2TIMOTE 2:10 - Laibaibal Thiang (BSI)

¹⁰ Cucaah Krih Jesuh khamhnâk cu zungzal i lianngannâk he an hmuh ve nâkhnga thimmi hna ruangah thil vialte ka tuar tawn.

Lai (Hakha) Common Language Bible 2006

¹⁰ Cun hi vialte ka innak hi Pathian nih a thimmi hna zawn ka ruah caah a si i Khrih Jesuh thawngin hmuhmi a sunglawimi le zungzal in a hmunmi khamhnak kha hmu hna seh ti ka duh caah a si.

2TIMOTE 2:10 ပူးပေါင်းရင်းမြစ်များ

PHUNGTHLÛKBIA 8:35

Zeitintiah aka hmutu pauh cu nunnâk a hmutu an si, BAWIPA duhpiaknâk zong a hmuh tawn.

MATTHAI 24:22

Cu ni hna cu tawiter sihlahsehlaw ahohmanh khamh an si kho lai lo; asinain thimmi hna ruangah cu ni cu tawiter a si lai.

MATTHAI 24:24

Zeitintiah krih deu le profet deu an chuak lai i a nganmi hmelchunhnâk le khuaruahharnâk tuah in an in hlen hna lai. Si kho sehlaw thimmi hmanh an hlen khawh hna lai.

MATTHAI 24:31

A vanmi kha a liannammi muko thawng he a thlah hna lai i vawlei killi in vanhram deng khat te leiin khatte lei tiang thimmi kha an pumh hna lai.

LUKA 18:7

An cungah lungsau rih hmanhsehlaw, a thimmi hna, chun zan hlan i amah autu hna cu Pathian nih let lo in maw a um hna hnga?

LUKA 22:57

Anih nih, “Minu, na chimmi cu, ka hngal lo, tiah a hlawt.

JOHAN 11:52

Cu miphun hna ca lawng ah a si lo Pathian fale vawlei khuazakip i â ṭhekmi vialte bukhat i pumh an si lainâk ca zongah a si.

JOHAN 17:24

Kapa, naka pêkmi hna hi ka umnâk i ka sinah umter ka duh hna, naka pêkmi sunparnâk kha an hmuh khawh nâkhnga. Vawlei umhlan hmanh in Nangmah nih naka dawt cang.

JOHAN 17:9

An caah thla ka cam, vawlei caah ka cam lo, naka pêkmi hna caah a si, nata an si.

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

ROM 9:23

A sunparnâk lianhngan ning a langhter khawh nâkhnga zângfahnâk ûm hna cu sunglawi ngai i um dingin a rak timhlamh cia hna,

1 KORIN 1:21

Zeitintiah vawlei fimnâk nih Pathian a hngalh khawhlo hnu ah, Pathian fimnâk hmangin, hruhbia hmang i phungchimnâk a zumtu hna khamh an si kha Pathian â lawm deuh.

1 KORIN 9:22

zângdermi ka lak khawh nâkhnga zângdermi sinah, zângdermi bangin ka um. Lam pakhat khat in micheu khat ka khamhkhawh nâkhnga mi vialte sinah zeizong vialte ah kâ cang tawn.

2 KORIN 1:6

Harnâk kan tuar ahcun nan caah hnangamnâk le khamhnâk ding a si. Kan tuar cang bangin nannih zong nih lungsau in nan tuar khawh ve nâkhnga san a tlaimi a si. Kan hna a ngam a si le nan caah hnangamnâk le khamhnâk a rak si.

2 KORIN 12:15

Cun kei cu lunglawm in nan thlarau caah kâ hmang dih lai, a dihumnâk in ka hman lai. Kan dawtnâk hna a ngan deuh pauh le nanka dawtnâk a zawr deuh lai maw?

2 KORIN 4:15

Zeitintiah thil vialte hi nanmah ṭhatnâk dingah a si, zângfahnâk cu mi tampi sinah a karh chin chin lai i Pathian sunparnâk dingah lawmhnâk biachimnâk zong a tam chinchin ko lai.

2 KORIN 4:17

Atu mitṭhep chung i harnâk hmete kan teminmi hi, tahchunh khawh lomi zungzal sunparnâk i a kan luhtertu an si.

EFESA 3:13

Cucaah nanmah ruang i kan inmi harnâk ruangah nan lung dong hlah seh, cucu nan sunparnâk a si.

KOLOSE 1:24

Nanmah ca ah ka teminnâk ah atu zongah kâ lawm, Krih nih a pum, a kawhhran ca i a teminnâk ah a baumi hna cu ka taksa i ka teminnâk ah tlinter a si chin leng mang ko;

KOLOSE 1:27

Gentel mi hna lakah hi a sung lawimi le a rummi biathli hi Pathian nih an sinah langhter a duhmi cu a si, cucu nan chungah a ummi Krih, nan i ruahchanmi sunparnâk kha a si;

1THESALON 5:9

Zeitintiah Pathian nih thinhunnâk tuar dingin si loin, kan Bawipa Jesuh Krih thawngin khamhnâk hmu ding tu ah a kan ruahmi kan si,

2 THESALON 2:14

Cu thil caah Bawipa Jesuh Krih lianngannâk cove dingin kan thawngṭha bia hmangin Amah nih an kawh hna.

2TIMOTE 1:1

Paul Krih Jesuh ah a ummi nunnâk biakam ningin Pathian duhning i Krih Jesuh lamkaltu nih,

2TIMOTE 2:1

Cucaah ka fapa Krih Jesuh i a ummi zângfahnâk ah hin ṭhawng ngaiin um ko.

2TIMOTE 2:3

Cucaah Jesuh Krih ralkap ṭha bantukin harnâk kha lungsau in ing ko.

TITAS 1:1

Paul, Pathian thimmi hna zumhnâk ning le Pathian-ṭihzahnâk in biatak hngalhpinâk tlamtling he Pathian caah ṭemmi sal le Jesuh Krih Lamkaltu ka si.

1 PETER 2:10

hlan ah minung hmanh nan rak si lo, asinain atu ah Pathian minung nan si cang, hlanah vêl nan rak hmu bal lo, asinain atu cu vêl nan hmuh cang.

1 PETER 5:10

Zângfahnâk vialte Pathian, zungzal a sunparnâk co dingin an kotu hna Krih Jesuh nih, cân tawite nan tuar hnu ah, tlam tlinter le fehter in, ṭhawnter le fek tein in dirter ko hna seh.