BIAPHUAN 2:10 - Laibaibal Thiang (BSI)

¹⁰ Na tuardingmi thil kha zei a si hmanhah ṭih hlah. A ngaingai tiah, khuachia nih nan lak i mi cheukhat hniksak dingin thongah an thlâk hna lai i ni hra chung harnâk nan tuar lai. Thih tiangin zumhtlâk in um law, nunnâk bawiluchin kan pêk lai;

Lai (Hakha) Common Language Bible 2006

¹⁰ Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

BIAPHUAN 2:10 ပူးပေါင်းရင်းမြစ်များ

SALM 31:23

Maw, a mithiang vialte hna, BAWIPA cu daw u! Zeitintiah Bawipa nih zumhawk a tlâkmi kha a kilven tawn hna i â porhlawmi cu tling tein phu a hlam lai.

MATTHAI 10:22

Ka min ruangah mi vialte huat nan tong lai. Asinain a donghtiang a hmunmi cu khamh an si lai.

MATTHAI 10:28

Taksa a that kho nain thlarau a that kho lotu cu ṭih hlah u. Hremhmun i thlarau le taksa he a thla khotu khi ṭih deuh u.

MATTHAI 24:13

Asinain a donghtiang a hmunmi nih khamhnâk a hmuh lai.

MARKA 13:13

Ka min ruangah mi vialte huat nan si lai. Asinain a dongh tiangin a tuarmi cu khamh an si lai.

MARKA 8:35

Zeitintiah a nunnâk himter a duhmi pauh nih a hloh lai i keimah le thawngṭha ruangah a nunnâk a hlohmi pauh nih a himter lai.

LUKA 21:12

Cuthil vialte a phâk hlanah an in tlaih hna lai i an in serhsat hna lai, sinagog le thongah an in thlak hna lai, ka min ruangah bawi hna le uktu hna hmaiah thiam lo coter dingin an in luhpi hna lai.

JOHAN 12:25

A nunnâk a dawmi nih a hloh tawn. Hi vawlei nunnâk a huami nih zungzal nunnâk an ngeih tawn.

JOHAN 13:2

Zanriah an ei dih in khuachia nih Simon fapa Judas Iskoriot lungthin ah rawi dingin rian a rak ṭuan cang.

JOHAN 13:27

Cubangin changreu pel a pêk hnu ah a chungah Satan a lut cawlh. Jesuh nih a sinah, “Na tuah ding cu khulrangin tuah,” tiah a ti.

LAMKALTU 20:24

Asinain hi thil hna nih hin `ihnâk pakhat te hmanh anka pe lo. Tlik kâ zuamnâk lam zulh i Bawipa Jesuh sinin ka hmuhmi rian Pathian Zângfahnâk Thawng`ha bia theihter hi lunglawm tein ka lîm khawhnâk ding a si ahcun ka nunnâk hmanh hi ka zâng a râm lo.

LAMKALTU 21:13

Paul nih, zeiruangahdah nan ṭah i ka lung nan ka hnoter? Zeitintiah Bawipa Jesuh ruangah cun Jerusalem i ṭemchih lawng si loin thih hmanh ka huam ko,” tiah a ti.

1 KORIN 9:25

Cun laksawng hmuh â timmi hna cu zeizong vialte ah â sum tawn. Annih nih a rawk khomi luchin hmuh awkah an i zuam i kannih nih a rawk kho lomi luchin hmuh awkah kan i zuam.

EFESA 2:2

hlanah hi vawlei phung ningin khua nan rak sa, vanrâng i ṭhawnnâk bawi, atu i nawlngai lomi hna chungah rian a ṭuntu thlarau duh ningin,

EFESA 6:12

Zeitintiah thisa le thisen he kan i pai lo, asinain kan dohmi hna cu bawinâk le, nawlngeihnâk le, hi vawlei khuamui i biaceihtu hna le van hmun i thlarau sual hna khi an si.

JEIM 1:12

Tukforhnâk lungsau in a tuartu cu mi vanṭha a si, zeitintiah hngalhpiak a si tikah nunnâk luchin, Bawipa nih Amah dawtu hna ca i a timhpiakmi kha a co lai.

1 PETER 5:4

cun tuukhal hna Bawibik kha a langh tikah sunparnâk luchin a ziamkho lomi nan hmuh lai.

1 PETER 5:8

Lungfim tein um u law i ralring u, nan ral khuachia cu chiandeih a hrum-aimi bangin a ei khawhmi kawl ah â chawk lên ko.

BIAPHUAN 13:14

Cun sahrang hmasa deuh mithmuh ah hmelchunhnâk tuah khawhnâk pek a simi kha vulei cungah a ummi minung hna hlennâk ah hmangin, vainam hliam hma a pu i a dam ṭhânmi sahrang milem kha tuah dingin lei cungah a ummi kha a chimh hna.

BIAPHUAN 13:2

Sahrang ka hmuhmi cu keite bantuk a si i a ke cu vom ke bantuk a si, cun a kâ cu chiandeih kâ bantuk a si. Rulpi nih amah thiltikhawhnâk, bawiṭhutdan le nawlngeihnâk nganpi kha a pêk.

BIAPHUAN 13:7

Mithiang hna doh i teinâk tiangin nawlpêk a si. Cun miphun kip le holh phunkip le ramkip cungah nawlngeihnâk zong pêk a si.

BIAPHUAN 17:14

Cuhna nih Tuufano kha an doh lai i Tuufano nih a tei hna lai, zeitintiah Amah cu bawi hna Bawi le siangpahrang hna Siangpahrang a si; cun a sinah a ummi hna cu zumhawktlak le thimmi tiah kawh an si lai.

BIAPHUAN 2:13

“Na tuahmi kha ka hngalh, na umnâk zong Satan bawiṭhutdan umnâk hmun a si kha ka hngalh. Ka min fek tein nâ tlaih i nan lak i ka biahngalhtu zumhtlâk Antipas, Satan umnâk hmun i thah a si lio hmanh ah ka zumhnâk kha na hlaw lo.

BIAPHUAN 2:9

“Na tuahmi le na harnâk le na sifahning (a sinain na rum) kha ka hngalh; Judah mi tak si loin Judah mi ka si â timi hna nih an in thangchiat mi zong kha ka hngalh, asinain annih cu Satan sinagog an si,