BIAPHUAN 15:3 - Laibaibal Thiang (BSI)

³ Pathian sal Moses hla le Tuufano hla kha an sa: “Bawipa Pathian Zeizongtuahkho, Na rianṭuanmi hna cu a Lianngan in khuaruahhar an si! Aw mithiang hna Siangpahrang, Na lam hna cu a ding i a dik.

Lai (Hakha) Common Language Bible 2006

³ Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

BIAPHUAN 15:3 ပူးပေါင်းရင်းမြစ်များ

SALM 100:5

Zeitintiah BAWIPA cu a ṭha; a vêlngeihnâk zungzal in a hmun i a biatak nih chan vialte a nguh.

SALM 105:5

Khuaruahhar thil a tuahmi hna cu i cinken u law, a tuahmi khuaruahhar thil le a hmurkâ chuak biaceihnâk hna he.

SALM 111:2

BAWIPA tuahmi cu an lianngan i a tlaihchantu hna nih ṭha tein an ruah tawn.

SALM 111:7

A kut rianṭuanmi cu biatak le diknâk an si i a phunglam vialte cu zumh awk a tlâk.

SALM 139:14

Nasin ah lomhnâk bia ka chim lai, zeitintiah ṭihnung ngai le khuaruahhar ngai i sermi ka si. Na rianṭuanmi hi a mak tuk ê; cucu ka nunnâk nih ṭha tein a hngalh.

SALM 145:17

BAWIPA cu a lamkip in a ding dih i a tuahmi thil pauh hi vêlngeihnâk an si.

SALM 145:6

Mi hna nih na ṭhawnnâk le khuaruahhar thil hna hi an chim lai; kei zong nih na lianhnganning ka hngalhter hna lai.

SALM 18:30

Pathian cu a lam kha tlâm a tling, BAWIPA bia cu hniksak a si cang. Â bochanmi vialte caah phaw a si.

SALM 78:12

An pupa hna sinah thilmak ngaimi kha a tuah tawn; Ezip ram i Zoan nelrawn ah khan.

SALM 92:5

Maw BAWIPA, na tuahmi thil kha zeitlukindah a ngan? Na ruahnâk kha an thuk hringhran ko.

SALM 99:4

Siangpahrang ṭhawnnâk nih diknâk kha a dawt i a dikmi biaceihnâk na fehter, Jakob hna sinah dinnâk le diknâk na dirter.

JOHAN 1:17

Zeitintiah nawlbia cu Moses hmangin pêk a si, asinain zângfahnâk le biatak cu Jesuh Krih in a um.

1TIMOTE 1:17

Zungzal Siangpahrang, a thi kho lomi, hmuh khawh lomi, amah lawng a fimmi Pathian sinah zungzal in zungzal tiang upatnâk le sunparnâk um ko seh. Amen.

HEBRU 3:5

Moses kha a hnu ah an chim te laimi thil hna hngalhpitu a si khawh nâkhnga Pathian chungkhar vialte lakah zumh a tlâk tak takmi sal a si,

BIAPHUAN 1:8

“Kei Alpha le Omega, Hramthawknâk le Donghnâk, a um liomi le a um cangmi le a um laimi Zeizongtuahkho ka si,” tiah Bawipa nih a ti.

BIAPHUAN 11:17

“Maw Bawipa Zeizongtuahkho Pathian, A um liomi le A um cangmi le A um laimi na si. A liannganmi na ṭhawnnâk i bia na ceih caah lawmhnâk bia kan in chimh.

BIAPHUAN 14:3

Bawiṭhutdan hmai le thilnung pali le upa hna hmai ah hlathar bantuk khi an sak i vawlei in tlanhmi 144000 hna dah ti lo ahohmanhnih cu hla cu an cawng kho lo.

BIAPHUAN 14:8

Cun vanmi dang nih a rak zulh ve i amah nih Babilon cu a tlu cang, a liannganmi khualipi, a horduhcuainâk ruangah miphun vialte thinhunnâk zu a dintertu cu” tiah a au.

BIAPHUAN 17:14

Cuhna nih Tuufano kha an doh lai i Tuufano nih a tei hna lai, zeitintiah Amah cu bawi hna Bawi le siangpahrang hna Siangpahrang a si; cun a sinah a ummi hna cu zumhawktlak le thimmi tiah kawh an si lai.

BIAPHUAN 19:16

A puan le a phei ah: SIANGPAHRANG HNA SIANGPAHRANG LE BAWI HNA BAWI tiah ṭialmi a ngei.

BIAPHUAN 19:2

Zeitintiah a biaceihnâk kha a dik i a ding, zeicatiah a liannganmi hlawhhlângnu a horduhcuainâk in vawlei a hrawktu cu bia a ceih cang i a sal le hna thisen a chuahnâk kha a lehrulh ve cang.”

BIAPHUAN 4:8

Thilnung pali hna nih thla paruk cio an ngei i mit lawngte in a chunglei he a lenglei he a khat. Cun chun le zan din loin, “Zeizongtuahkho Bawipa Pathian, a um cangmi le a um liomi le a um laimi cu, a thiang, a thiang, a thiang,” tiah an ti.