BIAPHUAN 4:2 - Laibaibal Thiang (BSI)

² Chikkhat te ah Thlarau in ka um, cun zohhmanh, vanah bawiṭhutdanh an chiah i bawiṭhutdanh ah cun Mi pakhat a ṭhu.

Lai (Hakha) Common Language Bible 2006

² Thlarau nih cun khulrang in a ka tlaih. Cun vancung ah cun bawiṭhutdan pakhat a ummi a cungah cun mi pakhat a ṭhut kha ka hmuh.

BIAPHUAN 4:2 ပူးပေါင်းရင်းမြစ်များ

SALM 11:4

BAWIPA cu a thiangmi a ṭempal ah a um, BAWIPA bawiṭhutdan cu vanah a um. A mit in a hmuh i minung fale kha a mitvun in a hniksak hna.

MATTHAI 22:43

Anih nih, “Asiahcun David nih Thlarau thawngin zeitindah ‘Bawipa’ tiah a auh kun?

HEBRU 8:1

Cubangin hihi kan chimmi hna tlângkomhtu cu a si; cubantuk Tlângbawi Ngan bik, van cungah Cungnung bik ṭhutnâk orhlei kam i a ṭhumi,

BIAPHUAN 1:10

Bawipa Ni ah Thlarau in ka um i ka hnulei in muko tumthawng bantuk aw thang ngaimi ka theih,

BIAPHUAN 12:5

Miphun vialte cungah thirfung in biaceihtu ding Naupa a hrin. Cun Naupa cu Pathian le a bawiṭhutdanh sinah lakchoh in a um.

BIAPHUAN 17:3

Cuticun amah nih ramcar ah Thlarau in aka kalpi. Cun lu pasarih le ki pahra a ngei i Pathian thangchiatnâk min lawng tein a khatmi sen-eu sahrang cungah â citmi nu pakhat kha ka hmuh.

BIAPHUAN 19:4

Cun upa 24 le thilnung pali hna cu an bawk i, “Amen! Haleluia” ti in bawiṭhutdanh i a ṭhumi Pathian kha an biak.

BIAPHUAN 20:11

Cuticun a nganmi bawiṭhutdan râng le a cung i a ṭhumi kha ka hmuh, a hmaikâ in van le vulei an zâm dih. Cun an caah umnâk hmun a um lo.

BIAPHUAN 21:10

Cun anih nih a ngan i a sâng ngaimi tlâng ah Thlarau in aka kalpi, Pathian sin in van i a rungṭummi Khualipi lianngan, a thiangmi Jerusalem kha a ka hmuhsak,

BIAPHUAN 21:5

Cuticun bawiṭhutdan i a ṭhumi nih, “Zohhmanh, thil vialte a thar in ka ser dih cang.” Cun ka sinah, “Ṭial tuah,” zeitintiah hi bia hna hi biatak le zumhtlâk an si,” tiah a ti.

BIAPHUAN 3:21

Teitu sinah ka bawiṭhutdan cungah ka pawng i ṭhutnâk nawl ka pêk lai, kei zong nih ka tei i ka Pa sinah a bawiṭhutdanh cung i ka ṭhut bantukin.

BIAPHUAN 4:10

upa kul le li hna kha bawiṭhutdan hmaiah an bawk i zungzal in a nungmi kha an biak. An bawiluchin kha bawiṭhutdan hmaiah an hlawnh i

BIAPHUAN 4:5

Cun bawiṭhutdanh in nimtlau le, khuari le, awthawng kha an hung chuak i bawiṭhutdanh hmai ah cun meiin pasarih kha an van, cucu Pathian Thlarau pasarih an si.

BIAPHUAN 4:9

Thilnung hna nih bawiṭhutdan ah a ṭhu i zungzal i a nungmi sinah sunparnâk le thangṭhatnâk le lawmhnâk bia an chim tikah;

BIAPHUAN 5:1

Cun bawiṭhutdanh i a ṭhumi orhlei kutah cazual, a chunglei le lenglei i ṭialmi chinchiahnâk pasarih i khenhchihmi kha ka hmuh.

BIAPHUAN 5:13

Cun sermi thil vialte van i a ummi le vawlei i a ummi le vawlei tang i a ummi le rili ah a ummi vialte cuka i a ummi vialte nih, “Bawiṭhutdanh i a ṭhumi le, Tuufano sinah, thluachuahnâk, thangṭhatnâk, sunparnâk le biaceihnâk kha zungzal in zungzal tiang um ko seh,” tiah an chimmi kha ka theih.

BIAPHUAN 6:16

cun tlâng le lungpi hna sinah “Kan nenh u bawiṭhutdan i a ṭhumi le Tuufano thinhunnâk hmaikâ in kan phen tuah uh!