BIAPHUAN 4:1 - Laibaibal Thiang (BSI)

¹ Cu thil hna hnuah ka hun zoh i zohhmanh van ah innkâ â hun kha ka hmuh. Cun aw ka rak theih hmasatmi, muko thawng bantuk nih khan ka sinah, “Hika ahhin ra law, hmailei cân i a um lai ding thil kha kan chimh lai,” tiah a ka ti.

Lai (Hakha) Common Language Bible 2006

¹ Hi dih hin langhnak a dang pakhat ka hmuh ṭhan i vancung ah khin innka pakhat aa hungmi kha ka hmuh. Cun hlan deuh ah ka rak theihmi aw, muko aw bantuk a simi kha, a hung thang i, “Hika ah hin hung kai law, hi dih hin zeidah a um lai ti kha kan hmuhsak lai,” a ti.

BIAPHUAN 4:1 ပူးပေါင်းရင်းမြစ်များ

PHUNGTHLÛKBIA 25:7

Milianngan hna ṭhutnâk kenh awkah ṭhialmi si nâk cha cun “Hika lei ah hin ra,” tiah kawhmi si cu a ṭha deuh.

MATTHAI 3:16

Baptisma a in dih in, Jesuh cu ti chungin a hung chuah le cângkâ, ngaihmanh a caah van â ong, Pathian Thlarau ṭhuro bangin a rung ṭum i a cungah â fut kha a hmuh.

MARKA 1:10

Cun ti chungin a chuah le cângkâ van â ong i Thlarau kha ṭhuro bangin a cung i a rung ṭum kha a hmuh.

LUKA 3:21

Mi vialte nih baptisma an in lio ah, Jesuh zong nih baptisma a in ve, thla a cam lio ah van kha â ong.

JOHAN 16:13

Asinain Amah, biatak Thlarau, a rak phâk tikah, biatak vialte chungah an kalpi hna lai; Amah nawl in zeihmanh a chim lai lo, a theihmi vialte a chim deuh lai, ara laimi thil tiangin an hngalhter hna lai.

LAMKALTU 10:11

van â ongmi a hmuh i bawm nganpi puan killi in an run ṭhumh i vulei ah a phân.

LAMKALTU 7:56

“Zohhmanh u, van â ongmi ka hmuh i Pathian orhlei i Mi Fapa dir zong ka hmuh! tiah a ti.

BIAPHUAN 1:10

Bawipa Ni ah Thlarau in ka um i ka hnulei in muko tumthawng bantuk aw thang ngaimi ka theih,

BIAPHUAN 1:12

Aka chawntu hmuh duhah aw ka theihnâk lei ah kâ mer i sui meiin chiahnâk pasarih kha ka hmuh;

BIAPHUAN 1:19

Hi na hmuhmi thil, atu a um liomi le tu hnuah a um laimi kha ṭial hna.

BIAPHUAN 11:12

Cun van in aw thang ngai a rak chuakmi nih, “Hika hin rak kai uh” tiah an ti hna. Cun minmei lak in van ah an kai i an ral hna nih cat loin an zoh hna.

BIAPHUAN 11:19

Cuticun van ah Pathian ṭempal cu â ong i a ṭempal chungah a biakamkuang kha a lang. Cun nimtlau â lek i thawngpang a thang, khua a ri, li kha â hnin i a ngan ngaimi rial kha an tla.

BIAPHUAN 16:17

Cuticun vanmi pasarihnâk nih a hrai cu thli chungah a toih, cun van ṭempal i bawiṭhutdanh in aw thangngai pakhat nih, “Lîm a si cang” tiah a ti.

BIAPHUAN 19:11

Cubangin van â ongmi ah, zohhmanh, rang râng ka hmuh. Cun a cungah a ṭhumi cu Zumhtlâk le Biatak tiah kawhmi a si i dinnâk in bia a ceih i ral a doh tawn.

BIAPHUAN 22:6

Cuticun anih nih ka sinah, “Hi bia hna hi biatak le zumhtlâk an si,” tiah a ti. A thiangmi Profet hna Pathian nih a um zau laimi thil hna kha a sal hmuhsak dingin a vanmi a run thlah.