BIAPHUAN 20:4 - Laibaibal Thiang (BSI)

⁴ Cun bawiṭhutdan kha ka hmuh hna i a cungah mi an ṭhu, an sinah biaceihnâk kha an pêk. Pathian bia le Jesuh biahngaltu an si ruangah le sahrang le a lem a bia lo i ankut le ancal ah chinchiahnâk a co lo ruangah anlu an tanmi hna thlarau kha ka hmuh hna. Cu hna cu an hung nung i Krih he kum 1000 chung an uk hna.

Lai (Hakha) Common Language Bible 2006

⁴ Cun bawiṭhutdan hna le a cung i a ṭhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.

BIAPHUAN 20:4 ပူးပေါင်းရင်းမြစ်များ

MATTHAI 19:28

Jesuh nih, “Biataktein kan chimh hna, sertharnâk ah, Mi Fapa hi a bawiṭhutdanh cung i a ṭhut tikah, nannih aka zultu hna hi, Israel phun hleihnih cungah biaceihtu siin, bawiṭhutdanh hleihnih cungah nan ṭhu ve lai.

MATTHAI 24:10

Cu cân ah cun mi tampi an tlu lai, an i ripawt lai i an i hua lai.

MARKA 6:16

Asinain Herod nih cun a rak theih ka tein, “A lu ka tanmi Johan kha a si hrimhrim ko lai; thihnâk in a tho ṭhân a si ko lai,” tiah a ti.

MARKA 6:27

Cun siangpahrang nih vengtu ralkap pakhat a thlah cawlh i a lu rak pu dingin nawl a pêk. Anih nih thawng chungah a lu kha a va tan.

MARKA 9:11

A sinah, “Zeiruangahdah nawlbia cawnpiaktu hna nih, Elijah a ra hmasa lai, an ti tawn,” tiah an hal.

LUKA 1:17

Cuticun, ‘pale hna lungthin an fale hna sin i merter awk le nawlngai lomi kha mifim bang i umter awkah, Bawipa ca i mi hna rak timlam dingah Elijah thlarau le thiltikhawhnâk he Bawipa hmaiah a kal hmasa lai,” tiah a ti.

LUKA 14:14

Cuhna nih chamnâk ding an ngeih lo caah thluachuah nahmuh lai, miding mi hna thawhṭhân ni ah cham na si te lai,” tiah a ti.

LUKA 22:30

cuticun ka Pennâk chung i ka cabuai cungah nan ei i nan din khawh nâkhnga le, Israel phun hleihnih bia ceihpiak in, bawi ṭhutdanh i nan ṭhut khawh nâkhnga,” tiah a ti.

JOHAN 14:19

“A rauh hlan ah vawlei nih anka hmu ti lai lo, asinain nannih nih cun nan ka hmuh lai, ka nun ruangah nan nih zong nan nung ve lai.

ROM 11:15

Zeitintiah anmah hlawtnâk hmanh vawlei he remṭhannâk a si ahcun, anmah cohlan `hannâk cu thihnâk in nunnâk ti ko lo cu zeidah a si lai?

ROM 8:17

fa kan si ahcun, ro cotu kan si. Pathian ro cotu Krih ro copi hawi kan si, Amah kan tuarpi taktak ahcun a sinah thangṭhat kan si ve lai.

2TIMOTE 2:12

Kan tuar ahcun Amah he bia kan ceih lai. Amah kan hlawt ahcun Amah zong nih a kan hlawt ve lai.

BIAPHUAN 1:2

amah nih Pathian bia le Jesuh Krih kong a hmuhmi vialte kha a hngalhter hna.

BIAPHUAN 1:9

Kei Johan nan unaupa le Jesuh Krih ah harsatnâk le pennâk le inkhawhnâk an hrawmhpitu hna hi Pathian bia le Jesuh Krih bia hngalhternâk ruangah Patmos tikulh an timi ah ka um;

BIAPHUAN 11:11

Cuticun nithum le a cheu hnu ah, Pathian sinin nunnâk thaw kha an chungah a lut i an dir, a hmutu hna kha ṭihnâk nganpi nih a tlaih hna.

BIAPHUAN 11:15

Cuticun vanmi pasarihnâk nih a hun tum: Cun van ah khin aw thang ngaiin, “Hi vawlei siangpahrang pennâk hna cu kan Bawipa le a Krih pennâk ah â cang, zungzal in zungzal tiangin a uk lai,” tiah a au;

BIAPHUAN 11:3

Cun ka biahngaltu pahnih hna sinah thiltikhawhnâk ka pêk hna lai, cuticun buri puan aih in ni 1260 chung bia an phuan lai,” tiah a ti.

BIAPHUAN 11:7

An hngalhternâk bia an chim dih in taw a ngei lomi khor chungin a rak chuakmi sahrang nih a doh hna lai i tei in a thah hna lai.

BIAPHUAN 12:11

Cun annih nih Tuufano thisen le a bia an hngalhternâk thawngin an tei cang, an nunnâk hmanh thih tiangin an daw lo.

BIAPHUAN 14:11

Cun anmah dântatnâk meikhu cu zungzal in zungzal tiang van leiah a kai lai, sahrang le a lem a biatu hna le a min chinchiahnâk a putu vialte dântatnâk kha chunzan hlan in dinh ti a um lai lo,” tiah a au.

BIAPHUAN 15:2

Cun tlângbantuk mei he â cawhmi thlalang rili ka hmuh i sahrang le a lem, a chinchhiahnâk le a min nambar hna cung i teinâk a hmumi hna nih thlalang rili cungah dir in Pathian tingtang kha an i put.

BIAPHUAN 17:8

Na hmuhmi sahrang a rak um cang i a um ti lomi kha, taw a ngeilo khor in a rak chuak i lohtlaunâk i a kal hngami a si. Cun vawlei i a ummi vawlei serka in Nunnâk Cauk ah min ṭial lomi hna nih sahrang a rak um cang i a um ti lomi kha an hmuh tikah mak an ti lai.

BIAPHUAN 2:26

Cun teitu le a dongh tiang ka rian a pehzulhtu sinah miphun hna cung i ṭhawnnâk ka pêk lai i

BIAPHUAN 20:6

Thawhṭhân a voikhatnâk i â telmi hna cu thluachuah an hmu i an thiang. Cu hna cungah cun thih voihnihnâk nih ṭhawnnâk a ngei ti lo, Pathian le Krih tlângbawi an si lai i Amah he kum 1000 an uk lai.

BIAPHUAN 22:5

Cuka ah zan a um ti lai lo: Ni ceunâk le meiin an herh ti lo, zeitintiah Bawipa Pathian nih a ceuh hna lai. Cun zungzal in zungzal tiang an uk lai.

BIAPHUAN 3:21

Teitu sinah ka bawiṭhutdan cungah ka pawng i ṭhutnâk nawl ka pêk lai, kei zong nih ka tei i ka Pa sinah a bawiṭhutdanh cung i ka ṭhut bantukin.

BIAPHUAN 4:4

A laifang i bawiṭhutdan vêlchum ah bawiṭhutdan kul le li an um i cuka ah angkifual rang â aihmi upa kul le li an ṭhut kha ka hmuh hna, anlu ah suiluchin kha an i chinh.

BIAPHUAN 6:9

Chinchiahmi panganâk a hun phoih tikah biakṭheng tangah Pathian bia le an hngalh termi kha an i tlaih peng ruangah thahmi thlarau kha ka hmuh hna.

BIAPHUAN 7:3

kan Pathian salle hna cu an cal i kan chihchiah hna hlanah cun lei le rili le thinghna cu hrawk rih hlah u, tiah a ti.