1 PETER 5:10 - Laibaibal Thiang (BSI)

¹⁰ Zângfahnâk vialte Pathian, zungzal a sunparnâk co dingin an kotu hna Krih Jesuh nih, cân tawite nan tuar hnu ah, tlam tlinter le fehter in, ṭhawnter le fek tein in dirter ko hna seh.

Lai (Hakha) Common Language Bible 2006

¹⁰ Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

1 PETER 5:10 ပူးပေါင်းရင်းမြစ်များ

SALM 119:28

A rittuk mi ruangah ka nunnâk hi a tlum i na bia ningin ka ṭhawnter hrâm ko.

SALM 138:7

Harsatnâk ah um hmanhninglaw, naka hlauh`hân lai; ka ral hna thinhunnâk doh awkah na kut na samh lai i na orhlei kut in naka khamh lai.

SALM 86:15

Maw BAWIPA, nangtu cu vêl in na khat, mi zângfahthiam, lungsau le zawnruahnâk le biatak in a liammi Pathian na si.

SALM 86:5

Zeitintiah Bawipa, nangmah cu na ṭha, ngaithiam dingin timhcia i a ummi na si, an autu hna cungah vêl tampi a ngeimi na si.

LUKA 22:32

Asinain na zumhnâk a tlau nâkhnga lo thla kan campiak, ka sin i na rak kir ṭhân tikah na unau thazâng rak pe hna,” tiah a ti.

ROM 15:13

Thiang Thlarau ṭhawnnâk thawngin ruahchannâk in a khatmi nan sikhawh nâkhnga, ruahchannâk Pathian nih nan zumhnâk ah lomhnâk le daih nâkin in khahter hna seh.

ROM 15:5

Cubangin lungsaunâk le hnangamnâk Pathian nih Krih Jesuh bia bantukin pakhat le pakhat ruahnâk pakhat in ngeihter hna seh.

ROM 16:25

Ka Thawngṭha le Jesuh Krih chimmi bang i an fehter khotu hna, Amah sinah vawlei serka in biathli â thupmi phuan a si bangin,

ROM 9:11

( ngakchia hna an chuah hlan i sualnâk le ṭhatnâk zong an tuahkhawh hlan ah khan, tuahsernâk ruangah si loin, A kotu hna thawngin, Pathian timhmi zoh chihin thimmi an sining a feh khawh nâkhnga)

ROM 9:24

kannih zong hi a kawhmi kan si, Judah mi lawng si loin Gentel mi zong an si ve lo maw?

1 KORIN 1:10

Ule nau hna, kan Bawipa Jesuh Krih min in kan nawl hna, nan lakah i ṭhennâk um lo in, nan chimmi i khat sehlaw, ruahnâk le biakhiahnâk ah lungnge te le tlamtling te in hmunkhat ah nan i pehtlaih khawh nâkhnga.

1 KORIN 1:9

Pathian, a Fapa Jesuh Krih kan Bawipa he i hawikomhnâk i an luhtertu kha zumh awk tlâk a si.

2 KORIN 13:11

A donghnâk ah ule nau hna, dam tein. Tlamtling tein um u. Hnangam tein um u, ruahnâk pakhat ngei ulaw, daihnâk he nung u, cun dawtnâk le daihnâk Pathian nih an umpi hna lai.

2 KORIN 4:17

Atu mitṭhep chung i harnâk hmete kan teminmi hi, tahchunh khawh lomi zungzal sunparnâk i a kan luhtertu an si.

FILIPI 4:13

A ka ṭhawntertu Krih ah zeizong vialte ka tuah khawh.

KOLOSE 2:7

Amah ah hrambunh in sakmi si u law, zumhnâk ah a fekmi si uh, cawnpiak nan rak si cang bangin lawmhnâk bia tampi in chim uh.

1THESALON 2:12

cucu a pennâk le sunparnâk chungah an kotu hna Pathian mi si awktlâk in nan nun khawh nâkhnga caah a si.

2 THESALON 2:14

Cu thil caah Bawipa Jesuh Krih lianngannâk cove dingin kan thawngṭha bia hmangin Amah nih an kawh hna.

2 THESALON 2:17

nan lungthin kha hnangam terin bia ṭha phun kip le tuahsernâk phun kip in in fehter hna seh.

2 THESALON 3:3

Asinain Bawipa cu zumh a tlâk, Amah nih an fehter hna lai i mi ṭhalo pa sinin an kilven hna lai.

1TIMOTE 6:12

Zumhnâk i raldohnâk ṭha kha doh in zungzal nunnâk kha i tlaih, cucu co ding i kawh na si, hngalhpitu tampi mit hmuh ah zumhnâk ṭha na phuan cang kha.

2TIMOTE 1:9

Amah nih kan tuahsernâk bang si loin Amah ruahning le zângfahnâk in a kan khamh i kawhnâk thiangin a kan kawh, cucu vawlei ser hlanin Krih Jesuh ah a kan pêk,

2TIMOTE 2:10

Cucaah Krih Jesuh khamhnâk cu zungzal i lianngannâk he an hmuh ve nâkhnga thimmi hna ruangah thil vialte ka tuar tawn.

HEBRU 9:15

Hiruangah hin Amah cu biakam thar lamkaltu a si i biakam hmasa tang i nawlbuarnâk kha tlanh dingin a rak thi, cucaah kawhmi hna nih zungzal roconâk biakam cu an co khawh lai.

1 PETER 1:15

an kotu hna a thian bantukin nannih zong nan cawlcanghnâk vialte ah thiang tein um u.

1 PETER 4:10

Pathian zângfahnâk phun tampi zohkhenhtu nan si bangin, thilpêk nan co ning cio in pakhat le pakhat rian i ṭuan piak u.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

2 PETER 1:3

A sunparnâk le ṭhatnâk thawngin a kan kotu nih, amah hngalhnâk thawngin a ṭhawnnâk in nunnâk caah le Pathian ṭihzahnâk caah a herhmi vialte a kan pêk,

1JOHAN 2:25

Hi bia hi Amah hrimhrim nih a kan kamhmi kha a si, zungzal nunnâk hi.

JUDAS 1:24

Cubangin nan tlûk nâkhnga lo an kilveng khotu le a sunparnâk hmai ah lawmhnâk taktak he thûrhnawm lo in an chia khotu,