2 PETER 1:3 - Laibaibal Thiang (BSI)

³ A sunparnâk le ṭhatnâk thawngin a kan kotu nih, amah hngalhnâk thawngin a ṭhawnnâk in nunnâk caah le Pathian ṭihzahnâk caah a herhmi vialte a kan pêk,

Lai (Hakha) Common Language Bible 2006

³ Pathian sunparnak le ṭhatnak i hrawm ve awkah a kan kotu kan hngalhnak thawngin Pathian ṭihzah in nun awkah kan herhmi thil vialte cu amah Pathian ṭhawnnak lila nih cun a kan pek.

2 PETER 1:3 ပူးပေါင်းရင်းမြစ်များ

SALM 110:3

Na mi kha na ṭhawnnâk ni ah, anmah lungtho tein an i pe ko lai; â dawhmi thiannâk in zinglei khua a dei tikah na no lio cân dapti cu na ngeih lai.

SALM 84:11

Zeitintiah BAWIPA Pathian cu ni le phaw a si. BAWIPA nih vêl le sunparnâk an pêk lai; dik ngai i a ummi hna caah thilṭha zeihmanh siang loin a um lai lo.

PHUNGTHLÛKBIA 12:4

Nupi ṭha cu ava caah bawiluchin a si i ningzahnâk a chuahtertu cu ava ruh moih tertu a si.

PHUNGTHLÛKBIA 31:10

Nupi fel ngai hi ahodah a hmu kho lai? lungvar nâk in a sunglawi deuh.

PHUNGTHLÛKBIA 31:29

“Nutling ngai tampi an um ko nain nangnih cun na lonh dih hna,” tiah a ti.

MATTHAI 28:18

Cun Jesuh cu an sinah rain bia a chimh hna, “Lei le van i nawlngeihnâk vialte ka sinah pêk a si cang.

ROM 8:32

A fapa hmanh zuah loin kan dihlak caah a kan pêk ahcun, zeitindah thil vialte zong Amah sinah manlo tein pêkchih loin a kan um hnga?

ROM 9:24

kannih zong hi a kawhmi kan si, Judah mi lawng si loin Gentel mi zong an si ve lo maw?

1 KORIN 1:9

Pathian, a Fapa Jesuh Krih kan Bawipa he i hawikomhnâk i an luhtertu kha zumh awk tlâk a si.

2 KORIN 12:9

Anih nih, “Ka zângfahnâk na caah â za ko; Ka ṭhawnnâk hi derthawmnâk ah dah kaw tlinter a si cu,” tiah a ti. Cucaah Krih ṭhawnnâk cu ka cung i a um peng nâkhnga, lunglawm tein ka derthawmnâk hna hi ka hmaihngal pi cang lai.

EFESA 4:1

Cucaah, kawh nan sinâk he â tlakmi nunning i nun awkah, kei, Bawipa i thong a tlami nih kan nawl hna;

EFESA 4:4

Ruahchannâk pakhat i kawh nan si bangin, pum pakhat le Thlarau pakhat lawnglawng a um,

FILIPI 3:8

Asi taktak ko, a liannganmi ka Bawipa Jesuh Krih hngalhnâk ruangah thil vialte hi sungh cikcek ah ka ruah dih, asi zeizong vialte hi ka sung cikcek ko. Krih kha ka miakmi a si khawh ahcun thildang vialte cu hmunthûr ah ka rel hna.

FILIPI 4:8

A donghnâk ah unau hna, a dikmi, hmaizah awk a tlâkmi, a thiangmi, duh a nungmi, a thangṭhami, ṭhatnâk a um i thangṭhat awktlâk a si ahcun, cucu ruat hna u.

KOLOSE 1:16

Zeitintiah thil vialte, van i a ummi siseh, lei i a ummi siseh, hmuh khawhmi siseh, hmuh khawh lomi siseh, bawi ṭhutdan siseh, pennâk le nawlngeihnâk vialte hna hi Amah in ser an si. Zeizong vialte hi Amah thawng le Amah caah sermi an si;

1THESALON 2:12

cucu a pennâk le sunparnâk chungah an kotu hna Pathian mi si awktlâk in nan nun khawh nâkhnga caah a si.

1THESALON 4:7

Zeitintiah Pathian nih thûrhnawm dingin a kan ko lo, thianghlim te i um dingin a kan kawh.

2 THESALON 2:14

Cu thil caah Bawipa Jesuh Krih lianngannâk cove dingin kan thawngṭha bia hmangin Amah nih an kawh hna.

1TIMOTE 4:8

Zeitintiah taksa zuam nâkin cawlcanghnâk zong hi san a tlai ve ko, asinain Pathian-ṭihzahtu sinâk i cawlcanghnâk nih cun atu nunchung le hmailei caah biakam a ngeih caah a lamkip in san a tlai.

2TIMOTE 1:9

Amah nih kan tuahsernâk bang si loin Amah ruahning le zângfahnâk in a kan khamh i kawhnâk thiangin a kan kawh, cucu vawlei ser hlanin Krih Jesuh ah a kan pêk,

HEBRU 1:3

Amah hi a sunparnâk ceu cu a si i Mi a sinâk kokek taktak langhtertu a si, a bia ṭhawnnâk nih zeizong vialte hi a tlaih i kan sualnâk kha Amah hrimhrim nih a thianter hnu ah Cungnung bik orhlei kamah a ṭhu.

1 PETER 1:15

an kotu hna a thian bantukin nannih zong nan cawlcanghnâk vialte ah thiang tein um u.

1 PETER 1:5

zumhnâk thawngin khamhnâk, cân hmadung i langhter awkah timh ciami cu co dingin Pathian ṭhawnnâk in kilven nan si.

1 PETER 2:21

Zeitintiah cubantuk tuah awk i kawhmi nan si, zeicatiah Krih zong nih an tuarpiak hna caah a keneh i nan zulh dingah zohchunh awk an chiah tâk hna.

1 PETER 2:9

Asinain nannih cu thimmi miphun, siangpahrang tlângbawi, miphun thiang, a hleiin Amah mi nan si; cucu a mak ngaimi a ceunâk i lut dingah muihnâk chungin an kotu hna Amah cu nan phuan khawh nâkhnga;

1 PETER 3:9

sual cu sual lila in lehrul hlah u; siknâk zong siknâk lila in lehrulh ding a si lo, thluachuah tu pe lehlam u. Cubantuk tuah awkah kawhmi nan si; cuticun thluachuahnâk nan hmuh lai.

1 PETER 5:10

Zângfahnâk vialte Pathian, zungzal a sunparnâk co dingin an kotu hna Krih Jesuh nih, cân tawite nan tuar hnu ah, tlam tlinter le fehter in, ṭhawnter le fek tein in dirter ko hna seh.

2 PETER 1:10

Cucaah unau hna, kawh nan sinâk le thim nan sinâk hi fehter dingin teihmâk chuah chin chin u, cucu nan tuah ahcun zeitikhmanhah nan tlu lai lo.

2 PETER 1:2

Pathian le kan Bawipa Jesuh Krih hngalhnâk ah nan cungah zângfahnâk le daihnâk karhter in um ko seh.

2 PETER 1:5

Hi ruangah hin teihmâk chuah u law, nan zumhnâk ah khan ṭhatnâk telhchih u law, ṭhatnâk ah khan hngalhnâk telhchih u,

2 PETER 1:6

hngalhnâk ah khan i sûmnâk telhchih u law, i sûmnâk ah khan inkhawhnâk telhchih u, inkhawhnâk ah khan Pathian ṭihnâk telhchih u law,

2 PETER 1:8

Zeitintiah hi hna hi nan ta a si i a karh lengmang ahcun kan Bawipa Jesuh Krih hngalhnâk kongah taklawng le theitlai ngei loin an umter hna lai lo.

2 PETER 2:20

Zeitintiah Bawipa le khamhtu Jesuh Krih an hngalhnâk thawngin vawlei thûrhnawmhnâk hna an chuahtâk hnu ah, cuka ah an tân ṭhân i teiin an um ṭhân ahcun a hmadung deuh an nun cu a hmasanâk in a chiakha deuh.

2 PETER 3:18

Kan Bawipa le khamhtu Jesuh Krih zângfahnâk le hngalhnâk ah khan ṭhang ko u. Atu le zungzal tiangin Amah sinah sunparnâk um ko seh. Amen.