BIAPHUAN 11:3 - Laibaibal Thiang (BSI)

³ Cun ka biahngaltu pahnih hna sinah thiltikhawhnâk ka pêk hna lai, cuticun buri puan aih in ni 1260 chung bia an phuan lai,” tiah a ti.

Lai (Hakha) Common Language Bible 2006

³ Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

BIAPHUAN 11:3 ပူးပေါင်းရင်းမြစ်များ

SALM 69:11

Buri puan ka aih, anka nihsawhnâk men a si.

MATTHAI 11:21

Korazin, a poi tuk ê, Bethsaida, a poi tuk ê! Zeitintiah na sin i tuahmi khuaruahhar hna kha Tair le Sidon khua ah tuah hei si sehlaw, buri puan aih le lei dipah ṭhu in tuanah an i ngaihchih diam ko hnga.

MATTHAI 18:16

Asinain na bia a ngaih duh lo ahcun, mi dang pakhat, asiloah pahnih maw nâ sawm lai; cuticun bia vialte hi mi pahnih, asiloah pathum theihpinâk in fehter a si lai.

LUKA 10:13

“Korazin, ngaihchia nava sidah! Bethsaida, ngaihchia nava si dah! Zeitintiah na chung i tuahmi thil lianngan hna kha Tair le Sidon khua ah tuah hei sisehlaw buri puan aih in, lei dip ah ṭhu in an i ngaihchih diam cang lai.

LUKA 24:48

Nanmah hi hi thil vialte hngalpitu nan si.

JOHAN 15:27

Cun nannih zong a hramthawk tein ka sinah nan um caah aka hngalhpitu ah nan um ve lai.

JOHAN 3:27

Johan nih, “Van lei in pêk an si lo ahcun, minung nih zeihmanh an cohlang kho lo,

LAMKALTU 1:8

Asinain nan cungahThiang Thlarau a phâk tikah thiltikhawhnâk nan ngei lai, Jerusalem le Judah ram vialte, Samaria ramkip le vanhram deng tiangin ka bia hngalhpitu nan si lai,” tiah a ti.

LAMKALTU 13:31

Galili ram in Jerusalem ah Amah he a ra ṭimi hna sinah ni tampi hmuhkhawh in â lang i cu hna cu mi tampi sinah Amah hngalhpitu an si.

LAMKALTU 2:32

Kha Jesuh kha Pathian nih a thawhter i kan dihlak hi cu kong hngalhpitu kan si.

LAMKALTU 3:15

Nunnâk Bawi kha nan thah, asinain Pathian nih Amah cu a thawhter, cucu hngalhpitu kan si.

1 KORIN 12:28

Pathian nih a kawhhran ah hi hna hi a chiah hna, pakhatnâk ah, lamkaltu, pahnihnâk ah profet, pathumnâk ah cawnpiaktu, cu hnu ah khuaruahhar tuah kho tu, cuhnu ah damnâk thilpek ngeitu, mi bawm khotu, biaceihthiam mi, holh phun dangdang chim khotu hna an um.

2 KORIN 13:1

Tutan hi nan sin ka rat voithumnâk ding a si. “Hngalhpitu pahnih, pathum hna hmurkâ in bia vialte fehter a si lai.”

EFESA 4:11

Amah nih cheukhat lamkaltu ah, cheukhat profet ah, cheukhat evangelist ah, cheukhat pastor le cheukhat cawnpiaktu ah a pêk hna.

BIAPHUAN 1:5

Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,

BIAPHUAN 11:2

Asinain ṭempal kulhnâk hnu deuh intual tiang cun tah hlah, zeitintiah cucu Gentel mi hna caah pêk a si cang. Cun annih nih khua thiang kha thla 42 chung an uk lai.

BIAPHUAN 11:6

Hi hna nih chimchung bia an phuan lioah ruahsur lo dingin van phih khawhnâk ṭhawnnâk pêk an si, cun ti kha thisen i canter khawhnâk an ngei i an duh cân pauh ah vulei hi zawtnâk rai phunphun in hrem khawhnâk an ngei,

BIAPHUAN 12:6

Minu tu cu ramcar ah Pathian nih a timhlamh piakmi hmun ah a zâm. Cuka ah ni 1260 chung an cawm lai.

BIAPHUAN 13:5

Cun thil lianngan le Pathian thangchiatnâk hmurkâ a sinah pêk a si i thla 42 chung cubantuk thil tuah dingah cân pêk a si.

BIAPHUAN 19:10

Cun ake hram in biak ka timh. Asinain ka sinah, “Hitihin tuah hlah! Keimah cu nanmah le nan unau Jesuh hngalhternâk bia cohlangtu nan sal hawi ka si ve ko. Pathian tu bia! Zeitintiah Jesuh hngalhternâk cu chimchungnâk thlarau a si,” tiah a ti.

BIAPHUAN 20:4

Cun bawiṭhutdan kha ka hmuh hna i a cungah mi an ṭhu, an sinah biaceihnâk kha an pêk. Pathian bia le Jesuh biahngaltu an si ruangah le sahrang le a lem a bia lo i ankut le ancal ah chinchiahnâk a co lo ruangah anlu an tanmi hna thlarau kha ka hmuh hna. Cu hna cu an hung nung i Krih he kum 1000 chung an uk hna.