2 PETER 1:8 - Laibaibal Thiang (BSI)

⁸ Zeitintiah hi hna hi nan ta a si i a karh lengmang ahcun kan Bawipa Jesuh Krih hngalhnâk kongah taklawng le theitlai ngei loin an umter hna lai lo.

Lai (Hakha) Common Language Bible 2006

⁸ Hi thil hi nan herhmi an si i tam piin nan ngeih hna ahcun Bawipa Jesuh Khrih nan hngalhnak ah khan ṭhawnnak an pek hna lai i rian tampi an ṭuanter khawh hna lai.

2 PETER 1:8 ပူးပေါင်းရင်းမြစ်များ

PHUNGTHLÛKBIA 19:15

Thathutnâk nih ihduhnâk a chuahter, mi daithlang nih rawlṭam a tuar lai.

MATTHAI 13:22

Hling lak i a tlami cu, bia cu a theih ko. Asinain hi vawlei thil le rum duhnâk nih bia cu a khuh caah theitlai a chuah kho lo.

MATTHAI 20:3

Zing lei suimilam pakua hrawng i a chuah lio ah, chawdawr hmun i a dir sawsawh mi kha a hmuh hna i

MATTHAI 20:6

Cun zanlei pa nga hrawngah ava chuak ṭhân i a dir sawsawh mi midang kha a hmuh ṭhân hna. Zeicadah ni tlâk te nan dir ko? tiah a ti hna.

MATTHAI 25:26

Apu nih, sinum sual le thathu pa, ka tuh lonâkah ka zûn i ka vorh lonâkah ka ah ti kha na hngal maw?

JOHAN 15:2

Keimah i â pehmi nge, thei a tlai lomi pauh a hlawnh tawn i thei a tlaimi nge pauh a tlai a tam chinchin nâkhnga a thenh tawn.

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

JOHAN 5:42

Nannih kan hngalh hna, nan chungah Pathian dawtnâk nan ngei lo.

ROM 12:11

Taihmâk leiah daithlang loin, thlarau ah ṭhahnem ngai ulaw, Bawipa kha rian u,

1 KORIN 15:58

Cucaah, ka dawtmi ule nau hna, fek tein, hninh khawh loin um ulaw, Bawipa rian biatak tein ṭuan zungzal ko u, Bawipa ah nan ṭuanman cu pakpalawng a si lailo ti kha hngal ko u.

2 KORIN 13:5

Zumhnâk ah nan um maw, nanmah kha fiang tein i chek u. Jesuh Krih cu nanmah i a um kha nan hngal lo maw? Hniksaknâk i nan tlinlo a si fawn ṭung lo ahcun.

2 KORIN 8:2

kha bantuk harnâk le hneksaknâk nganpi an ton lio ah lawmhnâk i an khah ning le, sifahnâk khor thuk pi chungah an um nain pêknâk i an rum ning kha.

2 KORIN 8:7

Asinain zeizong vialte, zumhnâk ah siseh, biachim ah siseh, hngalhnâk ah siseh, ṭhahnemngaihnâk vialte ah siseh, nankan dawtnâk ah siseh nan rum bantukin hi zângfahnâk rian zong ah rum ve u.

2 KORIN 9:14

cun nan cungah Pathian zângfahnâk a tamtuk ruangah hin, nanmah ngaih bu in nan caah thla an cam.

FILIPI 1:9

Nan dawtnâk cu a tam chin lengmang i hngalhnâk le chunglei hmuhkhawhnâk nan ngeih chin chin nâkhnga thla ka cam.

FILIPI 2:5

Hi lungput Krih Jesuh zong i a ummi kha nanmah zongah um ve seh.

FILIPI 3:8

Asi taktak ko, a liannganmi ka Bawipa Jesuh Krih hngalhnâk ruangah thil vialte hi sungh cikcek ah ka ruah dih, asi zeizong vialte hi ka sung cikcek ko. Krih kha ka miakmi a si khawh ahcun thildang vialte cu hmunthûr ah ka rel hna.

KOLOSE 1:10

Bawipa lawmhter awktlâk in tling tein nan nun i thilṭha phunkip tuahnâk ah theitlai chuah in Pathian hngalhnâk i nan ṭhân khawh nâkhnga,

KOLOSE 2:7

Amah ah hrambunh in sakmi si u law, zumhnâk ah a fekmi si uh, cawnpiak nan rak si cang bangin lawmhnâk bia tampi in chim uh.

KOLOSE 3:16

Krih bia cu fimnâk phunkip he nanmah ah khat ko seh, biazâi le hla, thlarau lei hla hna in i cawm changin i cawnpiak u law, Bawipa sinah nan lungthin in zângfahnâk he hla sa u.

1THESALON 3:12

Cun kan in dawt hna bantukin nanmah le mi vialte nan dawt khawh nâkhnga, nan dawtnâk cu Bawipa nih tam chin chin in karhter ko seh,

1THESALON 4:1

Cuticun ule nau hna a donghnâk ah, Pathian lawmh terin nan nun khawh nâkhnga le kan sinin nan hmuhmi bantuk kha tam chinchin in nan ngeih nâkhnga Bawipa Jesuh ah tha pêk pah in kan nin nawl hna,

2 THESALON 1:3

Unau hna nanmah kongah Pathian sinah lawmhnâk bia chim awk kan ngei, cucu kan tuah awk hrimhrim a si, zeicatiah nan zumhnâk kha a ṭhang ngaingai i pakhat le pakhat nan i dawtnâk zong a karh chin leng mang,

1TIMOTE 5:13

Cun daithlânnâk nih a zulh hna i innkip ah lêngin, thathut le mikong ceih hmanh i za loin, tuah loding tuah in, chim loding tiang an chim tawn.

TITAS 3:14

Cun kanmi le hna zong theipar chauh loin an um nâkhnga lo an herhnâk zawn i hman awk an ngeih khawh nâkhnga rianṭha ṭuan pengin um hna seh.

FILEMON 1:6

na zumhnâk cu midang sinah na hngalhternâk thawngin Krih Jesuh ah na chung i a ummi ṭhatnâk phunkip hna nih hmual an ngeih khawh lai.

HEBRU 6:12

cuticun zumhnâk le lungsaunâk thawngin biakam a co cangmi hna zohchunh in nan tha thu hlah seh.

2 PETER 1:2

Pathian le kan Bawipa Jesuh Krih hngalhnâk ah nan cungah zângfahnâk le daihnâk karhter in um ko seh.

2 PETER 1:3

A sunparnâk le ṭhatnâk thawngin a kan kotu nih, amah hngalhnâk thawngin a ṭhawnnâk in nunnâk caah le Pathian ṭihzahnâk caah a herhmi vialte a kan pêk,

2 PETER 2:20

Zeitintiah Bawipa le khamhtu Jesuh Krih an hngalhnâk thawngin vawlei thûrhnawmhnâk hna an chuahtâk hnu ah, cuka ah an tân ṭhân i teiin an um ṭhân ahcun a hmadung deuh an nun cu a hmasanâk in a chiakha deuh.

2 PETER 3:18

Kan Bawipa le khamhtu Jesuh Krih zângfahnâk le hngalhnâk ah khan ṭhang ko u. Atu le zungzal tiangin Amah sinah sunparnâk um ko seh. Amen.