2TIMOTE 4:8 - Laibaibal Thiang (BSI)

⁸ Ahnubik ah dinnâk luchin cu ka caah chiah a si, cucu biaceihtu fel, Bawipa nih cu Ni ah aka pêk lai, kasin lawngah a si lai lo, Â langhnâk â ngaihmi vialte sin zongah a pêk lai.

Lai (Hakha) Common Language Bible 2006

⁸ Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.

2TIMOTE 4:8 ပူးပေါင်းရင်းမြစ်များ

SALM 31:19

Maw na ṭhatnâk hi zeitlukindah a lianngan, nangmah ṭihtu hna ca i na pumhmi cu, minung fale hna mithmuh i nangmah bochantu hna ca i na timhlamhmi hna kha.

SALM 7:11

Pathian cu a dikmi biaceihtu a si i Pathian cu misuaksual cungah nifa tein a thin a hung.

PHUNGTHLÛKBIA 4:9

Nalu ah ṭamhmi zângfahnâk an chinh lai, sunparnâk bawiluchin an pêk lai.”

MATTHAI 24:36

Asinain cu ni le suimilam cân cu, ahohmanh nih an hngal lo. Pa dah ti lo cun, van i vancungmi hmanh nih an hngal lo.

MATTHAI 7:22

Cuniah cun mi tampi nih, Bawipa, Bawipa, na min in phung kan chim, na min in khuachia kan ṭhawl hna; na min in khuaruahhar thil tampi kan tuah a si lo mei,’ an ti te lai.

LUKA 10:12

Kan chimh hna, cu Ni ahcun cu hna khua tuar ding nâkin Sodom khua tuarmi hmanh kha â ning deuh lai.

ROM 2:5

Na luhlul le na lungkhawnning rupin thinhunnâk ni le Pathian biaceihnâk fel a ra laimi caah thinhunnâk nâ khon luaimai mi a si.

ROM 8:23

Culawng hmanh si loin, kannih Thlarau theitlai a ngei cangmi zong hi kan pumsa tlanhnâk le fa i canter lai cu hngahhlang ngaiin kan hngak i kan hrum ai ve ko.

1 KORIN 2:9

“Mit in hmuh bal lomi, hna zongin theih bal lomi, Pathian nih Amah dawtu hna ca i a timhlamh mi kha,” tiah ṭialmi bangin.

1 KORIN 3:13

mikip rianṭuan cu a fiang cang lai; zeitintiah cu Ni nih cun a fianter lai, zeicatiah mei in a langh lai caah, mei nih cun mikip rianṭuan cu zei a si kha a hniksak lai.

1 KORIN 9:25

Cun laksawng hmuh â timmi hna cu zeizong vialte ah â sum tawn. Annih nih a rawk khomi luchin hmuh awkah an i zuam i kannih nih a rawk kho lomi luchin hmuh awkah kan i zuam.

2 KORIN 5:2

Van i kan umnâk ding i thomhmi si awkah hngahhlang ngai in hi deu chung in kan hrum ai.

FILIPI 3:11

Cuticun zeilei pauh in thih nâkin thawhṭhannâk cu ka co khawh ve lai.

KOLOSE 1:5

Zeicatiah vanah nan ca i chiahmi ruahchannâk ruangah a si, cucu thawngṭha biatak kong nan rak theih cangmi kha a si,

1THESALON 1:10

A Fapa, thihnâk in a thawhter i a ra laimi thinhunnâk chungin a kan khamhtu Jesuh vanin a rat lai nâk hngahhlang ngaiin nan cuanhning hna cu anmah hrim hrim nih an chim lênmi a si.

1THESALON 5:4

Asinain ule nau hna, cu ni a rak phâk tikah mifir bangin poh nan si nâkhnga lo nannih cu muihnâk ah a ummi nan si lo.

2 THESALON 2:8

A dawntu cu lak a si hnuah phunglo-umpa cu a lang cang lai, Bawipa â langhnâk i a liannganmi ceunâk nih a hrawh lai i a kâ i thaw in amah cu a khangh lai.

1TIMOTE 6:19

zungzal nunnâk cu an i tlaih khawh nâkhnga le a ra laimi caah i ṭhumhnâk ṭha khong luaimai dingin tha pe hna.

2TIMOTE 1:10

asinain kan khamhtu Krih Jesuh â langhnâk in atu ah a langhter. Amah nih thihnâk kha a hrawh i thawngṭha in nunnâk le thihkhawh lonâk kha a phâkter cang,

2TIMOTE 1:12

Hiruangah dahkaw hi thil hna hi katuar cu, asinain ka ning a zak lo, zeitintiah ka zumhmi kha ka hngalh, A sin i ka chhiahmi kha cu Ni tiangin him tein a umter khawh ti kha ka hngalh.

2TIMOTE 1:18

Efesa khua i rian ka ṭuannâk ah a lam kip in a ka bomhning cu nang zong nih na hngalhfian, cu Ni caah Bawipa sin in vêl a hmuh khawh nâkhnga Bawipa nih pe ko seh.

2TIMOTE 2:5

Cun minih tlikzuamnâk a ngeih tikah ningcang tein a tuah lo ahcun laksawng a hmu kho lai lo.

2TIMOTE 4:1

Pathian le Bawipa Jesuh Krih hmaiah a pennâk le mithi le minung hna biaceih awkah a lang laimi hmaiah nawl kan pêk:

TITAS 2:13

Ruahchannâk duhnung, a lianngan mi kan Pathian le kan Khamhtu Jesuh Krih sunparnâk he â langhnâk kha kan cuan.

HEBRU 12:11

Cun chimhhrinnâk hi in lio ah cun lawmhnâk leiin a lang kho lo, a fak taktak mi a si; asinain inkhawh hnu ah hnangamnâk theipar, dinnâk kha a chuahter.

HEBRU 9:28

cubantukin Krih zong mi tampi sualnâk phor dingin voikhat pêkchanh in a rak um cang. Hngahhlang ngaiin Amah hngaktu hna caah, sual tel loin, khamhnâk caah a voi hnihnâk ah a ra ṭhân lai.

JEIM 1:12

Tukforhnâk lungsau in a tuartu cu mi vanṭha a si, zeitintiah hngalhpiak a si tikah nunnâk luchin, Bawipa nih Amah dawtu hna ca i a timhpiakmi kha a co lai.

1 PETER 1:4

hrawhkhawh a si lomi le thûrter lomi, a ziamkho lomi ro cu nan caah vanah chiahpiak nan si,

1 PETER 5:4

cun tuukhal hna Bawibik kha a langh tikah sunparnâk luchin a ziamkho lomi nan hmuh lai.

BIAPHUAN 1:7

Zohhmanh, khuadawm lakah ara lai, mit vialte nih an hmuh lai, Amah a chunhtu hrimhrim nih khan an hmuh lai. Cun lei i miphun vialte cu Amah ruangah an ṭap lai, cubantuk cu si ko seh. Amen.

BIAPHUAN 19:11

Cubangin van â ongmi ah, zohhmanh, rang râng ka hmuh. Cun a cungah a ṭhumi cu Zumhtlâk le Biatak tiah kawhmi a si i dinnâk in bia a ceih i ral a doh tawn.

BIAPHUAN 2:10

Na tuardingmi thil kha zei a si hmanhah ṭih hlah. A ngaingai tiah, khuachia nih nan lak i mi cheukhat hniksak dingin thongah an thlâk hna lai i ni hra chung harnâk nan tuar lai. Thih tiangin zumhtlâk in um law, nunnâk bawiluchin kan pêk lai;

BIAPHUAN 22:20

Hi thil hna hngalh tertu nih, “Tuanah Kara hrimhrim lai.” a ti. Amen. Ra ko cang, Bawipa Jesuh!

BIAPHUAN 4:10

upa kul le li hna kha bawiṭhutdan hmaiah an bawk i zungzal in a nungmi kha an biak. An bawiluchin kha bawiṭhutdan hmaiah an hlawnh i

BIAPHUAN 4:4

A laifang i bawiṭhutdan vêlchum ah bawiṭhutdan kul le li an um i cuka ah angkifual rang â aihmi upa kul le li an ṭhut kha ka hmuh hna, anlu ah suiluchin kha an i chinh.