BIAPHUAN 2:23 - Laibaibal Thiang (BSI)

²³ A fale zong thihnâk in ka thah hna lai, cun kawhhran vialte nih ruahnâk le lungthin zohtu ka si hi an hngalh lai. Nannih zong nan tuahning cio in mikip sinah kan pêk hna lai.

Lai (Hakha) Common Language Bible 2006

²³ Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

BIAPHUAN 2:23 ပူးပေါင်းရင်းမြစ်များ

SALM 139:1

Maw BAWIPA, naka purh cikcek i naka hngalh.

SALM 26:2

Maw BAWIPA ka zohfiang law, ka hniksak tuah; ka lungthin le ruahnâk hi ka hniksak.

SALM 44:21

Pathian nih a hngal cawlh lai lo maw? zeitintiah lungthin i bia thli zong hngaltu a si.

SALM 62:12

Maw, BAWIPA vêl zong hi nangmah ta a si; zeitintiah mikip an tuah ningcio in na pêk tawn hna.

SALM 7:9

Aw misuaksual hna suahsualnâk kha donghter si seh law diknâk cu fehter si ko seh. Zeitintiah dinnâk Pathian nih lungthin le ruahnâk a hniksak tawn.

MATTHAI 16:27

Zeitintiah Mi Fapa hi a vanmi hna le a Pa sunparnâk he i thuamin a ra ṭhân lai, cu cân ah cun an tuahmi he â tlakin ṭuanman pêk an si te lai.

LUKA 16:15

Cun an sinah, “Mi hmuhnâk i â feltermi lawng nan si. Asinain Pathian nih nan lungthin a hngalh. Minung hna cawisanmi hi Pathian mit hmuh ah fihnung a si.

JOHAN 21:17

A voi thumnâk ah, “Simon, Jonah fapa, naka tlaihchan maw?” tiah a ti. Cun a voithumnâk ah, ‘Naka tlaihchan maw,’ tiah a sin i a ti ruangah Peter cu a ngaih a chia i a sinah, “Bawipa, zeizong vialte na hngalh, kan tlaihchan kha na hngalh ko,” tiah a ti. Jesuh nih, “Ka tuu kha cawm hna.

JOHAN 4:16

Jesuh nih, “Nava va au law, hika ah ra ṭhân,” tiah a ti.

LAMKALTU 1:24

Cun thla an cam i “Maw, Bawipa, lungthin vialte a hngaltu, hi hna pahnih lakah aho deuh dah na thim kan hngalter ko.

ROM 14:12

Cuticun kan dih lakin Pathian sinah kanmah kong cio kan chim te lai.

ROM 8:27

Cubangin Pathian duh ningin mithiang hna caah a halpiak tawn caah lungthin a zohtu nih Thlarau lungput cu a hngalh tawn.

2 KORIN 5:10

Zeitintiah mikip nih taksa in a chia a ṭha an tuahmi vialte an hmuh ṭhân dih nâkhnga, Krih biaceihnâk ṭhutdanh hmai ah langhter kan si dih lai.

GALATI 6:5

Zeitintiah mikip nih mahle thil cio an phorh te ko lai.

HEBRU 4:13

Sermi thil a mithmuh ah thuhmi zeihmanh a um lo, kan kong kan chimnâk ding Pa mithmuh ah zeizong vialte taklawng le oncia in a um dih.

1 PETER 1:17

Cun thleidannâk um loin mikip tuahning cio i ceihpiaktu kha Pa ah nan i ngeih ahcun, hika i nan câm chung pauh cu Amah ṭihzahnâk he nung u.

BIAPHUAN 2:11

Thlarau nih kawhhran hna sinah a chimmi hi hnâ a ngeimi nih thei ko seh. A teitu pauh cu thih voihnihnâk nih fahnâk a pe lai lo,” tiah a ti.

BIAPHUAN 2:7

“Thlarau nih kawhhran hna sinah a chimmi hi hnâ a ngeimi nih thei ko hna seh. Teitu sinah Pathian Paradis laifang i a ummi nunnâk thing ei awkah ka pêk lai,” tiah a ti.

BIAPHUAN 20:12

Cubangin mithi a hme le a ngan Pathian hmaiah an dir kha ka hmuh, cauk kha kau an si. Cun cauk dang, Nunnâk Cauk kha kau a si. Cun mithi hna cu cauk chung i ṭialmi an rak tuahning cio in biaceih an si.

BIAPHUAN 20:13

Rili nih a chung i a ummi mithi kha a chuahter hna, cun Thihnâk le Mithi khua zong nih an chung i mithi kha an chuahter ve hna. Cun mikip an tuahning cio in biaceih an si.

BIAPHUAN 22:12

“Ngaihmanh, Kara zau lai, mikip an tuahmi bangin pêk awk ṭuanman ka kut ah a um.

BIAPHUAN 6:8

Ka hun zoh i rang râng kha ka hmuh. A cung i â citmi min cu thihnâk a si, a hnulei in mithi khua nih a rak zulh. An sinah vulei cheuli i cheukhat cungah a vainam le mangṭâm le rai le sahrang rual hna hmangin thahnâk nawl kha pêk an si.