BIAPHUAN 12:4 - Laibaibal Thiang (BSI)

⁴ A mei in van i arfi cheuthum cheukhat a hnuh hna i vulei ah a thlâk hna. Cun rulpi cu nu nih nau ngeih awk i a timhlio ah, a hrinmi Ngakchia rak ei cawlh dingin a ngan a fakmi nu hmaiah a dir.

Lai (Hakha) Common Language Bible 2006

⁴ A mei in arfi cheu thum cheu khat kha vancung cun a run kuaih ciammam hna i vawlei ah a thlak hna. Nau a hring dengmangmi nu hmaiah cun a dir i cu a dir cu a fa kha a chuah cangka in ka ei lai ti a duh caah a si.

BIAPHUAN 12:4 ပူးပေါင်းရင်းမြစ်များ

JOHAN 8:44

Nannih cu nanpa khuachia ta nan si i a duhmi kha tuah nan duh. Amah cu a hramthawk in lainawng a rak si, biatakah a um lo, a chungah biatak a um lo caah. Lih a chim tikah, amah kokek a chimmi a si, anih cu milihchim a si i lih pa zong a si.

1 PETER 5:8

Lungfim tein um u law i ralring u, nan ral khuachia cu chiandeih a hrum-aimi bangin a ei khawhmi kawl ah â chawk lên ko.

BIAPHUAN 12:7

Cun vanah ral dohnâk a rak um: Mikhael le a vanmi hna nih Rulpi kha an doh. Rulpi le a vanmi hna zong nih an doh ve hna,

BIAPHUAN 12:9

Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

BIAPHUAN 13:2

Sahrang ka hmuhmi cu keite bantuk a si i a ke cu vom ke bantuk a si, cun a kâ cu chiandeih kâ bantuk a si. Rulpi nih amah thiltikhawhnâk, bawiṭhutdan le nawlngeihnâk nganpi kha a pêk.

BIAPHUAN 13:4

Sahrang sin i nawlngeihnâk petu rulpi le sahrang kha an biak i, “Sahrang bantuk hi a hodah a um? Ahonihdah an doh khawh lai?” tiah an ti.

BIAPHUAN 16:13

Cun nal profet kâ chung le sahrang kâ chung le rulpi kâ chungin utlak bantuk thlarau thûr pathum an rak chuah kha ka hmuh.

BIAPHUAN 17:18

Cun minu na hmuhmi kha khua lianngan, vawlei siangpahrang hna cung i uktu kha a si.

BIAPHUAN 20:2

Khuachia le Satan timi hlanlio rulpi kha a tlaih i kum 1000 ca in a ṭêm;

BIAPHUAN 8:10

Vanmi pathumnâk nih a hun tum i a ngan ngaimi arfi, meifar bangin a alhmi hi van in a rung tla i tiva cheuthum cheukhat le tikhor ah an tla.

BIAPHUAN 8:11

Cu arfi min cu “Khâ” ti a si. Cuticun ti cheuthum cheukhat kha a khâ dih i ti cu a khât tuk caah mi tampi an thi,

BIAPHUAN 8:12

Vanmi palinâk nih a hun tum i ni le thlapa le arfi kha cheuthum cheukhat cio an mui. Chun ah cheuthum cheukhat cu a ceu ti lo. Cubantuk ṭhiamṭhiam in zan zongah a si.

BIAPHUAN 8:7

Vanmi pakhatnâk nih a hun tum: Cun mei le rial nih a zulh i thisen he â cawhmi kha vulei ah a sur. Vulei cheuthum cheukhat kha a kâng dih, thingkung hna zong cheuthum cheukhat a kâng dih i ram hring vialte zong a kâng dih.

BIAPHUAN 8:8

Vanmi pahnihnâk nih a hun tum i a nganmi tlang bantukin a kâng hluahmahmi mei kha rili chungah an hlawnh i rili cheuthum cheukhat kha thisen ah â cang dih.

BIAPHUAN 8:9

Cun rili chung i nunnâk ngeimi cheuthum cheukhat kha an thi dih, tilawng hna zong cheuthum cheukhat hrawh an si.

BIAPHUAN 9:10

Tlâng ngaikuang bantuk mei an ngei i an mei ah sivai a um. Thla nga chung minung fahnâk pe khotu hmual a si.

BIAPHUAN 9:19

Zeitintiah thiltikhawhnâk an ngeihmi cu an kâ le an mei ah a um, anmei hna cu rul bantukin lu a ngei i cu nih cun mi kha fahnâk a pêk hna.