIAPHUAN 19:14

Cun van ralkapbu, puanrang â aihmi hna nih, rang râng hna cungah cit in Amah kha an zulh.

BIAPHUAN 19:4

Cun upa 24 le thilnung pali hna cu an bawk i, “Amen! Haleluia” ti in bawiṭhutdanh i a ṭhumi Pathian kha an biak.

BIAPHUAN 2:10

Na tuardingmi thil kha zei a si hmanhah ṭih hlah. A ngaingai tiah, khuachia nih nan lak i mi cheukhat hniksak dingin thongah an thlâk hna lai i ni hra chung harnâk nan tuar lai. Thih tiangin zumhtlâk in um law, nunnâk bawiluchin kan pêk lai;

BIAPHUAN 20:4

Cun bawiṭhutdan kha ka hmuh hna i a cungah mi an ṭhu, an sinah biaceihnâk kha an pêk. Pathian bia le Jesuh biahngaltu an si ruangah le sahrang le a lem a bia lo i ankut le ancal ah chinchiahnâk a co lo ruangah anlu an tanmi hna thlarau kha ka hmuh hna. Cu hna cu an hung nung i Krih he kum 1000 chung an uk hna.

BIAPHUAN 3:18

Cucaah na rum taktak nâkhnga ka sinah meiin thian termi sui rak caw dingin ruahnâk kan cheuh, taklawng i na ummi ningzah phentu dingah puangrâng le, na mit nih khua a hmuh nâkhnga mitfah sî zong ka sinah rak caw.

BIAPHUAN 4:10

upa kul le li hna kha bawiṭhutdan hmaiah an bawk i zungzal in a nungmi kha an biak. An bawiluchin kha bawiṭhutdan hmaiah an hlawnh i

BIAPHUAN 4:6

Bawiṭhutdanh hmai ah rili bantuk a fim ngaimi thlalang Kristal lungvar bantuk a um i bawiṭhutdanh lai fang le bawiṭhutdanh velchum ah thilnung pali an hnu hmai ah mit lawngte i a khatmi kha an um.

BIAPHUAN 5:11

Cuticun ka hun zoh i bawiṭhutdan le thilnung hna le upa hna umnâk velchum ah vanmi tampi aw ka theih, an tamning cu a thong thongin thong tampi an si.

BIAPHUAN 5:14

Cuticun thilnung pali hna nih, “Amen” tiah an rak ti. Upa hna zong nih bawh buin zungzal in zungzal tiang a nungmi kha an biak.

BIAPHUAN 5:6

Cun ka hun zoh i ngaihmanh, bawiṭhutdan le thilnung pali hna le upa hna umnâk laifang ah thah ciami Tuufano bantuk, ki pasarih le mit pasarih a ngeimi a dir kha ka hmuh, cu mit pasarih hna cu Pathian Thlarau pasarih leicung dihlak i thlahmi kha an si.

BIAPHUAN 5:8

Cazual a lâk tikah thilnung pali le upa kul le li hna cu Tuufano hmaiah an bawk i tingtang le zihmui in a khatmi sui khengkur an i put cio, cu zihmui cu mithiang hna thlacamnâk a si.

BIAPHUAN 6:11

Cuticun annih cu angkifual a rângmi an pêk cio hna i an sinum hna le an unau hna anmah bantuk i thah ding hna cu an thah dih hna hlan cu hngak rih dingin an chimh hna.

BIAPHUAN 7:11

Vanmi vialte cu bawiṭhutdanh le upa hna le thilnung pali hna umnâk velchum ah an ṭhu i bawiṭhutdanh hmai ah bawhbu in Pathian kha an biak.

BIAPHUAN 7:9

Cu thil hna hnu ah ka hun zoh i ngaihmanh mibupi ahohmanh i rel cawk lo, phunkip chung le hrinkip chung le, mikip chung le, holhphun kip chungin a rângmi angkifual in an i thuam, an kut in tûmhnah kha an i ken i bawiṭhutdanh hmai le Tuufano hmaiah an dir kha ka hmuh.

BIAPHUAN 9:7

Cu khaubawk hna muisam cu raltuknâk dingah rang an thomhmi bantuk khi an si. An lu ah sui bantuk luchin an chinh hna i an hmai cu minung hmai bantuk an si.