BIAPHUAN 2:13 - Laibaibal Thiang (BSI)

¹³ “Na tuahmi kha ka hngalh, na umnâk zong Satan bawiṭhutdan umnâk hmun a si kha ka hngalh. Ka min fek tein nâ tlaih i nan lak i ka biahngalhtu zumhtlâk Antipas, Satan umnâk hmun i thah a si lio hmanh ah ka zumhnâk kha na hlaw lo.

Lai (Hakha) Common Language Bible 2006

¹³ Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.

BIAPHUAN 2:13 ပူးပေါင်းရင်းမြစ်များ

MATTHAI 10:23

Hi khua i an in serhsat hna ahcun, khau dangah zâm u. Biataktein kan chimh hna, Mi Fapa a rat hlanah, Israel khua hna hi nan ṭol dih manh lai lo.

MATTHAI 24:9

Cucân ah cun harnâk tuarter dingin an in tlaih hna lai i an in thah hna lai; ka min ruangah miphun vialte nih an in huat hna lai.

MATTHAI 4:10

Jesuh nih, “Satan, lo ko in tli! ‘Zeitintiah BAWIPA na Pathian bia law, Amah rian lawng lawng va ṭuan,’ tiah ṭial a si,” tiah a ti.

LUKA 21:17

Ka min ruangah mi vialte huat nan hlawh lai.

LAMKALTU 22:20

Na ca i Martar Steven thisen an chuah lio zongah, kei zong a pawngah dir in, a thihnâk ding hnatlakpitu ka si, a thattu hna puan vengtu ah ka rak um,’ tiah ka ti.

LAMKALTU 9:14

Hika zongah na min a hlammi hna a ṭem khawh hna nâkhnga tlângbawi ngan hna sinin nawlngeihnâk a hmuh cang,” tiah a ti.

1THESALON 5:21

Zeizong vialte hniksak u law, a ṭhami kha fek tein tlai u.

1TIMOTE 5:8

Asinain ahohmanh mah le sahlawh rualchan zeiah a rel lo i a umpimi chungkhar hmanh zei ah a rel lomi nih zumhnâk kha a hlawt i zum lotu nâkin a sual deuh.

2TIMOTE 1:13

Krih Jesuh i a ummi zumhnâk le dawtnâk in, a ngandammi cawnpiaknâk ka sin in na theihmi kha fek tein i tlaih.

2TIMOTE 2:12

Kan tuar ahcun Amah he bia kan ceih lai. Amah kan hlawt ahcun Amah zong nih a kan hlawt ve lai.

HEBRU 10:23

Kan i ruahchanmi zumhnâk hi â hninhlonâk dingah fek tein i tlai u sih, zeitintiah Biakamtu cu zumhtlâk a si.

HEBRU 3:6

asinain Krih cu Fapa bangin Pathian chungkhar cungah zumhtlâk a si i chungkhar cu kanmah hi kan si, a dongh tiangin duh a nungmi zumhnâk le ruahchannâk kha kan i tlaih ahcun.

JEIM 2:7

Kawh nan sinâk min ṭha a thangchiattu an si lo maw?

BIAPHUAN 1:5

Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,

BIAPHUAN 11:3

Cun ka biahngaltu pahnih hna sinah thiltikhawhnâk ka pêk hna lai, cuticun buri puan aih in ni 1260 chung bia an phuan lai,” tiah a ti.

BIAPHUAN 12:11

Cun annih nih Tuufano thisen le a bia an hngalhternâk thawngin an tei cang, an nunnâk hmanh thih tiangin an daw lo.

BIAPHUAN 13:2

Sahrang ka hmuhmi cu keite bantuk a si i a ke cu vom ke bantuk a si, cun a kâ cu chiandeih kâ bantuk a si. Rulpi nih amah thiltikhawhnâk, bawiṭhutdan le nawlngeihnâk nganpi kha a pêk.

BIAPHUAN 14:12

Hika ah hin mithiang, Pathian nawlpêk le Jesuh zumhnâk â nunpitu hna caah inkhawhnâk a um.

BIAPHUAN 17:14

Cuhna nih Tuufano kha an doh lai i Tuufano nih a tei hna lai, zeitintiah Amah cu bawi hna Bawi le siangpahrang hna Siangpahrang a si; cun a sinah a ummi hna cu zumhawktlak le thimmi tiah kawh an si lai.

BIAPHUAN 17:6

Cu nu cu mithiang hna thisen le Jesuh ca i martar hna thisen in a rît kha ka hmuh. Cun cunu ka hmuh tikah, ka khuaruah a har tuk i ka ar ko.

BIAPHUAN 2:2

“Na tuahmi kha ka hngalh hna, nâ zuamning le, na inkhawhnâk le misual nain khawh hna lo kha ka hngalh. Cun lamkaltu an si lo nain lamkaltu ka si â timi hna zong na hneksak hna i lihchimmi an sizia na hngalh cang hna.

BIAPHUAN 3:11

Ngaihmanh, ka ra zau lai! Na bawiluchin kha ahohmanhnih an in chuh nâkhnga lo, na ngeihcia kha fek tein i tlaih.

BIAPHUAN 3:3

Cucaah na theihmi le na ngeih cangmi kha philh hna hlah, fek tein i tlaih law, i ngaihchih. Cucaah nâ ralrin lo ahcun, mifir bangin ka ra lai, zei cân ahdah kan rat hnawh lai kha na hngal lo.