2 PETER 3:12 - Laibaibal Thiang (BSI)

¹² A phân hngami Pathian ni hi rianrang ngai le hngahhlang ngaiin cuan u, zeicatiah cu cân ah van khi mei nih a kangh lai i an lo lai, thil hram vialte hna zong a sa tukmi mei nih ti lak in a emh hna lai.

Lai (Hakha) Common Language Bible 2006

¹² Pathian Ni nan hngah lioah hin cu bantuk cu nan si awk a si i cu Ni cu tuan deuh ah a phak khawh nakhnga fak piin nan i zuam awk a si. Cu Ni ah cun van vialte cu an kang dih lai i nika thlapa le arfi vialte hna cu, cu Ni linhnak thawng cun an ti dih lai.

2 PETER 3:12 ပူးပေါင်းရင်းမြစ်များ

SALM 50:3

Kan Pathian cu a ra lai i a dai lai lo. Ahmai ah mei a kang lai i a ṭhawngmi thli nih a velchum in a chem lai.

MATTHAI 16:27

Zeitintiah Mi Fapa hi a vanmi hna le a Pa sunparnâk he i thuamin a ra ṭhân lai, cu cân ah cun an tuahmi he â tlakin ṭuanman pêk an si te lai.

MATTHAI 16:28

Biataktein kan chimh hna, hika i a dirmi hna lakah hin, Mi Fapa a pennâk i a rat an hmuh hlan lo thihnâk a tep lo ding an um,” tiah a ti hna.

FILIPI 1:6

Nanmah i rianṭha a thawktu nih Jesuh Krih ni tiangin a tlinter ko lai ti kha ka zumh.

TITAS 2:13

Ruahchannâk duhnung, a lianngan mi kan Pathian le kan Khamhtu Jesuh Krih sunparnâk he â langhnâk kha kan cuan.

2 PETER 3:10

Asinain Bawipa ni cu zan i mifir bangin a ra lai, cuni ah van khi fak piin an awn lai i an tlau lai, thil hram hna cu mei nih lo lakin a emh hna lai, vawlei le a chung i a ummi rian vialte hi a kâng dih lai.

2 PETER 3:11

Cucaah thil vialte a loh dih lai caah, zeibantuk i thiang le Pathian ṭihzah i a um ding dah nan si?

2 PETER 3:4

“A ratṭhannâk ding biakam cu khuazeiahdah a um kun? Serhramthawk le pupa hna an i hngilh ri thawk in, zeizong vialte amah ning a si ko rih hi ta,” an ti lai.

2 PETER 3:7

Asinain cubia lila nih atu i van le vawlei hi a tlaih, Pathian zeiah a rel lomi hna cung i biaceihnâk le lohtlaunâk ni caah mei i khangh ding i zuahmi a si.

JUDAS 1:21

Pathian dawtnâk ah i kilveng ulaw, zungzal nunnâk tiangin kan Bawipa Jesuh Krih velngeihnâk kha zoh u.