1 PETER 4:16 - Laibaibal Thiang (BSI)

¹⁶ Mizei pauh Kristian a si ruangah a tuar a si ahcun, ningzak hlah seh, Pathian thangṭhatnâk tu ah hmang deuh seh.

Lai (Hakha) Common Language Bible 2006

¹⁶ Khrihfa nan si ruang i temhnak nan in tu ahcun, nan ning zak hlah u; Khrih min kha nan i put caah Pathian tu kha lawm u.

1 PETER 4:16 ပူးပေါင်းရင်းမြစ်များ

LAMKALTU 11:26

A hmuh tikah, Antiok khua ah a ratpi, kumkhat chung kawhhran hna he an i pawlkawm i mi tampi an cawnpiak hna. Antiok khua ah hin dahkaw zultu hna cu “Kristian” tiah hmasabik an ti hna cu.

LAMKALTU 26:28

Agrippa nih, “Cân toite chungah Kristian ah canter khawh naka zum maw?” tiah a ti.

LAMKALTU 28:22

Asinain hi bu hna hi ramkip ah thangchiat an si. Na ruahnâk nangmah hmurkâ hrim hrim i theih cu kan duh ngaingai,” tiah an ti.

LAMKALTU 5:41

Cuticun biaceihtu hna sinin an kal i a Min ruangah mualphonâk tuar awktlâk i ruah an si caah an i lawm ngaingai.

FILIPI 1:20

Hi ka taksa ah hin thihnâk in siseh nunnâk in siseh Krih cu thangṭhat in a um hrimhrim ko lai, zei thil pauh ah mualpho in ka um lai lo ti kha ralṭha in kâ ruahchanmi a si.

FILIPI 1:29

Zeitintiah Krih aiawh i rian pêk nan si ah hin, Amah nan zumh lawng si loin Amah ruang i temtuar zong pêkchih nan si,

2TIMOTE 1:12

Hiruangah dahkaw hi thil hna hi katuar cu, asinain ka ning a zak lo, zeitintiah ka zumhmi kha ka hngalh, A sin i ka chhiahmi kha cu Ni tiangin him tein a umter khawh ti kha ka hngalh.

JEIM 2:7

Kawh nan sinâk min ṭha a thangchiattu an si lo maw?

1 PETER 2:12

Gentel mi hna sinah upat awktlâk in nung u, cuticun minih thil ṭha lo tuahtu bangin nan thang an chiat zongah, thil ṭha nan tuahmi an hmuhnâk thawngin Pathian nih a veh hna ni ah an thangṭhat ve lai.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

1 PETER 4:14

Krih min ruang i sik nan sin ahcun nan van a ṭha, zeitintiah sunparnâk Thlarau, Pathian Thlarau kha nan cungah a um. Anmah leiah Amah cu thangchiat a sinain nanmah leiah Amah cu thangṭhat a si.

1 PETER 4:19

Cucaah Pathian remti ningin a tuarmi hna caah thilṭha tuah in an thlarau kha zumh a tlâkmi Sertu sinah chân seh.