BIAPHUAN 14:3 - Laibaibal Thiang (BSI)

³ Bawiṭhutdan hmai le thilnung pali le upa hna hmai ah hlathar bantuk khi an sak i vawlei in tlanhmi 144000 hna dah ti lo ahohmanhnih cu hla cu an cawng kho lo.

Lai (Hakha) Common Language Bible 2006

³ Sing khat sang li le thong li hna cu bawiṭhutdan le saram nung pali hna le upa hna lei hoih khan an dir. Vawlei cungin tlanh a simi hna lawng nih an thiam khawhmi hla thar kha an sa.

BIAPHUAN 14:3 ပူးပေါင်းရင်းမြစ်များ

SALM 144:9

Maw Pathian, nangmah thangṭhat in hlathar ka sak lai, tingtang hrihra ngeimi he nangmah thangṭhat in hla ka sa lai.

SALM 149:1

BAWIPA cu thangṭhat u! BAWIPA thangṭhat in hla thar sa ulaw, mithiang hna pumhnâk ah thangṭhat u.

SALM 25:14

BAWIPA biathli cu amah ṭihzahtu sinah a um i a biakam cu a hmuhsak hna lai.

SALM 33:3

A sinah hla thar sa u law, lunglomhnâk aw he thiam ngaiin tum u.

SALM 40:3

Kan Pathian thangṭhatnâk hla thar cu ka kâ ah a chiah; mitampi nih cucu hmu in an ṭih lai i BAWIPA cu an i bochan lai.

SALM 96:1

Aw BAWIPA thangṭhat in hla thar sa u law, vulei mi vialte hna, BAWIPA thangṭhat in hla sa u.

SALM 98:1

Aw, BAWIPA thangṭhat in hla thar sa u! zeitintiah khuaruah a har ngaimi kha a tuah; a orhlei kut le a thiangmi a bân nih teinâk a co cang.

1 KORIN 1:18

Zeitintiah vailamtah biacah hi a tlau lio lengmang mi hna caah hruhbia men a si, asinain khamhlio lengmang mi hna kan nih caah cun Pathian ṭhawnnâk a si.

1 KORIN 2:14

Vawlei mi nih cun Pathian Thlarau thil kha an cohlang duh lo, zeitintiah a nih caah cun hruhbia an si, thlarau leiin hngalh fian a si caah an hngal kho hrimhrim lo.

BIAPHUAN 14:1

Cun ka hun zoh i Zion tlâng Tuufano a dirmi le a pawng i mi 144000 an cal ah a Pa min ṭialmi kha ka hmuh hna.

BIAPHUAN 15:3

Pathian sal Moses hla le Tuufano hla kha an sa: “Bawipa Pathian Zeizongtuahkho, Na rianṭuanmi hna cu a Lianngan in khuaruahhar an si! Aw mithiang hna Siangpahrang, Na lam hna cu a ding i a dik.

BIAPHUAN 2:17

Thlarau nih kawhhran hna sin i a chimmi hi hna a ngeimi nih thei ko seh. A teitu hna cu thuhmi mana cheukhat ei awk ka pêk hna lai. Cun min thar â ṭialnâk lungvar, a cotu dah tilo ahohmanh nih an hngalh lomi kha ka pêk lai,” tiah a ti.

BIAPHUAN 5:9

Hlathar an sa i, “Nangmah cu cazual kha la in, a chinchiahnâk kha phoihawk ah nâ tlak. Zeitintiah thah in na um cang i phunkip, holhkip, mikip le hrin kip chungin Pathian caah na thisen in na tlanh cang hna.

BIAPHUAN 7:4

Cun an chinchiahmi zat cu ka theih i Israel miphun kip chungin thong 144000 an chinhchiah hna.