2 PETER 3:2 - Laibaibal Thiang (BSI)

² Profet mithiang hna nih an rak chim cangmi le, kannih a lamkaltu hna hmangin Bawipa le khamhtu nawlpêkmi cu nan philh nâkhnga lo ka ṭialmi a si,

Lai (Hakha) Common Language Bible 2006

² Hlan liopi ah profet mithiang hna nih an rak chimmi bia le kan Bawipa le kan Khamhtu nih nawl an pekmi hna, a lamkaltu pawl nih an in chimhmi hna kha, philh hlah u ti kan duh hna.

2 PETER 3:2 ပူးပေါင်းရင်းမြစ်များ

LUKA 1:70

Vawlei thawhka tein a thiangmi a profet hna kâ in a rak chim cang.

LUKA 24:27

Cun Moses le Profet vialte ah â thawk i Cathiang vialte nih Amah kong an chimmi cu fianter in a chimh hna.

LUKA 24:44

Cuticun an sinah, “Hi hna hi nansin i ka um lioah kan chimhmi hna kha a si, Moses nawlbia le, Profet hna cauk le, Sam cauk chungah ka kong ṭialmi vialte kha a taktak i a tlindih awk a si,” tiah a ti hna.

LAMKALTU 10:43

Amah zumtu pauh nih a min ruangah sual ngaihthiamnâk an co tawn timi hi profet vialte nih an rak hngalhter tawnmi kha a si,” tiah a ti.

LAMKALTU 28:23

Cuticun ni an khiah i cu ni ah a tlunnâk ah mi tampi an ra i an sinah Pathian pennâk kong le, Moses nawlbia cauk le Profet hna cauk nih Jesuh kong an rak chimnâk kha an ruahnâk tei dingin zing in zanlei tiang a fianter.

LAMKALTU 3:18

Pathian nih a profet vialte kâ in a rak chimchung bang khan, Krih nih harnâk a temtuar lai timi cu, hitihin a tlinter cang.

LAMKALTU 3:21

Zeizong vialte serṭhatnâk cân a phâk hlan pauh cu van nih Amah cu a cohlan hrimhrim rih awk a si, cucu Pathian nih vawlei ser hramthawkin a thiangmi a profet vialte hna hmangin a rak chim cangmi a si.

GALATI 6:2

Pakhat le pakhat nan thilrit i châng u law Krih nawlbia nan tlinter a si lai.

EFESA 2:20

Lamkaltu le Profet hna bunhmi lung cungah sakmi nan si, cu inn ah a biapi bikmi a kil lung cu Krih a si,

EFESA 3:5

Thiang Thlarau nih atu lio i a thiangmi a lamkaltu hna le profet hna sinah a langhter bantukin, cuhlan ah minung fale hna sinah hngalhter a rak si lo:

1TIMOTE 6:14

kan Bawipa Jesuh Krih â langhṭhân hlan tiang hi nawlpêk hi mawhchiat awk le sawiawk umlo in rak kilveng,

2 PETER 2:21

Dinnâk lam kong an theih hnu i nawlpêk thiang an sin i chiahmi hnu lei chitnâk cha cun dinnâk lam kong kha hngal loin rak um lawlaw sehlaw an caah a ṭha deuh.

2 PETER 3:15

cun kan Bawipa lungsaunâk cu khamhnâk ah ruat tuah u, kan unau dawtmi Paul zong nih a sin i pêkmi fimnâk bangin nan sin i a ṭial bang khan,

2 PETER 3:16

a cakuat dang vialte zongah cubia cu a chim tawn. Cuhna lakah theih a har deuhmi zong an um i cawnnâk a ngei lomi le lungfek lomi hna nih Cathiang dang anmerh bantukin an merh i anmah loh tlaunâk ah an hman tawn.

1JOHAN 4:6

Kannih cu Pathian ta kan si. Pathian a hngalmi nih kan bia an ngaih tawn, Pathian ta a si lomi nih cun kan bia an ngai duh lo. Hitihin biatak thlarau le palhnâk thlarau cu kan hngalh khawh.

JUDAS 1:17

Asinain dawtmi hna, nannih nih kan Bawipa Jesuh Krih lamkaltu hna nih bia an chimchung mi hna kha philh hlah u:

BIAPHUAN 19:10

Cun ake hram in biak ka timh. Asinain ka sinah, “Hitihin tuah hlah! Keimah cu nanmah le nan unau Jesuh hngalhternâk bia cohlangtu nan sal hawi ka si ve ko. Pathian tu bia! Zeitintiah Jesuh hngalhternâk cu chimchungnâk thlarau a si,” tiah a ti.