Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




BIAPHUAN 4:11 - Laibaibal Thiang (BSI)

11 “Maw Bawipa sunparnâk le thangṭhatnâk le ṭhawnnâk kha hmuh awkah nâ tlâk: Zeitintiah Nangmah nih zeizong vialte na ser i na duhning i um awkah ser an si,” tiah an ti.

အခန်းကိုကြည့်ပါ။ ကော်ပီ

Lai (Hakha) Common Language Bible 2006

11 “Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.

အခန်းကိုကြည့်ပါ။ ကော်ပီ




BIAPHUAN 4:11
31 ပူးပေါင်းရင်းမြစ်များ  

Thangṭhat awktlâk BAWIPA cu ka auh lai; cuticun ka ral hna sinin khamh ka si lai.


Pathian sinah ṭhawnnâk pe u; a hlei in a ṭhatnâk cu Israel cungah a um. A ṭhawnnâk cu khuadawm ah khin a um.


BAWIPA nih zeizong vialte hi amah caah a ser hna, asi, misuaksual hna hmanh hi chiat ton ni caah sermi an si.


Pu le hna zeiruangahdah hi thil hi tuah nan timh. Minung sawh sawh, nanmah bantuk sining ngeimi kan si. Hibantuk santlailo thil hna hi mertâk u. Kannih nih lei le van, rili le a chung i a ummi thil vialte Sertu Pathian lei ah nan i mer khawh nâkhnga kan in chimh hna.


Pathian, vawlei le a chung i a ummi vialte a sertu cu lei le van Bawi a si caah, kut i sakmi ṭempal ah a um lo.


Amah sin le Amah thawng le Amah caah thil vialte hi an um i Amah sinah sunparnâk cu zungzal in um ko seh. Amen.


Jesuh Krih thawngin zeizong vialte sertu Pathian nih zungzal in a rak thuhmi i hawikawmhnâk biathli cu mi vialte sinah phuang dingin hi zângfahnâk hi pêk ka si.


“Nang, BAWIPA, a hramthawk in vawlei hram na bunh cang i van khi na kut chuak an si.


hi ni hmadung ah a Fapa in kan sinah bia a chim cang, Amah cu thil vialte rocotu ah a ruah i Amah hmangin vawlei hi ser a si.


A Pa le a Pathian caah siangpahrang le tlângbawi ah a kan sertu sinah, Amah sin hrimhrim ah cun sunparnâk le uknâk cu zungzal in zungzal tiang um ko seh. Amen.


cun zungzal in zungzal tiang a nungmi, van le a chung i thil a ummi hna le, vulei le a chung i thil a ummi hna le, rili le a chung i a ummi vialte Sertu chalh in, cucu rauhter a si ti lai lo,


thang ngai in a au i, “Pathian cu ṭih u law Amah cu sunparnâk pe u, zeitintiah bia a ceih cân cu a phân cang; van le rilipi le cerhti hna a Sertu cu bia tuah u,” tiah a ti.


Hithil hna hnu ah hin vanah mitampi aw thawng ka theih, “Haleluia! Khamhnâk le sunparnâk le upatnâk le ṭhawnnâk hna cu Bawipa kan Pathian ta a si!


Cuhna nih awthang piin, thah ciami Tuufano cu thiltikhawhnâk, rumnâk, fimnâk, ṭhawnnâk, thangṭhatnâk, sunparnâk le thluachuahnâk kha co awkah â tlâk tiah an ti.


Cuticun a ṭhawng ngaimi vanmi pakhat nih aw thang ngaiin, “Cauk hi phoih i a chinchiahnâk hna on awkah â tlakmi ahodah a um? tiah a au kha ka hmuh.


Hlathar an sa i, “Nangmah cu cazual kha la in, a chinchiahnâk kha phoihawk ah nâ tlak. Zeitintiah thah in na um cang i phunkip, holhkip, mikip le hrin kip chungin Pathian caah na thisen in na tlanh cang hna.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ