1 PETER 5:3 - Laibaibal Thiang (BSI)

³ asiloah nan ukmi hna cungah i bawiter hlah u, tuurun zohchunh awktlâk si kha i zuam u,

Lai (Hakha) Common Language Bible 2006

³ Nanmah zohkhenh awkah chiahmi hna kha a uk in uk hna hlah u, sihmanhsehlaw an i zohchun ding tu si i zuam u, tiah kan nawl hna.

1 PETER 5:3 ပူးပေါင်းရင်းမြစ်များ

SALM 33:12

BAWIPA kha Pathian ah â ngeih i amah nih ro ca i a thimmi hna cu mithluachuak an si.

SALM 74:2

 pummi nami hna, hlan lio piin na cawkcangmi hna, ro ah na co hngami miphun, na tlanh cangmi hna hi philh hna hlah.

JOHAN 13:15

Zeitintiah nan sin i ka tuah bantukin nan tuah nâkhnga zohchunh awk kan tuah piak hna.

LAMKALTU 20:28

Cucaah Pathian kawhhran, a thisen i a cawkmi hna tuukhal si nanmah chungin Thiang Thlarau nih hotu an sitermi ah hin nanmah le nan tuurun vialte hna kongah i ralring u.

1 KORIN 11:11

Asinain Bawipa ah pa hi nu sinin ṭhen khawh a si lo i nu zong pa loin um kho a si hlei lo. Thil vialte hi Pathian sinin a chuakmi an si.

1 KORIN 3:5

Paul cu ahodah a si, Apolo zong cu ahodah a si, rianṭuantu nan zumhmi kong an chimtu hna, cu hmanh cu Bawipa nih a pêkning cioin an si lo maw?

1 KORIN 3:9

Zeitintiah kannih cu Pathian rian ṭuanpitu kan si i nannih cu Pathian lo nan si. Pathian sakmi in zong nan si.

2 KORIN 1:24

Nan zumhnâk cungah nawlngeih kan i timhnâk a si lo, nan i lawmhkhawh nâkhnga nan ṭuanpi hawi men kan si; zeitintiah zumhnâk ah nan dir.

2 KORIN 4:5

Zeitintiah kanmah kong kan chim lo, Krih Jesuh Bawi a sinâk le, kannih hi Jesuh ruang i ṭemchihmi nan sal kan sinâk hi kan chim.

FILIPI 3:17

Unau hna ka umtuning hi rak i zohchunh u. Zohchunhding nankan ngei, kan nun ningin a nungmi hna kha i zohchunh hna u.

FILIPI 4:9

Nan cawnmi, nan pommi, nan theihmi le keimah i nan hmuhmi zong kha, khabantuk kha tuah u, cuticun daihnâk Pathian nih an umpi hna lai.

1THESALON 1:7

cuticun Masidonia le Akai ram i zumtu vialte caah zohchunh awktlâk nan rak si.

2 THESALON 3:9

I cawmkenter awkah nawlngeihnâk kan ngeih lo ruangah a si lo, nan ca-ah zohchunh awk tlâk si kha kan i timhmi a si.

1TIMOTE 4:12

Mino nasi ruangah ahohmanh nih in zomhtaih hna hlah seh, bia in siseh, nuncan in siseh, dawtnâk ah siseh, thlarau ah siseh, zumhnâk ah siseh, thiannâk ah siseh zumtu hna zohchunh awktlâk in nun i zuam.

TITAS 2:7

thilṭha tuahnâk ah a lamkip in mi zohchunh awkin um law, cawnpiaknâk ah nâ biataknâk, hmaizahmi sinâk le hrawhkhawh lomi na sinâk kha langhter,

1 PETER 2:9

Asinain nannih cu thimmi miphun, siangpahrang tlângbawi, miphun thiang, a hleiin Amah mi nan si; cucu a mak ngaimi a ceunâk i lut dingah muihnâk chungin an kotu hna Amah cu nan phuan khawh nâkhnga;