2 PETER 3:11 - Laibaibal Thiang (BSI)

¹¹ Cucaah thil vialte a loh dih lai caah, zeibantuk i thiang le Pathian ṭihzah i a um ding dah nan si?

Lai (Hakha) Common Language Bible 2006

¹¹ Van le vawlei cu hi bantukin hrawh an si lai caah, zei bantuk mi dah kan si awk a si ti cu ruat tuah u. Nan nunning cu a thiangmi le Pathian sin i pekmi an si awk a si.

2 PETER 3:11 ပူးပေါင်းရင်းမြစ်များ

SALM 37:14

Misuaksual nih vainam an zuh i an likuk kha mi sifak le chambaumi hna tlukter ding le dik ngaiin a nungmi hna thahnâk ah an i kuaih cia.

SALM 50:23

Mizei pauh lomhnâk biachim raithawinâk a tuahtu nih anka thangṭhat, dik ngai in an nunning a hmangtu sinah Pathian khamhnâk ka hmuh sak lai.”

SALM 75:3

Vulei le a chung i ummi vialte an lo dih; a tung kha fek tein ka bunh. (Selah)

MATTHAI 8:27

An khuaruah a har i, “Zeibantuk minung dah a si hnga, thli le tilet hmanh nih a nawl an ngaih ko ê,” tiah an ti.

ROM 13:11

Cun atu hi â hngilhmi hna i hlauh cân a si kha nan hngalh bangin hihi tuah u, zeitintiah atu ah cun kan zumh hramthawknâk nâkin kan khamhnâk ni cu a nai cang.

ROM 13:12

Zan hi a dih dengmang i khua a dei dengmang cang, cucaah khuamui tuahsernâk kha hlawnh in khua ceu thuam kha i hruk u sih.

2 KORIN 1:12

Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

FILIPI 1:27

Zeiasihmanhah, nan nunning le Krih thawngṭha cu i rem ko seh, cuticun nan sin i ka rat i kan hmuh hna ah siseh, nan sin i ka um lo ah siseh, thlarau pakhat i nan umnâk kong le ruahnâk pakhat i thawngṭha bia ah ṭhahnem nan ngaihning kha kan theih khawh lai,

FILIPI 3:20

Zeitintiah kannih cu vancung rammi kan si, van in a ra dingmi, khamhtu Jesuh Krih cu hngahhlang ngaiin kan cuan ko.

1THESALON 1:5

Zeitintiah kan thawngṭha hi bia lawngin nan sinah a phân lo i ṭhawnnâk le Thiang thlarau he, hngalhfiannâk tampi he a phânmi a si, nanmah zawn ruahah nan sin kan um lio ah zeibantuk minung ah dah kan i can ti kha nan hngalh bangin.

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

1TIMOTE 4:12

Mino nasi ruangah ahohmanh nih in zomhtaih hna hlah seh, bia in siseh, nuncan in siseh, dawtnâk ah siseh, thlarau ah siseh, zumhnâk ah siseh, thiannâk ah siseh zumtu hna zohchunh awktlâk in nun i zuam.

1TIMOTE 6:11

Nang Pathian-mi cu thil hna cu zâmtâk, cuticun dinnâk le Pathian duhnâk, zumhnâk le dawtnâk, inkhawhnâk le nunmennâk kha dawi hna.

1TIMOTE 6:3

Ahohmanh nih cawnpiaknâk dang a cawnpiak i a ngandammi bia, kan Bawipa Jesuh Krih bia hmanh pom lo in, Pathian upatnâk he â tlakmi bia hmanh a pom duh lo ahcun;

1TIMOTE 6:6

Pathian-ṭihzahnâk hi lungtlinnâk he cun a hlawk ngaimi a si.

HEBRU 13:5

Nan nunning cu hakkauhnâk tello nun siseh, nan ngeihmi ah lungtling u. Zeitintiah Amah hrimhrim nih, “Zeitikhmanhah kan kaltâk hna lai lo i kan zohsawh hna lai lo,” tiah a ti.

JEIM 1:24

zeitintiah ṭha tein â zoh i a kal hnu ah mi zeidah a si â hngal ti lo.

JEIM 3:13

Nanlakah ahodah a fim i a theithiam khomi a um? Â dawhmi nun in an tuahsernâk kha toidornâk in fimnâk i tuahmi a si kha langhter hna seh.

1 PETER 1:15

an kotu hna a thian bantukin nannih zong nan cawlcanghnâk vialte ah thiang tein um u.

1 PETER 2:12

Gentel mi hna sinah upat awktlâk in nung u, cuticun minih thil ṭha lo tuahtu bangin nan thang an chiat zongah, thil ṭha nan tuahmi an hmuhnâk thawngin Pathian nih a veh hna ni ah an thangṭhat ve lai.

2 PETER 1:3

A sunparnâk le ṭhatnâk thawngin a kan kotu nih, amah hngalhnâk thawngin a ṭhawnnâk in nunnâk caah le Pathian ṭihzahnâk caah a herhmi vialte a kan pêk,

2 PETER 1:6

hngalhnâk ah khan i sûmnâk telhchih u law, i sûmnâk ah khan inkhawhnâk telhchih u, inkhawhnâk ah khan Pathian ṭihnâk telhchih u law,

2 PETER 3:10

Asinain Bawipa ni cu zan i mifir bangin a ra lai, cuni ah van khi fak piin an awn lai i an tlau lai, thil hram hna cu mei nih lo lakin a emh hna lai, vawlei le a chung i a ummi rian vialte hi a kâng dih lai.

2 PETER 3:12

A phân hngami Pathian ni hi rianrang ngai le hngahhlang ngaiin cuan u, zeicatiah cu cân ah van khi mei nih a kangh lai i an lo lai, thil hram vialte hna zong a sa tukmi mei nih ti lak in a emh hna lai.