2 PETER 2:3 - Laibaibal Thiang (BSI)

³ Hakkauh ruangah hlennâk bia hmangin hlawknâk caah an in hman hna lai, zeitintiah hlan liopi in an cungah biaceihnâk cu a hmun i an rawhralnâk ding zong â hngilh lo.

Lai (Hakha) Common Language Bible 2006

³ Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

2 PETER 2:3 ပူးပေါင်းရင်းမြစ်များ

SALM 18:44

Ka thawng an theih cangka ka nawl an ngai colh i ramdangmi zong ka sinah an i pe.

SALM 66:3

Pathian sinah, “Na tuahmi hi zeitluk khuaruahhar dah an si? khuaruahhar na tuahmi ruangah naral kha nangmah ah an i pe lai,

SALM 81:15

BAWIPA a huatu hna kha a hmaiah a hleng in an i pe lai, asinain zungzal in an rawk lan lai.

MATTHAI 23:14

Nannih nawlbiacawnpiaktu le Farasih depde hna, ngaihchia nan va si dah! Zeitintiah nuhmei chawva nan lâk piak hna i zapi hlen nâkah ngol hngal loin thla nan i camter. Cucaah thiam lo fak chin chin in nan co te lai.

LUKA 18:8

Kan chimh hna, ‘An phu cu khulrangin a hlampiak hna lai. Asinain Mi Fapa hi a rat tik ah vawlei ah hin zumhnâk a hmu hnga maw?” tiah a ti.

LUKA 20:20

Cuticun Mangki nawlngeihnâk le thiltikhawhnâk i an tlaih khawh nâkhnga, miding ngai bantuk i â tuahmi mingiatu an thlah i a chim sualmi bia bawh in ṭha tein an ngiat.

LUKA 22:47

A chim lio ah, zohhmanh mizapi an rak phân; hleihnih lak i â tel vemi Judas an timi nih a rak hruai hna i hnamh awkah Jesuh kha a panh.

JOHAN 2:16

Cun ṭhuro zuartu hna sinah, “Hi hna hi i kalpi u! Ka Pa inn hi chawlehnâk hmunah canter hlah u!” tiah a ti.

ROM 16:18

Zeitintiah cubantuk mi hna nih kan Bawipa Jesuh Krih rian an ṭuan lo i an paw ca i rianṭuantu an si, cun an dangnal le biachim thiam nâkin santlailo lungthin an hlen tawn hna.

2 KORIN 2:17

Zeitintiah mi tampi nih Pathian bia hi chawlehnâk i an hman bangin kannih nih cun kan hmang ve lo; biatak tein; Pathian thlahmi kan si bangin Pathian mithmuh ah Krih ah bia kan chim tawn.

1THESALON 2:5

Zeitintiah nan hngalh bantukin, zeitikhmanhah hngawng cung bia le hakkauh thuhnawhnâk bia kan hman lo ning a kan hngalhpitu cu Pathian a si.

1THESALON 5:3

Zeitintiah, “Daihnâk le himnâk” tiah an chim lio ah, fapawinu nganfah bantukin hmakhat te ah rawhralnâk an cungah a tlung lai. Ahohmanh nih an hrial kho lai lo.

1TIMOTE 3:3

misur hang ding lomi, velhhmang lomi, phaisaduhtuk lomi, nunnemmi, elhnial hmang lomi, duhfâk lomi,

1TIMOTE 3:8

Cubantukin kawhhran upa hna zong hmaizahmi an si hrimhrim awk a si, bia a duh tuk lomi, misurhang ram lomi, phaisa duhtuk lomi an si awk a si,

1TIMOTE 6:5

ruahnâk chia-kha le biatak pemh lo, a herh lo i bia el hmang le, biaknâk zong chawleh nâkah hman a ngamhmi an si. Cubantuk mi hna cu kawm hna hlah u.

TITAS 1:11

cuhna nih chawva ningcang loin an hmuhnâk dingah chim loding tiang anchim i chungkhar ningin an hlenmi zong an um, cuhna cu ankâ huhpiak hrimhrim ding an si.

TITAS 1:7

Zeitintiah kawhhran hotu cu Pathian chawkengtu a si caah, sawi awk um lomi a si hrimhrim awk a si, mahnawl ummi, thinhun fawi, misurhang-duhtukmi, mi velhhmang, chawva ah hâkkaumi an si awk a si lo,

1 PETER 2:8

“Tluknâk lung le rilhnâk lungpi kha.” Bia an zumh lo ruangah an tlu i cubang i um awkah ruahmi zong an si.

1 PETER 5:2

Nan lak i Pathian tuurun kha kilveng hna u law, zohkhenhtu si ko u, tuahlo khawh lo bangin ruat loin, duhnâk taktak he, duhfah hakkauh ruangah si loin, lungtho te in ṭuan si seh,

2 PETER 1:16

Zeitintiah zer ngai i `awnchawmmi tuanbia zulin, kan Bawipa Jesuh Krih rat`hannâk le a ṭhawnnâk kong hi kan chimmi a si lo, a sunparnâk mit hrimhrim i hmutu kan si.

2 PETER 2:1

Asinain mi hna sinah profet deu kha an rak um bantukin nanmah lak zongah cawnpiaktu deu an um ve te lai, anmah a tlanhtu Bawipa tiangin an hlawt lai, rawhralnâk ah phâk tertu lam a pialmi cawnpiaknâk cu a thli tein an luhpi lai i cunih cun anmah kha rawhralnâk ah khulrangin a hruai hna lai.

2 PETER 2:9

cuticun Bawipa nih Amah ṭhzahtu cu tukforhnâk chungin luatter ning le, miding lomi hna cu biaceih ni caah zuah ning a hngalh.

JUDAS 1:11

Zeitluk ngaihchia dah an si! Kain lam kha an zulh i hlawh hmu dingah Balaam lamah hakkau ngai in an tli i Kora ralthawhnâk bangin an lo tlau dih te lai.

JUDAS 1:15

“Zohhmanh u, mi vialte cungah biaceih ding le, Pathian bia a zum duh lomi vialte nih, Pathian ṭihzahnâk um loin an tuahmi thil vialte le Pathian-zeiaharellomi hna nih Amah ralchanh in bia an chimmi vialte cung i biaceih ding le thiamlo coter dingin Bawipa cu a mithiang thong hra he an ra lai.”

JUDAS 1:16

Himi hna hi phunzai a hmangmi, mi sawitu an si i anmah duhnâk nih a hruaimi hna an si, an nâl ngai i an hlawknâk ding zoh in mi an tlawnhtlamh tawn hna.

JUDAS 1:4

Zeitintiah mizei maw a thliin an lut, cu hna cu Pathian-zeiaharellomi an si, Pathian zângfahnâk hi hornâk caah an hman i kan ngeih chun, Bawipa Pathian le kan Bawipa Jesuh Krih zong an hlawt, cubantuk mi hna cu hlan lio pi khan thiamlo co ding ah ruah ciami an si.

JUDAS 1:7

Sodom le Gomora le kiangkap khua hna zong thleidang loin fih a nungmi hornâk ah an i pe, a hleituk in an hor i zungzal meipi i hremnâk a tuar hngami umtuning zohchunh awkah chiah an si.