2 PETER 2:1 - Laibaibal Thiang (BSI)

¹ Asinain mi hna sinah profet deu kha an rak um bantukin nanmah lak zongah cawnpiaktu deu an um ve te lai, anmah a tlanhtu Bawipa tiangin an hlawt lai, rawhralnâk ah phâk tertu lam a pialmi cawnpiaknâk cu a thli tein an luhpi lai i cunih cun anmah kha rawhralnâk ah khulrangin a hruai hna lai.

Lai (Hakha) Common Language Bible 2006

¹ Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

2 PETER 2:1 ပူးပေါင်းရင်းမြစ်များ

MATTHAI 10:33

Asinain mi hmai i aka hlawtu cu, van i ka Pa hmaiah ka hlawt ve hna lai.

MATTHAI 24:11

Profet deu tampi an chuak lai i mitampi an hlen hna lai.

MATTHAI 24:24

Zeitintiah krih deu le profet deu an chuak lai i a nganmi hmelchunhnâk le khuaruahharnâk tuah in an in hlen hna lai. Si kho sehlaw thimmi hmanh an hlen khawh hna lai.

MATTHAI 24:5

Zeitintiah mi tampi ka min chalh in a ra lai i mi tampi an hlen hna lai.

MATTHAI 7:15

Profet deu kha i ralring u; tuu phaw aih in nan sinah an ra lai na in an chunglei tu cu a hrangmi cenghngia an si.

MARKA 13:22

Zeitintiah krih deu hna le profet deu kha an chuak lai, cu hna nih cun mi hlennâk caah hmelchunhnâk le khuarauhhar thil kha an tuah lai, si kho sehlaw, thimmi hmanh an hlen hna lai.

LUKA 12:9

Asinain mi hmai i a ka hlawtu cu, Pathian vanmi hna hmaiah ka hlawt ve hna lai.

LUKA 21:8

Anih nih, “An in hlen nâkhnga lo i ral ring u. Mitampi nih, ‘Amah cu ka si, an ti lo le, a cân a phân deng cang, tiah keimah min chalh in an ra lai. Cunbantuk mi cu zul hna hlah u.

LUKA 6:26

“Mi vialte thangṭhat nan co tikah, ngaihchia ngai nan si te lai, zeitintiah cubantukin an pupa hna nih profet deu cungah an rak tuah cang.

ROM 16:18

Zeitintiah cubantuk mi hna nih kan Bawipa Jesuh Krih rian an ṭuan lo i an paw ca i rianṭuantu an si, cun an dangnal le biachim thiam nâkin santlailo lungthin an hlen tawn hna.

1 KORIN 11:19

Nanlakah a taktak a simi an langhkhawh nâkhnga zumhnâk phundang a ngeimi zong an um awk a si.

1 KORIN 6:20

A man in cawkmi nan si cang; cucaah Pathian ta a simi nan pum le nan thlarau in Pathian thangṭhat u.

1 KORIN 7:23

Aman in cawkmi nan si cang, cucaah minung sal ah lut ti hlah u.

GALATI 2:4

Cubangin a sinâk cu unau deu, a thli te i an luh pimi hna ruangah a si. (Sal i an kan canter khawh nâkhnga Krih Jesuh i kan ngeihmi zalonnâk hi ngiatthlai duhah cuhna cu a thli tein an lut)

GALATI 3:13

Krih cu kan ai awh-in chiatserh a si i nawlbia chiatserhnâk chungin a kan tlanh cang (zeitintiah thingkung cungah thlaimi pauh cu chiatserhmi an si,” tiah ṭial a rak si,)

GALATI 4:17

Ṭhahnem ngai ngaiin nanmah lemsawi an timtu hna kha nan ṭhatnâk ding an duh ruangah a si lo, anmah lei nan hoih i a dang tein lâk an in duh hna ruangah a si.

GALATI 5:20

milem biaknâk, doihthiamnâk, huatnâk, i siknâk, hnahchuahnâk, thinhunnâk, mahzawn lawng ruahnâk, lungruallonâk, zumhnâk dang ngeihnâk,

EFESA 1:7

A thisen thawngin Amah ah tlanhnâk le a rummi a zângfahnâk bangin sual ngaihthiamnâk kha kan co,

EFESA 4:14

fimzer ngai le thiam ngaiin mi a hlengtu cawnpiaknâk thlitu phunkip nih a thenh lengmang mi ngakchia si ti loin,

FILIPI 3:19

cuhna donghnâk cu rawhralnâk a si, an pathian cu an paw a si, vawlei thil lawng lawng an ruah caah an sunparnâk zong mualphonâk a si.

KOLOSE 2:18

Adeu i tangdormi le vanmi a biatu le, langhnâk phundang khun hmu i â chimmi hna, asinain vawilei lungput ngeiin amah le amah â sântermi hna nih nan hmuh hngami ṭuanman cu hleng in inchut hna hlah seh,

KOLOSE 2:8

I ralring u, culoahcun mi zeimaw nih Krih cawnpiakning si loin, fimnâk le pakpalawng hlennâk le, minung hna i chanhchinmi phung le vawlei phunghram men in hlen nan si sual lai.

1TIMOTE 5:8

Asinain ahohmanh mah le sahlawh rualchan zeiah a rel lo i a umpimi chungkhar hmanh zei ah a rel lomi nih zumhnâk kha a hlawt i zum lotu nâkin a sual deuh.

2TIMOTE 4:3

Zeitintiah cawnpiaknâk dik an ngaih duhlo cân kha a phân lai. An hnâ kha a za i anmah nih ngaih an duhmi cawnpiaktu kha an sawm hna lai,

TITAS 1:11

cuhna nih chawva ningcang loin an hmuhnâk dingah chim loding tiang anchim i chungkhar ningin an hlenmi zong an um, cuhna cu ankâ huhpiak hrimhrim ding an si.

TITAS 3:10

Zumhnâk dang a ngeimi cu chimhring law, voi hnih tiang na chimhhrin hnu ah ngol tâk.

HEBRU 10:29

Pathian Fapa a lamh chih i amah thiantertu biakam thisen a sawhsawh in a ruat i zângfahnâk Thlarau a cawhdehtu cu zeitluk a fakmi hremnâk dah tuar awktlâk ah nan ruah?

1 PETER 1:8

Amah cu nan hmu lo nain nan dawt, atu ah nan hmu lo nain Amah cu nan zumh, cucaah nan zumh chan nan thlarau khamhnâk kha nan hmuh caah,

2 PETER 2:3

Hakkauh ruangah hlennâk bia hmangin hlawknâk caah an in hman hna lai, zeitintiah hlan liopi in an cungah biaceihnâk cu a hmun i an rawhralnâk ding zong â hngilh lo.

1JOHAN 2:26

Nanmah hlen an timtu hna kong hi nan sin i ka ṭialmi cu a si.

1JOHAN 4:1

Dawtmi hna thlarau kip in va zum hlah u, asinain thlarau kha Pathian sin in an si le si lo kha hniksak hna u, zeicatiah vawlei ah hin profet deu tampi an chuah cang.

JUDAS 1:18

cân hmadungah nisawh tu hna an um te lai, Pathian-zeirellonâk he anmah duhning lawngin khua a sami an si lai, tiah an chim chung cangmi kha philh hlah u.

JUDAS 1:4

Zeitintiah mizei maw a thliin an lut, cu hna cu Pathian-zeiaharellomi an si, Pathian zângfahnâk hi hornâk caah an hman i kan ngeih chun, Bawipa Pathian le kan Bawipa Jesuh Krih zong an hlawt, cubantuk mi hna cu hlan lio pi khan thiamlo co ding ah ruah ciami an si.

BIAPHUAN 13:14

Cun sahrang hmasa deuh mithmuh ah hmelchunhnâk tuah khawhnâk pek a simi kha vulei cungah a ummi minung hna hlennâk ah hmangin, vainam hliam hma a pu i a dam ṭhânmi sahrang milem kha tuah dingin lei cungah a ummi kha a chimh hna.

BIAPHUAN 2:13

“Na tuahmi kha ka hngalh, na umnâk zong Satan bawiṭhutdan umnâk hmun a si kha ka hngalh. Ka min fek tein nâ tlaih i nan lak i ka biahngalhtu zumhtlâk Antipas, Satan umnâk hmun i thah a si lio hmanh ah ka zumhnâk kha na hlaw lo.

BIAPHUAN 2:9

“Na tuahmi le na harnâk le na sifahning (a sinain na rum) kha ka hngalh; Judah mi tak si loin Judah mi ka si â timi hna nih an in thangchiat mi zong kha ka hngalh, asinain annih cu Satan sinagog an si,

BIAPHUAN 3:8

“Na tuahmi kha ka hngalh. Zohhmanh, ahohmanhnih khar khawh lomi inkâ on cia nahmai ah ka chiah, zeitintiah ṭhawnnâk tlawmte lawng na ngei nain ka bia fek tein nâ tlaih i ka min zong na hlaw lo.

BIAPHUAN 5:9

Hlathar an sa i, “Nangmah cu cazual kha la in, a chinchiahnâk kha phoihawk ah nâ tlak. Zeitintiah thah in na um cang i phunkip, holhkip, mikip le hrin kip chungin Pathian caah na thisen in na tlanh cang hna.

BIAPHUAN 6:10

Annih nih awthang ngai in “Maw, Bawipa a thiangmi le a dikmi vawlei mi hna cungah kan thisen an chuahtermi phu hlam loin zeicandah na um lai?” tiah an ti.