2 KORIN 4:2 - Laibaibal Thiang (BSI)

² Ningzah awktlak thuhmi thil hna kha kan hlawt hna, zernâk in kan nung lo, asiloah Pathian bia hi zatlâng hlennâk ah kan hmang fawn lo, Pathian hmai ah biatak cu phuangin mikip chiaṭha hngalhnâk le mit hmuh ah zoh a dawh maw ti hi kan conhmi a si.

Lai (Hakha) Common Language Bible 2006

² Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

2 KORIN 4:2 ပူးပေါင်းရင်းမြစ်များ

ROM 1:16

Krih thawngṭha cu ka zahpi lo, zeitintiah a zummi vialte caah khamhnâk dingah Pathian ṭhawnnâk a si; a hmasa in Judah mi caah a si i Grik mi ca zongah a si.

ROM 6:21

Atu i zahpi awktlâk nan tuahmi nih zeibantuk theitlai dah a chuahter hna? Zeitintiah cu hna an donghnâk cu thihnâk a si.

1 KORIN 4:5

Cucaah Bawipa a rat hlan i a cân a phâk hlanah hin zeihmanh hniksak hlah u. Amah nih khuamui i thuhmi hna kha khuaceu ah a langhter te lai. Lungchung i timhmi zong kha a langhter dih lai. Cucân ah kan co tawk cio thangṭhatnâk zong Pathian sinin kan hmuh cio lai.

2 KORIN 1:12

Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

2 KORIN 11:3

Asinain rulnih a fimzernâk in Evi a hlen bantukin Krih i tluangtlam te i nan umnâk chungin nan ruahnâk kha a hrawh sual lai ti kha ka phang.

2 KORIN 11:6

Biachim leiah cawnnâk ngeihlah hmanh ning, hngalhnâk ah cun ka si lo dah kaw. Lamkip in nan sinah kan langhter cang.

2 KORIN 2:17

Zeitintiah mi tampi nih Pathian bia hi chawlehnâk i an hman bangin kannih nih cun kan hmang ve lo; biatak tein; Pathian thlahmi kan si bangin Pathian mithmuh ah Krih ah bia kan chim tawn.

2 KORIN 5:11

Cucaah Bawipa ṭih a nunning hngal in, mi kha tei kan timh tawn. Pathian nih fiang tein a kan hngalh i nannih zong nih nan chiaṭha hngalhnâk in fiang tein nankan hngalh ko lai tiah kan zumh.

2 KORIN 6:8

thangṭhatnâk le mualphoternâk, chimchiat le thangṭhatnâk hna ah; hlengtu bantukin, mi dik ngai si ṭung in,

2 KORIN 7:14

Zeitintiah Titas sinah ka hmaihngalnâk nan si zia ka rak chim a si zongah, ka ning a zak lo. Nan sinah thil vialte biatak i kan chim bangin Titas sin zongah kan hmaihngalnâk nan si zia kan chimmi hi biatak a si.

EFESA 4:14

fimzer ngai le thiam ngaiin mi a hlengtu cawnpiaknâk thlitu phunkip nih a thenh lengmang mi ngakchia si ti loin,

EFESA 5:12

Zeitintiah a thliin an tuahmi thil hna cu chim awk hmanhah ningzah awktlâk an si.