BIAPHUAN 22:2 - Laibaibal Thiang (BSI)

² Khualipi laifang lamthluan le tiva kam veve ah nunnâk thingkung, theitlai phun hleihnih thlachiarte a tlaimi a um. Cu thinghnah hna cu miphun hna damnâk caah a si.

Lai (Hakha) Common Language Bible 2006

² Cu tivakam ah cun nunnak thingkung cu a um i kum khat ah voi hleihnih, thla khat ah voi khat lengmang thei a tlai; cun a hnah cu miphun vialte hna caah damnak a si.

BIAPHUAN 22:2 ပူးပေါင်းရင်းမြစ်များ

SALM 147:3

Lungthin kuaimi a damter, an hma a tuampiak hna.

PHUNGTHLÛKBIA 3:18

 tlaihtu hna caah nunnâk thingkung a si i â nunpimi vialte cu lunglawmmi an si.

LUKA 4:18

BAWIPA Thlarau cu ka cungah a um, zeicatiah sifakmi hna sin i Thawngṭha chim dingin chiti a ka thuh; lungkuaimi hna damter awkah aka thlah i saltangmi hna luatter ding le, mitcawmi hna khua hmuhter ding le, lamhchihmi hna luatnâk ding

1 PETER 2:24

Sualnâk leiah kan thih i dinnâk lei ah kan nun khawh nâkhnga, a taksa hrimhrim in thing cungah kan sualnâk kha a phorh i an tuknâk hma in nan dam cang.

BIAPHUAN 2:7

“Thlarau nih kawhhran hna sinah a chimmi hi hnâ a ngeimi nih thei ko hna seh. Teitu sinah Pathian Paradis laifang i a ummi nunnâk thing ei awkah ka pêk lai,” tiah a ti.

BIAPHUAN 21:21

Kutkâ hleihnih hna cu rili lungvar an si i kutkâ pakhat nih rili lungvar pakhat cio an ngei. Cun khualipi laifang lamhluan cu lanko i zohkhawhmi thlalang bantuk sui thiangmi a si.

BIAPHUAN 21:24

Cun miphun hna sin in khamhmi hna cu a ceunâk ah an lêng lai, cun vawlei siangpahrang hna nih an sunparnâk le hmaizahnâk cu an i luhpi lai.

BIAPHUAN 22:1

Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak.

BIAPHUAN 22:14

Khualipi kutkâ ah an luh i nunnâk thing cungah nawl an ngeih khawh nâkhnga a nawlpêk hna a tuahtu cu mithluachuak an si.

BIAPHUAN 22:19

cun hi cauk chung i chimchung bia hna lolak i a lami pauh cu hi cauk chungah ṭialmi Nunnâk thing a thiangmi khualipi kha a lâkpiak ve lai.