BIAPHUAN 12:3 - Laibaibal Thiang (BSI)

³ Cun vanah hmelchunhnâk dang a rak lang: Zohhmanh a ngan ngaimi rulpi sen lu pasarih le ki pasarih a ngeimi, a lu ah bawiluchin pasarih chinhmi a rak um;

Lai (Hakha) Common Language Bible 2006

³ Cun van ah cun khuaruahhar a simi hmelchunhnak a dang pakhat a lang ṭhan. A ngan ngaingaimi limkeng senpi, lu pasarih le ki pahra a ngeimi kha a hung lang i a lu ah cun bawiluchin pakhat cio an um.

BIAPHUAN 12:3 ပူးပေါင်းရင်းမြစ်များ

BIAPHUAN 12:1

Cubangin van ah hmelchunhnâk nganpi a lang: nu pakhat nî in â thuammi, a ke tangah thlapa a um i alu cungah arfi hleihnih in an ṭamhmi a rak um.

BIAPHUAN 12:13

Cubangin rulpi nih vawlei ah thlâk a si tiah â hngalh tikah Naupa hringtu nu cu a serhsat.

BIAPHUAN 12:17

Cun rulpi cu minu cungah a thin a hung ngaingai a tefa a tangmi, Pathian nawlpêk a zul i Jesuh Krih hngalhternâk bia a ngeitu hna he i doh awkah a pawk.

BIAPHUAN 12:4

A mei in van i arfi cheuthum cheukhat a hnuh hna i vulei ah a thlâk hna. Cun rulpi cu nu nih nau ngeih awk i a timhlio ah, a hrinmi Ngakchia rak ei cawlh dingin a ngan a fakmi nu hmaiah a dir.

BIAPHUAN 12:7

Cun vanah ral dohnâk a rak um: Mikhael le a vanmi hna nih Rulpi kha an doh. Rulpi le a vanmi hna zong nih an doh ve hna,

BIAPHUAN 12:9

Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

BIAPHUAN 13:1

Cuticun rili kam these lakah ka dir i sahrang ki pahra le lu pasarih a ngeimi rili chungin a chuah kha ka hmuh. A ki ah bawi luchin pahra le a lu ah Pathian thangchiatnâk min an um.

BIAPHUAN 13:2

Sahrang ka hmuhmi cu keite bantuk a si i a ke cu vom ke bantuk a si, cun a kâ cu chiandeih kâ bantuk a si. Rulpi nih amah thiltikhawhnâk, bawiṭhutdan le nawlngeihnâk nganpi kha a pêk.

BIAPHUAN 13:4

Sahrang sin i nawlngeihnâk petu rulpi le sahrang kha an biak i, “Sahrang bantuk hi a hodah a um? Ahonihdah an doh khawh lai?” tiah an ti.

BIAPHUAN 15:1

Cuticun van ah hmelchunhnâk dang a liannganmi le a mak ngai ngaimi ka hmuh: vanmi pasarih hna nih hremhnâk pasarih an i ken, zeitintiah Pathian thinhunnâk kha cu thil hna ah a tling cang.

BIAPHUAN 16:13

Cun nal profet kâ chung le sahrang kâ chung le rulpi kâ chungin utlak bantuk thlarau thûr pathum an rak chuah kha ka hmuh.

BIAPHUAN 17:12

Ki pahra na hmuhmi kha siangpahrang pahra hna pennâk a ngei rih lomi kha an si, asinain sahrang he nawlngeihnâk suimilam pakhat chung an ngei lai.

BIAPHUAN 17:16

Cun sahrang cung i na hmuhmi ki pahra hna nih khan hlawhhlang nu kha an huat lai i taklawng le zeihmanhlo ah an canter lai, a sa an ei lai i mei in an khangh lai.

BIAPHUAN 17:7

Asinain vanmi nih ka sinah, “Zeiruangahdah na khuaruah a har? Hi nu biathli le â citmi sahrang lu pasarih le ki pahra ngeimi biathli kan chimh lai.

BIAPHUAN 19:12

A mit cu mei alh bantuk a si i Alu cungah bawiluchin tampi â chinh. Amah dah tilo ahohmanh nih an hngalh lomi min ṭialmi a ngei.

BIAPHUAN 20:2

Khuachia le Satan timi hlanlio rulpi kha a tlaih i kum 1000 ca in a ṭêm;