BIAPHUAN 3:7 - Laibaibal Thiang (BSI)

⁷ “Cun Filadelfia kawhhran vancungmi sinah hitihin ṭial, Mithiang, Mi taktak, David tawh ngeitu, ahohmanh khar lo dingin a hung i ahohmanh hun lo dingin a khartu nih khan hi bia hi a chim.”

Lai (Hakha) Common Language Bible 2006

⁷ “Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.

BIAPHUAN 3:7 ပူးပေါင်းရင်းမြစ်များ

SALM 145:17

BAWIPA cu a lamkip in a ding dih i a tuahmi thil pauh hi vêlngeihnâk an si.

SALM 16:10

Zeitintiah ka thlarau Seol ah na kaltâk lai lo i na mithiang thutmân kha na siang lai lo.

SALM 89:18

Zeitintiah kan phaw hi BAWIPA ta a si i kan Siangpahrang hi Israel mithianghlim hna ta a si.

MATTHAI 16:19

Cun vanbawi pennâk tawh kha kan pêk lai i vulei cungah na ṭemmi cu vanah ṭem an si lai, vulei cungah na phoihmi cu vanah phoih an si ve lai,” tiah a ti.

MATTHAI 24:35

Lei le van an rawk lai, ka bia cu zeitilei hmanh in a rawk lai lo.

MARKA 1:24

anih nih, “Kanmah tein kan umter! Nazaret Jesuh, nang le kannih zeidah kan i pehtlaihnâk a um? A kan hrawktu dingah na ra cang maw? Nang kan hngalh ko, Pathian Mithiang na si,” tiah a au.

LUKA 1:32

Mi ngan a si lai i Cungnung bik Fapa an ti lai; Bawipa Pathian nih apa David ṭhutdanh kha a pêk lai.

LUKA 4:34

“Kanmah te kan umter ko; Nazaret Jesuh, nangmah he pehtlaihnâk zeidah kan ngeih, a kan hrawktu dingah maw na rat? Pathian Mithiang na si kha kan in hngalh,” tiah a ti.

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

LAMKALTU 3:14

Mithiang le Midik kha nan duh lo i lainawng tu kha nansin i pêk awkah nan hal,

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

BIAPHUAN 1:11

Cu aw nih “Kei cu Alpha le Omega, Hmaisa bik le Hmahnung bik ka si. Na hmuhmi cu cauk ah ṭial law, Asia ram i a ummi kawhhran pasarih; Efesa, Smirna, Pergamos, Thiatira, Sardis, Filadelfia le Laodisia sinah kuat hna,” tiah a ti.

BIAPHUAN 1:18

Keimah cu a nungmi ka si, ka rak thi cang, cun zohhmanh zungzal ca in ka nung cang. Amen. Thihnâk le Mithikhua tawh kha ka ngeih hna.

BIAPHUAN 1:5

Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,

BIAPHUAN 15:3

Pathian sal Moses hla le Tuufano hla kha an sa: “Bawipa Pathian Zeizongtuahkho, Na rianṭuanmi hna cu a Lianngan in khuaruahhar an si! Aw mithiang hna Siangpahrang, Na lam hna cu a ding i a dik.

BIAPHUAN 16:7

Cun biakṭheng in midang nih, “Zeizongtuahkho Bawipa Pathian, Na biaceihmi cu a dik i a dingmi a si,” tiah a ti kha ka theih.

BIAPHUAN 19:11

Cubangin van â ongmi ah, zohhmanh, rang râng ka hmuh. Cun a cungah a ṭhumi cu Zumhtlâk le Biatak tiah kawhmi a si i dinnâk in bia a ceih i ral a doh tawn.

BIAPHUAN 19:2

Zeitintiah a biaceihnâk kha a dik i a ding, zeicatiah a liannganmi hlawhhlângnu a horduhcuainâk in vawlei a hrawktu cu bia a ceih cang i a sal le hna thisen a chuahnâk kha a lehrulh ve cang.”

BIAPHUAN 2:1

“Efesa kawhhran vancungmi sinah hitihin ṭial, a orhlei kutin arfi parasih â put i sui meiin chiahnâk pasarih lak i â chok lenmi nih hi bia hi a chim,

BIAPHUAN 21:5

Cuticun bawiṭhutdan i a ṭhumi nih, “Zohhmanh, thil vialte a thar in ka ser dih cang.” Cun ka sinah, “Ṭial tuah,” zeitintiah hi bia hna hi biatak le zumhtlâk an si,” tiah a ti.

BIAPHUAN 3:14

“Cun Loadisia kawhhran vancungmi sinah hitihin ṭial, ‘Amen, Zumhtâk le Hngalhpitu Taktak, Pathian sermi thil hna Hrampi nih hitihin a chim.

BIAPHUAN 4:8

Thilnung pali hna nih thla paruk cio an ngei i mit lawngte in a chunglei he a lenglei he a khat. Cun chun le zan din loin, “Zeizongtuahkho Bawipa Pathian, a um cangmi le a um liomi le a um laimi cu, a thiang, a thiang, a thiang,” tiah an ti.

BIAPHUAN 5:9

Hlathar an sa i, “Nangmah cu cazual kha la in, a chinchiahnâk kha phoihawk ah nâ tlak. Zeitintiah thah in na um cang i phunkip, holhkip, mikip le hrin kip chungin Pathian caah na thisen in na tlanh cang hna.

BIAPHUAN 6:10

Annih nih awthang ngai in “Maw, Bawipa a thiangmi le a dikmi vawlei mi hna cungah kan thisen an chuahtermi phu hlam loin zeicandah na um lai?” tiah an ti.