BIAPHUAN 2:7 - Laibaibal Thiang (BSI)

⁷ “Thlarau nih kawhhran hna sinah a chimmi hi hnâ a ngeimi nih thei ko hna seh. Teitu sinah Pathian Paradis laifang i a ummi nunnâk thing ei awkah ka pêk lai,” tiah a ti.

Lai (Hakha) Common Language Bible 2006

⁷ “Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

BIAPHUAN 2:7 ပူးပေါင်းရင်းမြစ်များ

PHUNGTHLÛKBIA 11:30

Miding hna theitlai cu nunnâk thing a si i thlarau tlaitu hna cu mifim an si.

PHUNGTHLÛKBIA 13:12

Hngahmi hmuhzau lonâk nih lung a zawtter, asinain duhmi phâk cu nunnâk thingkung a si.

PHUNGTHLÛKBIA 15:4

A ngan a dammi lei cu nunnâk thingkung a si i ilhkhiahnâk nih thlarau a khuai tawn.

PHUNGTHLÛKBIA 3:18

 tlaihtu hna caah nunnâk thingkung a si i â nunpimi vialte cu lunglawmmi an si.

MATTHAI 11:15

Theihnâk ding i hna a ngeimi nih thei ko hna seh.

MATTHAI 13:43

Miding cu an Pa pennâk ah ni bangin an ceu cang lai. Theihnâk dingah hnâ a ngeimi nih thei ko hna seh.

MATTHAI 13:9

Theihnâk dingah hnâ a ngeimi pauh nih thei hna seh,” tiah a ti.

MARKA 4:9

Cun “Theihnâk dingah hna a ngeimi pauh nih thei hna seh,” tiah a ti hna.

MARKA 7:15

lenglei in minung paw chung i a lutmi nih mi a thûrter bal lo; minung chungin a rak chuakmi tu kha mi a thûrtertu cu a si.

MARKA 7:16

Theihnâk ding i hna a ngeimi pauh nih thei seh,” tiah a ti.

LUKA 23:43

Jesuh nih, “Biataktein kan chimh, nihin ah, Paradis ah, keimah sinah na um lai,” tiah a ti.

LUKA 8:8

Asinain cheukhat cu leiṭha ah a tla, a ṭhang i a let zakhat in thei a tlai,” tiah a ti. Cu bia a chim lio ah a au i, “Theihnâk dingah hna a ngeimi pauh nih thei ko seh,” tiah a ti.

JOHAN 16:33

Keimah ah hnangam tein nan i dinh khawh nâkhnga hi bia hi nan sinah ka chimmi a si. Vawlei ah hin harnâk nan ton tawn, asinain hnangam tein um u, vawlei cu ka tei cang.”

1 KORIN 2:10

Asinain cucu Pathian nih kan sinah a Thlarau in a kan hngalhter. Thlarau nih cun zeizong vialte a dahhriah dih, asi, a thûkmi Pathian bia zong.

2 KORIN 12:4

Paradis i lakchoh i a um ning le, bia in chim khawh lomi le minung caah chimthian lo mi hna a hngalh.

1JOHAN 2:13

Pa le hna nan sin i ka ṭial chan hi, a hramthawk i a ummi kha nan hngalh caah a si. Tlangval hna nan sin i ka ṭialchan hi misual pa kha nan tei caah a si. Ngakchia le hna nan sin i ka ṭial chan hi, Pa cu nan hngalh caah a si.

BIAPHUAN 13:9

Mizei pauh theihnâk dingah hnâ a ngeih ahcun, thei ko seh.

BIAPHUAN 14:13

Cuticun vanlei in aw nih, “Hiti hin ṭial tuah, atu thawk in mithi, Bawipa i a thimi hna cu mi vanṭha an si,” “A si” an thabâtnâk cu an dinhtâk cang lai, cun an tuahsernâk tu nih a zulh ve cang hna lai, tiah Thlarau nih a ti.

BIAPHUAN 15:2

Cun tlângbantuk mei he â cawhmi thlalang rili ka hmuh i sahrang le a lem, a chinchhiahnâk le a min nambar hna cung i teinâk a hmumi hna nih thlalang rili cungah dir in Pathian tingtang kha an i put.

BIAPHUAN 2:11

Thlarau nih kawhhran hna sinah a chimmi hi hnâ a ngeimi nih thei ko seh. A teitu pauh cu thih voihnihnâk nih fahnâk a pe lai lo,” tiah a ti.

BIAPHUAN 2:17

Thlarau nih kawhhran hna sin i a chimmi hi hna a ngeimi nih thei ko seh. A teitu hna cu thuhmi mana cheukhat ei awk ka pêk hna lai. Cun min thar â ṭialnâk lungvar, a cotu dah tilo ahohmanh nih an hngalh lomi kha ka pêk lai,” tiah a ti.

BIAPHUAN 21:7

Teitu nih thil vialte hi an co dih lai, a Pathian ka si lai, amah cu ka fapa a si lai.

BIAPHUAN 22:14

Khualipi kutkâ ah an luh i nunnâk thing cungah nawl an ngeih khawh nâkhnga a nawlpêk hna a tuahtu cu mithluachuak an si.

BIAPHUAN 22:17

Cun Thlarau le mo nih, “Ra!” an ti. A theimi hna nih, “Ra!” ti hna seh. Ati a hâlmi pauh cu ra in, a duhmi pauh nih, nunnâk ti hi man loin la hna seh.

BIAPHUAN 22:2

Khualipi laifang lamthluan le tiva kam veve ah nunnâk thingkung, theitlai phun hleihnih thlachiarte a tlaimi a um. Cu thinghnah hna cu miphun hna damnâk caah a si.