BIAPHUAN 2:5 - Laibaibal Thiang (BSI)

⁵ Cucaah na tlûktâkmi kha hngal in i ngaihchih law na tuah hmasa bik kha tuah ṭhân, nâ ngaihchih lo ahcun hmakhat teah na sinah ka ra lai i na meiin vannâk kha a umnâk hmun in ka ṭhial lai;

Lai (Hakha) Common Language Bible 2006

⁵ Zeitluk niam i na tlak cang kha philh hlah. Na sualnak kha mertak hna law hmasa i na rak tuah tawnmi kha tuah ṭhan hna. Na sualnak kha na mertak hna lo ahcun, ka ra lai i na mei vannak kha a umnak hmun in ka ṭhial lai.

BIAPHUAN 2:5 ပူးပေါင်းရင်းမြစ်များ

MATTHAI 5:14

“Vawlei ceunâk nan si. Tlângcung tlakmi khua cu thuhkhawh a si lo.

MATTHAI 5:15

Minih mei-in vângin kho in an khuh bal lo, innchung i a ummi vialte a ceuh hna nâkhnga a chiahnâk ah an chiah tawn.

MARKA 12:9

“Cucaah dûm ngeitu nih zeitindah a ti hna lai? Ara lai i dûm congtu hna cu a hloh dih hna lai i midang kut ah dûm cu a pêk lai.

LUKA 1:17

Cuticun, ‘pale hna lungthin an fale hna sin i merter awk le nawlngai lomi kha mifim bang i umter awkah, Bawipa ca i mi hna rak timlam dingah Elijah thlarau le thiltikhawhnâk he Bawipa hmaiah a kal hmasa lai,” tiah a ti.

LUKA 20:16

Ara lai i dûm congtu hna cu a hrawh dih lai i dûm congtu dang sinah a pêk lai, tiah a ti. Cu bia an theih tikah, biangaitu hna nih, cucu phân sawh hlah seh, tiah an ti.

GALATI 5:4

Nannih nawlbia in thiamco â timmi hna, Krih he nan i ṭhen cang, zângfahnâk in nan tlu cang.

FILIPI 2:15

â merhmi le â ngerhngawimi chan ah hin, Pathian fa, palhnâk ngei lo, fahnâk pe lo le, sawi awk um loin vawlei ah ceunâk bangin nan ceu lai,

HEBRU 10:32

Hlan i ceunâk nan rak hmuh hnu i temtuarnâk le buainâk nganpi nan tuarmi kha ruat ṭhân hmanh u,

2 PETER 3:17

Cucaah dawtmi hna, nannih nih, hihi nan rak theih chung cang, nan i ralrin lo ahcun misuaksual hna lampialnâk in an in hruaihna lai i fek tein nan dirnâk hmun in nan tlu sual lai;

JUDAS 1:24

Cubangin nan tlûk nâkhnga lo an kilveng khotu le a sunparnâk hmai ah lawmhnâk taktak he thûrhnawm lo in an chia khotu,

BIAPHUAN 1:20

Ka orhlei kut i arfi pasarih na hmuhmi hna le sui meiin chiahnâk pasarih hna biathli cu hihi a si: Arfi pasarih hna cu kawhhran pasarih hna i an vancungmi an si. Meiin chiahnâk pasarih hna cu kawhhran pasarih kha an si.

BIAPHUAN 16:9

Cun mi hna cu a lin ngaimi nih a emh hna, cun cubantuk hremnâk cungah ṭhawnnâk ngeitu Pathian min cu an thangchiat i Amah kha sunparnâk pêk awkah an i ngaihchih hlei lo.

BIAPHUAN 2:16

I ngaihchih, culoahcun na sinah ka ra zau lai i ka kâ chung i vainam in ka doh hna lai.

BIAPHUAN 2:19

“Na tuahmi ka hngalh, na dawtnâk le na rianṭuannâk le na zumhnâk le na inkhawhnâk kha ka hngalh, hmadung bik na ṭuanmi hna cu hmasa nâkin an ṭha deuh.

BIAPHUAN 2:2

“Na tuahmi kha ka hngalh hna, nâ zuamning le, na inkhawhnâk le misual nain khawh hna lo kha ka hngalh. Cun lamkaltu an si lo nain lamkaltu ka si â timi hna zong na hneksak hna i lihchimmi an sizia na hngalh cang hna.

BIAPHUAN 3:19

Ka dawtmi cu ka sîk hna i ka chimhhrin tawn hna. Cucaah i zuam law i ngaihchih;