2 PETER 1:1 - Laibaibal Thiang (BSI)

¹ Simon Peter, Jesuh Krih sal le, Lamkaltu nih, khamhtu Jesuh Krih kan Pathian dinnâk thawngin a sunglawimi zumhnâk kan comi bantuk a co vemi hna sinah,

Lai (Hakha) Common Language Bible 2006

¹ Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

2 PETER 1:1 ပူးပေါင်းရင်းမြစ်များ

MATTHAI 10:2

Lamkaltu hleihnih an min cu, a hmaisa bikah, Peter tiah kawhmi Simon le a unau Andria, Zebedi fapa Jeim le a nau Johan,

MATTHAI 4:18

Jesuh cu Galili rili pawng i â chawh lio ah, unau pahnih Simon Peter timi le a nau Andria sur an vorh lio kha a hmuh hna; annih cu ngatlaitu an si.

LUKA 1:47

Ka thlarua zong ka khamhtu Pathian ah â lawm.

LUKA 11:49

Cucaah Pathian fimnâk zongnih hitihin a chim. ‘An sinah profet le lamkaltu kha ka thlah hna lai, a cheu an rak thah hna lai i a cheu an rak serhsat hna lai,

JOHAN 1:42

Cun amah cu Jesuh sinah a ratpi, Jesuh nih a rak zoh i, “Jonah fapa Simon na si, Kifa an in ti cang lai,” tiah a ti. (cucu lungtum tinâk a si )

JOHAN 12:26

Ka rian a ṭuanmi pauh nih ka zul seh. Ka umnâk hmun pauh ah ka rianṭuantu zong a um awk a si. Ka rian a ṭuntu pauh cu ka Pa zong nih a thangṭhat ve lai.

JOHAN 20:21

Jesuh nih, “Nan cungah daihnâk um ko seh,” Pa nih a ka thlah bantukin kei zong nih kan thlah ve hna.

LAMKALTU 15:14

Simon nih Pathian nih Gentel mi a veh hramthawknâk le Amah min putu dingah an lak i mi a lâknâk kong a chim.

ROM 1:1

Paul, Jesuh Krih ṭemmi sal, lamkaltu si dingin kawhmi, Pathian thawngṭha caah thleidanmi nih,

ROM 1:12

Cucu nan zumhnâk le ka zumhnâk ṭangṭi in pakhat le pakhat thazâng kan i pêk khawh nâkhnga caah a si.

ROM 1:17

Zeitintiah cuka ah zumhnâk in zumhnâk lila ah Pathian dinnâk cu langhter a si. “Miding cu zumhnâk in a nung lai,” tiah ṭial a si bangin.

1 KORIN 1:30

Nannih tu cu Amah thawngin Krih Jesuh ah nan um, Amah cu Pathian sinin kan ca fimnâk, dinnâk, thiannâk le tlanhnâk a si,

1 KORIN 15:9

Zeitintiah kei cu lamkaltu lakah a hmebik, Pathian kawhhran hna ka serhsat ruangah lamkaltu ti awk hmanh ah kâ tlâk lo.

1 KORIN 9:1

Lamkaltu ka si lo maw? Miluat ka si lo maw? Kan Bawipa Jesuh zong ka hmu cang lo maw? Nannih hna hi Bawipa rian ka ṭuanmi theitlai nan si lo maw?

2 KORIN 4:13

Cun thlarau i zumhnâk pakhat kan ngeih ruangah, kan zumh ning te in kan chim tawn. “Ka zumh caah, bia ka chim,” tiah ṭialmi bang khan.

2 KORIN 5:21

Zeitintiah Amah ah Pathian dinnâk kan si khawh nâkhnga sualnâk zeihmanh a hngal lomi kha Pathian nih kanmah ruangah sualah a ser.

GALATI 2:8

(zeitintiah cuarpar tanmi lamkaltu Peter sinah hlawk ngaiin rian a ṭuntu nih khan, Gentel Lamkaltu ka sin zongah hlawk ngaiin rian a ṭuan),

EFESA 3:5

Thiang Thlarau nih atu lio i a thiangmi a lamkaltu hna le profet hna sinah a langhter bantukin, cuhlan ah minung fale hna sinah hngalhter a rak si lo:

EFESA 4:11

Amah nih cheukhat lamkaltu ah, cheukhat profet ah, cheukhat evangelist ah, cheukhat pastor le cheukhat cawnpiaktu ah a pêk hna.

EFESA 4:5

Bawipa pakhat, zumhnâk pakhat, baptisma pakhat,

FILIPI 1:1

Paul le Timote, Krih Jesuh ah ṭemmi-sal hna nih, Filipi khua ah a ummi Krih Jesuh ah mithiang vialte le hotu le upa hna sinah;

FILIPI 1:29

Zeitintiah Krih aiawh i rian pêk nan si ah hin, Amah nan zumh lawng si loin Amah ruang i temtuar zong pêkchih nan si,

FILIPI 3:9

Amah i ummi ka si khawh nâkhnga, nawlbia zulh ruang i dinnâk si loin, Krih zumhnâk thawngin dinnâk, zumhnâk thawngin Pathian sinin dinnâk cu ka ngeihmi a si.

2TIMOTE 1:5

Zumhnâk taktak nangmah i a um kha ka philh lo, cucu napi Lois ah a um hmasa, nanu Zunis zongah a um i nangmah zongah a um kha fiang tein ka hngalh;

TITAS 1:1

Paul, Pathian thimmi hna zumhnâk ning le Pathian-ṭihzahnâk in biatak hngalhpinâk tlamtling he Pathian caah ṭemmi sal le Jesuh Krih Lamkaltu ka si.

TITAS 1:4

Titas, â khatmi kan zumhnâk i kafa taktak, Pa Pathian le Bawipa Jesuh Krih kan Khamhtu sinin zângfahnâk, velngeihnâk le daihnâk na sinah um ko seh.

TITAS 2:13

Ruahchannâk duhnung, a lianngan mi kan Pathian le kan Khamhtu Jesuh Krih sunparnâk he â langhnâk kha kan cuan.

JEIM 1:1

Jeim, Pathian le Bawipa Jesuh Krih sal nih, kakipah â ṭhenmi miphun 12 nan kut an tlaih hna.

1 PETER 1:1

Peter, Jesuh Krih lamkaltu nih, Pontas, Galitia, Kapadosia, Asia le Bithinia ram i â ṭhekmi,

1 PETER 1:7

a taktak a simi nan zumhnâk cu, a rawk khomi sui mei in hniksak cangmi nâkin a sung lawi deuh, cucaah Jesuh Krih a rat tikah thangṭhat le upatnâk le sunparnâk he hmuh nan si khawh nâkhnga,

1 PETER 2:7

Cucaah nannih a zumtu ca ah a sunglawimi a si, asinain a zumlotu caah cun a sunglawi lo. “Insatu hna nih an hlawtmi lung kha a biapi bikmi lung a rak si,”

1 PETER 5:1

Nan lakah upa hna, kei nan upat hawi, Krih tuarnâk hngalhpitu, sunparnâk a lang hngami cotu ding a simi nih hin tha kan pêk hna.

2 PETER 1:4

cu nih cun a ngan tak takmi le a sunglawimi biakam kan sinah a kan pêk cang, cu thawngin Pathian nunning i hrawm kho ve dingin horduh cuainâk ruang i a rawkmi vawlei hi nan hrial khawh lai.

JUDAS 1:1

Judas Jesuh Krih ah ṭemmi-sal le Jeim unau pa nih, Pa Pathian nih a thianter i a kawhmi hna le, Jesuh Krih kilvenmi hna sinah: