BIAPHUAN 1:1 - Laibaibal Thiang (BSI)

¹ Jesuh Krih Biaphuan, a rauh hlanah a phân hrimhrim laimi Pathian nih a sal le hmangin hngalhter a timhmi cu hihi an si. A vancungmi thlah in a sinum Johan sinah a hngalhter;

Lai (Hakha) Common Language Bible 2006

¹ Hi cauk hi Jesuh Khrih nih a phuanmi thil kong a si. Cu a phuanmi cu a um zau dingmi thil, Pathian nih a sal hna hmuhsak awkah a pekmi kha a si. Cu thil hna cu Khrih nih a sal Johan kha a hngalhter i cu hngalhtertu ah cun a vancungmi kha a thlah i

BIAPHUAN 1:1 ပူးပေါင်းရင်းမြစ်များ

SALM 25:14

BAWIPA biathli cu amah ṭihzahtu sinah a um i a biakam cu a hmuhsak hna lai.

JOHAN 12:49

Zeitintiah keimah nawl i a chimmi ka si lo. Pa, aka thlahtu cu ka chim ding le ka phuan ding bia aka petu a si.

JOHAN 15:15

Sinum kan ti ti hna lai lo, zeitintiah sinum nih a pu tuahmi a hngal bal lo, cucaah hawikawm kan ti cang hna lai; Pa sin in ka hngalhmi vialte nan sinah ka phuan dih cang.

JOHAN 17:8

Zeitintiah naka pêkmi bia kha an sinah ka pêk cang; cucu an i nunpi i na sinin a chuakmi ka si hi fiang tein an hngalh cang, Nangnih naka thlah ti zong an zumh cang.

JOHAN 3:32

A hmuh le a hngalhmi kha a hngalhter tawn, asinain ahohmanh nih a hngalhtermi an zum lo.

JOHAN 8:26

Nan kongah hin chim le ceih awk tampi ka ngei, zeiasihmanhah aka thlahtu cu mi dik a si: Asin in ka theihmi bia pauh vawlei sinah ka hngalhter tawn,” tiah a ti.

ROM 16:25

Ka Thawngṭha le Jesuh Krih chimmi bang i an fehter khotu hna, Amah sinah vawlei serka in biathli â thupmi phuan a si bangin,

GALATI 1:12

Zeitintiah minung sinin ka hmuhmi a si lo i mi nih anka cawnpiakmi zong a si lo. Jesuh Krih â langhnâk in ka hmuhmi a si.

EFESA 3:3

zeitindah cu biathli cu langhnâk i hngalhter ka si kha (hlan ah tawi tein ka ṭial cangmi kha,

TITAS 1:1

Paul, Pathian thimmi hna zumhnâk ning le Pathian-ṭihzahnâk in biatak hngalhpinâk tlamtling he Pathian caah ṭemmi sal le Jesuh Krih Lamkaltu ka si.

BIAPHUAN 1:19

Hi na hmuhmi thil, atu a um liomi le tu hnuah a um laimi kha ṭial hna.

BIAPHUAN 1:9

Kei Johan nan unaupa le Jesuh Krih ah harsatnâk le pennâk le inkhawhnâk an hrawmhpitu hna hi Pathian bia le Jesuh Krih bia hngalhternâk ruangah Patmos tikulh an timi ah ka um;

BIAPHUAN 17:1

Cuticun vanmi pasarih hrai pasarih â kenmi hna lak i pakhat nih aka chawnh i, “Ra law, ti tampi cungah a ṭhumi a lianngan hlawhhlangnu biaceihnâk cu kan hmuhsak lai,

BIAPHUAN 19:10

Cun ake hram in biak ka timh. Asinain ka sinah, “Hitihin tuah hlah! Keimah cu nanmah le nan unau Jesuh hngalhternâk bia cohlangtu nan sal hawi ka si ve ko. Pathian tu bia! Zeitintiah Jesuh hngalhternâk cu chimchungnâk thlarau a si,” tiah a ti.

BIAPHUAN 19:9

Anih nih ka sinah, “Tuufano nupi ṭhitnâk i sawmmi hna cu mithluachuak an si,” tiah ṭial tuah, a ka ti. Cun ka sinah, “Hi hna hi Pathian chimmi taktak an si,” tiah a ti.

BIAPHUAN 21:2

Cuticun kei Johan nih, a thiangmi khualipi, Jerusalem thar cu, a vâ hmuh awkah dawh ngaiin ṭamhmi mo bantukin Pathian sin in van i a rung ṭum kha ka hmuh.

BIAPHUAN 21:9

Cuticun vanmi pasarih lak i pakhat hremnâk i a khatmi hrai pasarih â putmi nih a hun ka chawnh i ka sinah, “Ra tuah, Tuufano nupi, a mo cu kan hmuh sak lai,” tiah a ti.

BIAPHUAN 22:1

Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak.

BIAPHUAN 22:16

“Kei Jesuh nih, hi thil hna hi kawhhran hna sin i hngalhter awkah ka vanmi ka thlah. Keimah cu David Tefa le a Hrampi, Deirel Arfi Ceu ka si.

BIAPHUAN 22:6

Cuticun anih nih ka sinah, “Hi bia hna hi biatak le zumhtlâk an si,” tiah a ti. A thiangmi Profet hna Pathian nih a um zau laimi thil hna kha a sal hmuhsak dingin a vanmi a run thlah.

BIAPHUAN 22:8

Cubangin keimah Johan nih hi thil hna hi ka theih i ka hmuh hna. Cun cubangin ka hmuh i ka theih tikah, hi thil hna aka hmuhsaktu vanmi cu biak tim in a ke hramah ka bawk.

BIAPHUAN 22:9

Cuticun ka sinah, “Hitihin na tuah awk a si lo. Zeitintiah kei zong nasal hawi le na unau profet hna, hi cauk chung bia hna zultu hi ka si ve ko, Pathian tu bia,” tiah a ti.

BIAPHUAN 4:1

Cu thil hna hnuah ka hun zoh i zohhmanh van ah innkâ â hun kha ka hmuh. Cun aw ka rak theih hmasatmi, muko thawng bantuk nih khan ka sinah, “Hika ahhin ra law, hmailei cân i a um lai ding thil kha kan chimh lai,” tiah a ka ti.

BIAPHUAN 5:7

Cuticun Ara i bawi`hutdan ah a ṭhumi orhlei kut i cazual kha a lâk.