BIAPHUAN 2:3 - Laibaibal Thiang (BSI)

³ Cun lungsau ngaiin na in i ka min in na temtuar ngai nain na ba lo.

Lai (Hakha) Common Language Bible 2006

³ Na lung a sau, keimah ruangah harnak na in i na lung a dong lo.

BIAPHUAN 2:3 ပူးပေါင်းရင်းမြစ်များ

SALM 37:7

BAWIPA ah i din law, Amah cu lungsau in hngak ko; an zulhmi lam i a neinung ngaimi hna ruangah le suahsualnâk ruahbu in a tluang ngaimi hna ruang zongah na ngaih i chiatter hlah.

SALM 69:7

Nangmah ruangah thangchiat ka ton i ningzahnâk in ka hmai a khuh dih.

MARKA 15:21

Cuticun Sairin khuami Simon, Alexandria le Rufas pa, a rak tlawngmi kha a vailam kha hranhram in an putter.

LUKA 14:27

Cun a vailam put in aka zul lomi pauh cu ka zultu a si kho lai lo.

LUKA 18:1

Cuticun lungdong loin thla an cam nâkhnga tahchunhnâk in a cawnpiak hna,

LUKA 21:19

Nan in khawhnâk nih nan nunnâk a khamh lai.

LUKA 5:5

Simon nih, “Cawnpiaktu, zan khaudei ka vorh cang i zeihmanh ka tlai lo, asinain na bia in sur ka vorh lai” tiah a ti.

LUKA 8:15

Asinain lei ṭha i a tlami tu cu, lungthin fel le ṭha in bia cu an theih, an i cinken peng i tuar khawhnâk he thei tlai an chuah tawn.

JOHAN 15:21

Sihmanhsehlaw hi thil vialte hna hi ka min ruangah nan cungah an tuah lai, Aka thlah tu an hngalh lo caah.

ROM 12:12

ruahchanhnâk ngeiin i lawm ulaw, harnâk lakah inkhawhnâkin, ṭhahnem ngaiin thla cam lengmang ko u.

ROM 16:12

Trifana le Trifosa Bawipa caah ba ngaiin rian a ṭuanmi kha an kut ka tlaih hna.

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

ROM 8:25

Kan hmuh rih lomi khi kan i ruahchan ahcun lungsau ngaiin kan hngak tawn.

1 KORIN 13:7

thil vialte a in i thil vialte a zumh, thil vialte â ruahchan i thil vialte a tuar tawn.

1 KORIN 16:16

cubantuk mi sinah rian a kan ṭuanpi i sem a kan ngaih pitu hna sinah tangdor dingin kan nawl hna.

2 KORIN 10:15

kan ṭuanmi hlei in midang rianṭuanmi kan i hmaihngal pi lo, asinain nan zumhnâk a ṭhanchoh bantukin nanmah thawngin kan eria hi a kau chinchin lai tiah kan i ruahchan,

2 KORIN 11:23

Krih rianṭuantu an si maw? Hruhbia in chim ning law, ka si deuh, anmahnâk in ka ṭuan deuh, a hleiin tuk ka ton, atu le atu thong ka tla, thihnâk hmunah voi tampi.

2 KORIN 4:1

Cucaah zângfahnâk kan hmuhning cio in hi rian hi kan hmuh bangin kan lung a dong bal lo.

2 KORIN 4:16

Cucaah kan lung a dong bal lo. Lenglei kan minung sinâk hi lo tlau cuahmah hmanhsehlaw, kan chunglei minung cu ni fatin tharchuah lengmang a si.

2 KORIN 5:9

Cucaah a sinah kan um ah siseh, um lo ah siseh, kan i timh bikmi cu Amah lawmhter kha a si.

2 KORIN 6:5

tuknâk, thongtlaknâk, buaibainâk, zângba i ṭuannâk, mitkuh vuai lonâk, rawlulhnâk,

GALATI 6:2

Pakhat le pakhat nan thilrit i châng u law Krih nawlbia nan tlinter a si lai.

GALATI 6:9

Cuticun thilṭha tuah neng hlah u sih. Kan i thlahdorh lo ahcun a cân te ah kan zûn te ko lai.

FILIPI 2:16

Krih ni ah kâ lawmhnâk hnga le, pakpalawng i a ṭuanmi le a tlimi ka si nâkhnga lo nunnâk bia cu fek tein i tlaih u.

FILIPI 4:3

Cun nang ka ṭuanpi hawi taktak kan nawl ko, kha nu hna, thawngṭha i ka ṭuanpi mi hna kha bawm hna. Klemen he, ka ṭuanpi hawi, Nunnâk cauk i min an ṭialmi hna he khan.

KOLOSE 1:11

lungsaunâk le inkhawhnâk le lomhnâk in nan um khawh nâkhnga a liannganmi a ṭhawnnâk nih thazâng pein an ṭhawnter hna lai,

1THESALON 1:3

zumhnâk i rian nan ṭuanmi le, dawtnâk ruangah nan thabâtnâk, kan Bawipa Jesuh Krih i ruahchannâk ruangah kan Pathian le Pa hmaiah nan lungsaunâk kha philh lo tein,

1THESALON 2:9

Zeitintiah u le nau hna kan tha a batning le kan harnâk nan hngalh, nan cungah thilrit tuahpiak kan duh lo ruangah chun zan hlan i rianṭuan buin Pathian thawngṭha bia kan in chimh hna.

1THESALON 5:12

Cun ule nau hna, nan lakah thaba in rian a ṭuntu le Bawipa i nan hotu hna le nun an chimtu hna kha upat dingin kan nawl hna,

2 THESALON 3:13

Ule nau hna, nannih cu thil ṭha tuah kha neng hlah u.

2 THESALON 3:5

Cubangin Bawipa nih nan lungthin kha Pathian dawtnâk le Krih inkhawhnâk ah in chia ko hna seh.

2 THESALON 3:8

asiloah aho rawl hmanh man loin kan ei bal lo, nan lakah ahohmanh thil rit pelo dingin chun zan hlan in thaba ngaiin rian kan ṭuan.

1TIMOTE 4:10

Zeitintiah Pathian nung cu kan zumh caah thaba ngai i kan ṭuan le chimchiatnâk kan inkhawhnâk zong hi a si, Amah cu mi vialte khamhtu a si, a hlei in a zumtu hna khamhtu a si.

1TIMOTE 5:17

Kawhhran upa fel tein biaceih a thiammi le, a hlei in phungchim le cawnpiak lei i a ṭuanmi hna cu a let hnih i thangṭhat tlâk an si.

HEBRU 10:36

Zeitintiah Pathian duhnâk nan tuah hnu i a kamhmi nan co khawh nâkhnga inkhawhnâk nan herh.

HEBRU 12:1

Cuticun kannih zong, hi tlukin a liannganmi hngalhpitu bu nih minmei bangin ankan kulh caah kan thilrit hna le fawi tein a kan foih kho tu sualnâk kha hlonh hna u sih law, kan hmai i tlikzuamnâk a ummi ah inkhawhnâk he tli u sih,

HEBRU 13:13

Cucaah Amah an zomh taihnâk cu phor in, haulenglei ah a sinah kal u sih.

HEBRU 6:10

Zeicatiah Pathian hi nan ṭuanmi le Amah minin dawtnâk i nan langhtermi rian le mithiang hna ca i nan rak ṭuan cangmi le nan ṭuan cuahmah mi hna philh ding tiangin mi dinglo a si lo.

HEBRU 6:12

cuticun zumhnâk le lungsaunâk thawngin biakam a co cangmi hna zohchunh in nan tha thu hlah seh.

HEBRU 6:15

Cuticun lungsau ngaiin a ṭuan hnu ah, kamhmi kha a co.

2 PETER 1:6

hngalhnâk ah khan i sûmnâk telhchih u law, i sûmnâk ah khan inkhawhnâk telhchih u, inkhawhnâk ah khan Pathian ṭihnâk telhchih u law,

BIAPHUAN 1:9

Kei Johan nan unaupa le Jesuh Krih ah harsatnâk le pennâk le inkhawhnâk an hrawmhpitu hna hi Pathian bia le Jesuh Krih bia hngalhternâk ruangah Patmos tikulh an timi ah ka um;

BIAPHUAN 3:10

Zeicatiah lungsau in ka nawlpêk nâ tlaih caah, lei minung hna hneksak dingin vawlei dihlak i a phân hngami teminnâk chungin kei zong nih kan luatter ve lai.