1 PETER 3:18 - Laibaibal Thiang (BSI)

¹⁸ Zeitintiah Krih cu kan sualnâk ruangah voikhat a thi, cuticun miding nih miding lo caah a tuar, cucu Pathian sinah a kan hruai khawhnâk ding a rak si, taksa in thihter a sinain Thlarau in nunter a si,

Lai (Hakha) Common Language Bible 2006

¹⁸ zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i

1 PETER 3:18 ပူးပေါင်းရင်းမြစ်များ

MATTHAI 27:19

Biaceihnâk ṭhutdanh i a ṭhut lioah a nupi nih, “Kha miding pa kha zeiti hmanh in rak ti hlah, nihin ah Amah ruangah ka mangin thil tampi ka tuar,” tiah bia a cah.

MATTHAI 27:24

Pailat nih, zeitihmanhin dan khawh a si ti lo ti kha a hmuh i a buai chin chin lai ti kha a hmuh tikah, ti â lak i mizapi hmaiah a kut â ṭawl. “Hi miding thisen ah hin ka thiang. Nanmah thu si seh,” tiah a ti.

JOHAN 16:10

dinnâk cu Pa sin i ka kal i anka hmuh ti lai lo caah a si.

LAMKALTU 22:14

Anih nih, ‘Kan pupa hna Pathian nih a duhnâk hngaltu ding le mifel cu hmu in a chimmi theitu dingah an thim.

LAMKALTU 3:14

Mithiang le Midik kha nan duh lo i lainawng tu kha nansin i pêk awkah nan hal,

ROM 1:4

thianhlimnâk Thlarau phungah thihnâk i a thawhṭhannâk nih Pathian Fapa a si zia thiltikhawhnâk in a phuan.

ROM 4:25

Amah cu kan nawlbuarnâk ruangah tlaih a si i thiam kan co khawh nâkhnga thawhter a si.

ROM 5:2

amah thawng lila in atu i kan dirnâk, hi zângfahnâk ah hin, zumhnâk in kan lut i lawmhnâk he Pathian sunparnâk kan i ruahchan.

ROM 8:11

Asinain thihnâk in Jesuh a thawhtertu Thlarau nan chungah a um ahcun, thihnâk in Krih a thawhtertu nih khan, nan chungah a ummi Thlarau thawngin a thi khomi nan pum cu a nunter lai.

ROM 8:3

Zeitintiah thisa zângder ruangah nawlbia nih a tuah khawh lomi kha, Pathian nih a Fapa kha sual thisa bantukin, sual ruangah a run thlah i thisa ah a ummi sualnâk cu thiam lo a coter,

2 KORIN 1:24

Nan zumhnâk cungah nawlngeih kan i timhnâk a si lo, nan i lawmhkhawh nâkhnga nan ṭuanpi hawi men kan si; zeitintiah zumhnâk ah nan dir.

2 KORIN 13:4

Zeitintiah Amah cu derthawmnâk he khenhchih a sinain Pathian ṭhawnnâk in a nung. Zeitintiah kannih zong Amah ah kan derthawm nain nanmah lei i Pathian ṭhawnnâk thawngin a sinah kan nung ve lai.

2 KORIN 5:21

Zeitintiah Amah ah Pathian dinnâk kan si khawh nâkhnga sualnâk zeihmanh a hngal lomi kha Pathian nih kanmah ruangah sualah a ser.

GALATI 1:4

Atu chan chan ṭhalo chungin a kan khamh khawh nâkhnga, kan Pathian le kan Pa duh ningin, Amah cu kan sualnak ruangah â pe,

GALATI 3:13

Krih cu kan ai awh-in chiatserh a si i nawlbia chiatserhnâk chungin a kan tlanh cang (zeitintiah thingkung cungah thlaimi pauh cu chiatserhmi an si,” tiah ṭial a rak si,)

EFESA 3:12

Amah i zumhnâk thawngin amah lila ah khan ralṭha le ngamh ngaiin luh khawhnâk kan ngei.

TITAS 2:14

Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe.

HEBRU 10:10

Cu duhnâk in Jesuh Krih taksa voikhat ah zungzal ca pêkchanhnâk thawngin thianter kan si cang.

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

HEBRU 9:26

Cutin sihlahsehlaw, vawlei ser hramthawk khan voitampi a rak temtuar cang hnga. Asinain hi cân dongh ah hin, sualnâk hlawnh dingin a ra i Amah hrimhrim kha sual raithawinâk ah â pe.

HEBRU 9:28

cubantukin Krih zong mi tampi sualnâk phor dingin voikhat pêkchanh in a rak um cang. Hngahhlang ngaiin Amah hngaktu hna caah, sual tel loin, khamhnâk caah a voi hnihnâk ah a ra ṭhân lai.

JEIM 5:6

Miding cu thiamlo co terin nan thah, anih nih an ralchanh hna lo.

1 PETER 3:19

Amah nih thongchung i a ummi thlarau hna sinah kal in phung a chimh hna,

1 PETER 4:1

Cucaah Krih nih thisa in kan caah a tuar ruangah nannih zong cu lungput cu ngei ve u; taksa in a tuarmi hna nih cun sualnâk kha an ngol cang;

1 PETER 4:6

Hiruangah hin mithi hna sin zongah thawngṭha chim a rak si kha; taksa in a ummi minung hna bangin ceihpiak an si lai, asinain thlarau lei ah Pathian duhning in an nun khawh nâkhnga.

1JOHAN 1:9

Kan sualnâk kha kan phuan ahcun, kan sualnâk ngaithiam ding le kan dinlonâk vialte thianter dingin Amah cu zumhawk a tlâk i a dingmi a si.