1 PETER 5:8 - Laibaibal Thiang (BSI)

⁸ Lungfim tein um u law i ralring u, nan ral khuachia cu chiandeih a hrum-aimi bangin a ei khawhmi kawl ah â chawk lên ko.

Lai (Hakha) Common Language Bible 2006

⁸ Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.

1 PETER 5:8 ပူးပေါင်းရင်းမြစ်များ

SALM 104:21

Chiandeih tumno hna nih sehawk an kawl i Pathian sinin rawl an kawl tawn.

SALM 109:6

A cungah misuaksual chia law, a orhlei ah sualpuh tu chia.

PHUNGTHLÛKBIA 19:12

Siangpahrang thinhun cu chiandeih awn bantuk a si, asinain a duhpiaknâk tu cu hramhdep cung i dai a tlami bantuk a si.

PHUNGTHLÛKBIA 20:2

Siangpahrang thinhun cu chiandeih a awnmi bantuk a si, a thinhunnâk chuahter lengmangtu cu amah nunnâk caah thilpawi a si.

PHUNGTHLÛKBIA 28:15

Misifâk hna cung i biaceihtu suaksual hna umtuning cu, chiandeih a awnmi le vom nih mi a nam bantuk a si.

MATTHAI 13:39

Ralchanhtu, cideu a vorhtu cu khuachia a si, Rawlṭuan cu vawlei donghnâk ding kha a si; rawl ṭuntu cu vancungmi an si.

MATTHAI 24:42

Cucaah i ralring u, zei ni ahdah nan Bawipa a rat lai, nan hngal lo.

MATTHAI 25:41

Cutikah, a kehlei mi hna sin zongah, ‘Chiatserh mi hna, zungzal mei, khuachia le a zultu hna ca i timhlamh miah ka kaltâk ko u;

MATTHAI 4:1

Cuhnuah Jesuh cu khuachia nih rak tukforh dingin Thlarau nih ramcar ah a hruai.

MATTHAI 4:11

Cuhnuah khuachia nih Amah cu a kaltâk i zohhmanh, vancungmi kha ra in an zohkhenh.

MARKA 4:15

Lam kam i vorhmibia cu hihi a si. Bia an theih le cângkâ Satan a ra zau i an lungthin i vorhmi bia kha a lâkpiak tawn hna.

LUKA 21:34

“Asinain nanmah lei ah i ralring u, culoahcun nomhhnaihnâk mên ah, zu le sa he, nunchung khuasak tintuknâk he nan um lioah cu ni nih cun an hlauh sual hna lai.

LUKA 21:36

Curuangah cuthil vialte a phân hngami chungin luat awk tlâk le Mi Fapa hmai i dir awk tlâk nan si khawh nâkhnga thla cam zungzal u law i ral ring u.

LUKA 22:31

Cun Bawipa nih, “Simon, Simon! Satan nih fangkhei bantukin an khei khawh nâkhnga nangmah hi an hal len dah kaw.

JOHAN 8:44

Nannih cu nanpa khuachia ta nan si i a duhmi kha tuah nan duh. Amah cu a hramthawk in lainawng a rak si, biatakah a um lo, a chungah biatak a um lo caah. Lih a chim tikah, amah kokek a chimmi a si, anih cu milihchim a si i lih pa zong a si.

2 KORIN 2:11

culoahcun, Satan nih cânrem laknâk ah a kan hmansual lai; a hlenthawinâk cu kan hngalh ko.

EFESA 4:27

khuachia caah hmun pe hlah.

EFESA 6:11

Khuachia hlenthawinâk chungin nan dir khawh nâkhnga Pathian raltluam tlingin i thuam u.

1TIMOTE 2:15

Asinain zumhnâk le dawtnâk, thianhlimnâk le sumkhawhnâk he a um peng ahcun fa hrin ruangah khamh in a um lai.

1TIMOTE 2:9

cubantukin nu zong nih tluangtlam tein i ṭamh hna seh, luan tukin an sam phiar hna hlah seh, sui le lungvar le man fak tukmi hnipuan i hruk hna hlah seh.

1TIMOTE 3:11

Cubantukin an nupi le zong upatmi an si hrimhrim awk a si, kongceih le thangchiat a hmang lomi, â zuam khomi le, zeithil pauh ah zumhawk a tlâkmi an si awk a si.

1TIMOTE 3:2

Cuticun kawhhran hotu cu dotla, nupi pakhat ngei, â sumkhomi, ralringmi, nun can ṭha, mi conglomh thiam, cawnpiak thiam,

2TIMOTE 4:17

Asinain Bawipa nih a ka dirpi i thazâng a ka pêk, cuticun Gentel mi vialte theih khawh in thawngṭha ka chim khawhnâk cu a si. Cuhlei ah chiandeih kâ chungin khamh ka si.

TITAS 1:8

asinain conglomh thiam, ṭhatnâk duhmi, lungfimmi, a dingmi, a thiangmi le amah le amah â uk khomi an si awk a si,

TITAS 2:12

cu nih cun vawlei-lei duhnâk, Pathian-zeirellonâk hi hlawt in atu lio cân ah nunning thiam in felfai tele Pathian-ṭihzah in kan nun nâkhnga a kan cawnpiak.

TITAS 2:2

putar kha lungfim te le hmaizah awktlâk, â uk khomi, a dikmi zumhnâk le dawtnâk, toidornâk he um dingin cawnpiak hna;

TITAS 2:4

nutung no deuh kha an va le an fale a daw i

TITAS 2:6

Cubangin tlangval zong ruahnâk felfai ngei dingin tha pe hna,

JEIM 4:7

Cucaah Pathian sinah i pe u. Khuachia kha doh u law an zâmtâk hna lai.

1 PETER 1:13

Cucaah a herhmi pauh ṭuan awkah nan ruahnâk cu timhcia in um sehlaw, mah le mah i tei in, Jesuh Krih a langhtikah, nan sinah a run phorh laimi zângfahnâk cungah nan ruahchannâk kha bunh u,

1 PETER 4:7

Thil vialte donghnâk a nai cang caah, thla nan cam khawh nâkhnga i bia takin i ralring u.

BIAPHUAN 12:10

Cuticun vanah a thang ngaimi au aw ka theih, “Atu kan Pathian khamhnâk le thazâng le a pennâk le a Krih ṭhawnnâk cu a rak phân cang, kan unau hna sual puhtu, kan Pathian sinah chunzan hlan in sual puhtu cu hlonh a si cang ai.

BIAPHUAN 12:12

Cucaah maw, van le a chung i a ummi hna i lawm tuah u! Vulei le rili cungah a ummi hna caah ngaihchia ava si dah! Zeitintiah khuachia nih cân tawite lawng a ngeih kha â hngalh caah, thinhung ngai in nan sinah a rung ṭum.

BIAPHUAN 12:9

Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

BIAPHUAN 20:10

Anmah hlengtu khuachia cu sahrang le nal profet umnâk mei le kât in a kângmi tidil ah khan an hlawnh hna. Cun zungzal in zungzal tiang chun zan hlan in hrem an si lai.

BIAPHUAN 20:2

Khuachia le Satan timi hlanlio rulpi kha a tlaih i kum 1000 ca in a ṭêm;