BIAPHUAN 1:6 - Laibaibal Thiang (BSI)

⁶ A Pa le a Pathian caah siangpahrang le tlângbawi ah a kan sertu sinah, Amah sin hrimhrim ah cun sunparnâk le uknâk cu zungzal in zungzal tiang um ko seh. Amen.

Lai (Hakha) Common Language Bible 2006

⁶ a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

BIAPHUAN 1:6 ပူးပေါင်းရင်းမြစ်များ

MATTHAI 6:13

Tukforhnâk chungah kan hruai hlah, sihmanhsehlaw mi ṭhalopa chungin kan khamh. Zeitintiah pennâk le, ṭhawnnâk le sunparnâk kha zungzal in nata an si. Amen.

JOHAN 5:23

Mi vialte nih Pa an upat lai i Fapa zong an upat nâkhnga. Fapa a upat lomi pauh cu a thlahtu Pa upat lo a si.

ROM 11:36

Amah sin le Amah thawng le Amah caah thil vialte hi an um i Amah sinah sunparnâk cu zungzal in um ko seh. Amen.

ROM 15:6

Cuticun lungthin pakhat le kâ pakhat in Pathian le kan Bawipa Jesuh Krih a Pa kha nan thangṭhat khawh lai.

FILIPI 2:11

lei vialte nih Pa Pathian sunparnâk dingah Jesuh Krih cu Bawi a si, tiin an phuan lai.

1TIMOTE 6:16

Amah lawnglawng nih thihkhawhlonâk a ngei i naih khawhlomi ceu ah a um, ahohmanh nih an hmu bal lo i hmuhkhawh zong a si fawn lo, Amah sinah zungzal in upatnâk le ṭhawnnâk um ko seh. Amen.

HEBRU 13:21

A duhnâk tuah dingin rianṭha kipah tlam in tlinter hna seh, Jesuh Krih thawngin a mithmuh ah a lawmh tertu nih nanmah ah `uandih ko seh, Amah sinah zungzal in zungzal tiang sunparnâk kha um ko seh. Amen.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

1 PETER 5:11

Amah sinah sunparnâk le biaceihnâk cu zungzal in zungzal tiang um ko seh. Amen.

2 PETER 3:18

Kan Bawipa le khamhtu Jesuh Krih zângfahnâk le hngalhnâk ah khan ṭhang ko u. Atu le zungzal tiangin Amah sinah sunparnâk um ko seh. Amen.

JUDAS 1:25

Amah lawng a fimmi kan Khamhtu Pathian sinah, sunparnâk le biaceihnâk, Uknâk le ṭhawnnâk hna cu Atu le zungzal tiangin um ko seh. Amen.

BIAPHUAN 1:9

Kei Johan nan unaupa le Jesuh Krih ah harsatnâk le pennâk le inkhawhnâk an hrawmhpitu hna hi Pathian bia le Jesuh Krih bia hngalhternâk ruangah Patmos tikulh an timi ah ka um;

BIAPHUAN 20:6

Thawhṭhân a voikhatnâk i â telmi hna cu thluachuah an hmu i an thiang. Cu hna cungah cun thih voihnihnâk nih ṭhawnnâk a ngei ti lo, Pathian le Krih tlângbawi an si lai i Amah he kum 1000 an uk lai.

BIAPHUAN 4:11

“Maw Bawipa sunparnâk le thangṭhatnâk le ṭhawnnâk kha hmuh awkah nâ tlâk: Zeitintiah Nangmah nih zeizong vialte na ser i na duhning i um awkah ser an si,” tiah an ti.

BIAPHUAN 5:10

Kan Pathian caah siangpahrang le tlângbawi ah na canter hna. Leicung kha kan uk hna lai,” tiah an ti.