2TIMOTE 2:5 - Laibaibal Thiang (BSI)

⁵ Cun minih tlikzuamnâk a ngeih tikah ningcang tein a tuah lo ahcun laksawng a hmu kho lai lo.

Lai (Hakha) Common Language Bible 2006

⁵ Tlik zuamnak ah a tlimipa nih tlik zuamnak phung kha a zulh lo ahcun laksawng kha a hmu kho lo.

2TIMOTE 2:5 ပူးပေါင်းရင်းမြစ်များ

LUKA 13:24

“Kutka bi ah luh i tim u, kan chimh hna, mitampi nih luh an timh na in, an lut kho lo.

FILIPI 1:15

Cheukhat nih hnahchuahnâk le elhnialnâk he Krih bia hi an chim tawn, cun cheukhat nih duhnâk ṭha he an chim.

KOLOSE 1:29

Cu rian ṭuan dingah, a liannganmi a ṭhawnnâk nih keimah i a ṭuan ningin biatak tein ka ṭuan tawn.

HEBRU 12:4

Thisen chuak lakin sualnâk hi nan doh rih ṭung lo.

HEBRU 2:7

Anih cu vanmi nâk in niam deuh ah na ser i sunparnâk le upatnâk kha na chinh, na sermi hna cungah na umter.

HEBRU 2:9

Asinain Jesuh, vanmi nâk i niamdeuh i ser a si rihmi cu, Pathian zângfahnâk thawngin mi vialte caah thihnâk a tempiak khawh nâkhnga, thihnâk a tuarnâk thawngin sunparnâk le upatnâk chinhter in a um kha kan hmuh.

JEIM 1:12

Tukforhnâk lungsau in a tuartu cu mi vanṭha a si, zeitintiah hngalhpiak a si tikah nunnâk luchin, Bawipa nih Amah dawtu hna ca i a timhpiakmi kha a co lai.

1 PETER 5:4

cun tuukhal hna Bawibik kha a langh tikah sunparnâk luchin a ziamkho lomi nan hmuh lai.

BIAPHUAN 2:10

Na tuardingmi thil kha zei a si hmanhah ṭih hlah. A ngaingai tiah, khuachia nih nan lak i mi cheukhat hniksak dingin thongah an thlâk hna lai i ni hra chung harnâk nan tuar lai. Thih tiangin zumhtlâk in um law, nunnâk bawiluchin kan pêk lai;

BIAPHUAN 3:11

Ngaihmanh, ka ra zau lai! Na bawiluchin kha ahohmanhnih an in chuh nâkhnga lo, na ngeihcia kha fek tein i tlaih.

BIAPHUAN 4:10

upa kul le li hna kha bawiṭhutdan hmaiah an bawk i zungzal in a nungmi kha an biak. An bawiluchin kha bawiṭhutdan hmaiah an hlawnh i

BIAPHUAN 4:4

A laifang i bawiṭhutdan vêlchum ah bawiṭhutdan kul le li an um i cuka ah angkifual rang â aihmi upa kul le li an ṭhut kha ka hmuh hna, anlu ah suiluchin kha an i chinh.