BIAPHUAN 22:1 - Laibaibal Thiang (BSI)

¹ Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak.

Lai (Hakha) Common Language Bible 2006

¹ Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

BIAPHUAN 22:1 ပူးပေါင်းရင်းမြစ်များ

SALM 46:4

Tiva pakhat a um i aṭe hna cu Pathian khualipi nomhtertu an si, Cungnung Bik umnâk hmun thianghlim cu.

JOHAN 13:32

Amah in Pathian kha thangṭhat in a um ahcun, Pathian zong nih Amah hrimhrim in a thangṭhat lai, cun chikkhat te ah a thangṭhat lai.

JOHAN 15:26

Asinain Bawmtu, Pa sinin ka rak thlah hngami, biatak Thlarau- Pa i a chuakmi cu a rat tikah, ka bia a hngalhter lai.

JOHAN 4:14

asinain an sin i ka pêkmi ti a dingmi pauh cu an ti a hal ti lai lo. An sin i ka pêkmi ti cu anmah ah ti hna a um lai i zungzal nunnâk tiangin a luanglan lai,” tiah a ti.

LAMKALTU 2:33

Cucaah Pathian orhlei kut ah thangṭhat in a um i pêk awkah kamhmi Thiang Thlarau cu Pa sinin a hmuh, atu i nan hmuh le nan theihmi hi Amah nih a kan toihmi a si.

BIAPHUAN 1:1

Jesuh Krih Biaphuan, a rauh hlanah a phân hrimhrim laimi Pathian nih a sal le hmangin hngalhter a timhmi cu hihi an si. A vancungmi thlah in a sinum Johan sinah a hngalhter;

BIAPHUAN 21:11

Pathian sunparnâk a ngeimi, a ceuning cu a sunglawi bik lungvar bantuk, jasper le crytal lungvar bantuk a si.

BIAPHUAN 21:6

Cun ka sinah, “Lîm a si cang! Keimah cu Alpha le Omega, Hramthawknâk le Donghnâk. Ati a hâlmi kha nunnâk cerhti man lo tein ka pêk hna lai.

BIAPHUAN 21:9

Cuticun vanmi pasarih lak i pakhat hremnâk i a khatmi hrai pasarih â putmi nih a hun ka chawnh i ka sinah, “Ra tuah, Tuufano nupi, a mo cu kan hmuh sak lai,” tiah a ti.

BIAPHUAN 22:17

Cun Thlarau le mo nih, “Ra!” an ti. A theimi hna nih, “Ra!” ti hna seh. Ati a hâlmi pauh cu ra in, a duhmi pauh nih, nunnâk ti hi man loin la hna seh.

BIAPHUAN 22:6

Cuticun anih nih ka sinah, “Hi bia hna hi biatak le zumhtlâk an si,” tiah a ti. A thiangmi Profet hna Pathian nih a um zau laimi thil hna kha a sal hmuhsak dingin a vanmi a run thlah.

BIAPHUAN 3:21

Teitu sinah ka bawiṭhutdan cungah ka pawng i ṭhutnâk nawl ka pêk lai, kei zong nih ka tei i ka Pa sinah a bawiṭhutdanh cung i ka ṭhut bantukin.

BIAPHUAN 5:13

Cun sermi thil vialte van i a ummi le vawlei i a ummi le vawlei tang i a ummi le rili ah a ummi vialte cuka i a ummi vialte nih, “Bawiṭhutdanh i a ṭhumi le, Tuufano sinah, thluachuahnâk, thangṭhatnâk, sunparnâk le biaceihnâk kha zungzal in zungzal tiang um ko seh,” tiah an chimmi kha ka theih.

BIAPHUAN 5:6

Cun ka hun zoh i ngaihmanh, bawiṭhutdan le thilnung pali hna le upa hna umnâk laifang ah thah ciami Tuufano bantuk, ki pasarih le mit pasarih a ngeimi a dir kha ka hmuh, cu mit pasarih hna cu Pathian Thlarau pasarih leicung dihlak i thlahmi kha an si.

BIAPHUAN 7:17

zeitintiah Tuufano bawiṭhutdan laifang i a ummi cu anmah kilvengtu a si lai i nunnâk tikhor ah a hruai hna lai. Anmit i mitthli vialte kha Pathian nih a hnawhpiak hna lai,” tiah a ti.