BIAPHUAN 15:4 - Laibaibal Thiang (BSI)

⁴ Aw Bawipa, ahodah Nangmah ṭih loin a um lai i na min thangṭhat lo in a um lai? Zeitintiah Nangmah lawnglawng a thiangmi na si. Zeitintiah a dingmi na biaceihnâk cu langhter a si cang caah, Miphun vialte na sinah ra in an in biak lai,” tiah an sak.

Lai (Hakha) Common Language Bible 2006

⁴ Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.

BIAPHUAN 15:4 ပူးပေါင်းရင်းမြစ်များ

SALM 105:7

Amah cu BAWIPA kan Pathian cu a si i a biaceihnâk nih leipum pi a cul dih.

SALM 111:9

Ami hna sinah tlanhnâk a kuat i a biakam cu zungzal hmun dingin nawl a pêk: A min cu a thiang i tuk a sum.

SALM 22:23

BAWIPA ṭihtu hna amah cu thangṭhat u! Jacob fale vialte amah cu hlawrh ulaw, Israel tefa vialte amah cu ṭih u.

SALM 22:27

Vanhram deng tiang zongin an theih lai i BAWIPA lei an hoih lai, phunkip le mikip cu na hmaiah an kun lai.

SALM 22:3

Asinain nang cu na thiang, Israel thangṭhatnâk i a ummi na si.

SALM 86:9

Maw Bawipa, na sermi miphun kip na hmai ah an ra lai i an in biak lai, na min cu an thangṭhat lai.

SALM 89:7

Mithiang hna pumhnâk ah Pathian cu lianngan ngai i ṭih awk a si, a pawngkammi vialte zong nih an hmaizah awk a si.

SALM 97:8

Zion nih a theih i â lawm, Maw BAWIPA, na biaceihmi ruangah Judah fanu hna cu an i lawm.

SALM 99:5

BAWIPA kan Pathian cu hlawrh u law, a kehram in bia u amah cu a thiang.

SALM 99:9

BAWIPA kan Pathian cu hlawrh u law, a tlângthiang ah amah cu bia u; zeitintiah BAWIPA kan Pathian cu a thiang.

ROM 15:9

cucu a vel thawngin Gentel mi hna nih Pathian an thangṭhat khawh nâkhnga caah a si. “Hi ruangah hin Gentel hna sinah na min ka thangṭhat lai i na min in hla ka sa lai” tiah ṭial a si.

1 PETER 1:16

Zeicatiah “Keimah ka thian bangin, nan nih zong thiang ve u,” tiah ṭial a si.

BIAPHUAN 11:15

Cuticun vanmi pasarihnâk nih a hun tum: Cun van ah khin aw thang ngaiin, “Hi vawlei siangpahrang pennâk hna cu kan Bawipa le a Krih pennâk ah â cang, zungzal in zungzal tiangin a uk lai,” tiah a au;

BIAPHUAN 14:7

thang ngai in a au i, “Pathian cu ṭih u law Amah cu sunparnâk pe u, zeitintiah bia a ceih cân cu a phân cang; van le rilipi le cerhti hna a Sertu cu bia tuah u,” tiah a ti.

BIAPHUAN 16:5

Cun ti vancungmi nih hitihin a chim kha ka theih: “Maw Bawipa, Nang cu miding na si, hibantuk in bia na ceih caah a um liomi le a um cangmi le a um laimi cu na si.

BIAPHUAN 16:7

Cun biakṭheng in midang nih, “Zeizongtuahkho Bawipa Pathian, Na biaceihmi cu a dik i a dingmi a si,” tiah a ti kha ka theih.

BIAPHUAN 19:2

Zeitintiah a biaceihnâk kha a dik i a ding, zeicatiah a liannganmi hlawhhlângnu a horduhcuainâk in vawlei a hrawktu cu bia a ceih cang i a sal le hna thisen a chuahnâk kha a lehrulh ve cang.”

BIAPHUAN 19:8

Puanrâng, a thiangmi le a tleumi aihnâk nawl an pêk, puanrâng cu mithiang hna tuahmi dinnâk a si.

BIAPHUAN 3:7

“Cun Filadelfia kawhhran vancungmi sinah hitihin ṭial, Mithiang, Mi taktak, David tawh ngeitu, ahohmanh khar lo dingin a hung i ahohmanh hun lo dingin a khartu nih khan hi bia hi a chim.”

BIAPHUAN 4:8

Thilnung pali hna nih thla paruk cio an ngei i mit lawngte in a chunglei he a lenglei he a khat. Cun chun le zan din loin, “Zeizongtuahkho Bawipa Pathian, a um cangmi le a um liomi le a um laimi cu, a thiang, a thiang, a thiang,” tiah an ti.

BIAPHUAN 6:10

Annih nih awthang ngai in “Maw, Bawipa a thiangmi le a dikmi vawlei mi hna cungah kan thisen an chuahtermi phu hlam loin zeicandah na um lai?” tiah an ti.