1 PETER 2:8 - Laibaibal Thiang (BSI)

⁸ “Tluknâk lung le rilhnâk lungpi kha.” Bia an zumh lo ruangah an tlu i cubang i um awkah ruahmi zong an si.

Lai (Hakha) Common Language Bible 2006

⁸ Cun Cathiang chung hmun dang pakhat ah, “Hi lung hi mi a rilhtertu lung a si lai, a tluktertu hna lungpi a si lai,” tiin a um fawn. Annih an rilh cu an zumh lo caah a si; cuticun um hna seh ti kha Pathian duhning a si.

1 PETER 2:8 ပူးပေါင်းရင်းမြစ်များ

LUKA 2:34

Simeon nih annih cu thluachuah a pêk hna i anu Mary sinah, “Ngaihmanh, hi Ngakchia hi Isarel mi lakah mitampi tlukrilhnâk ding le mi tampi dirtertu dingah ruahmi a si. Mi nih an ralchanh te lainâk hmelchunhnâk he,

ROM 9:22

Pathian nih a thinhunnâk a langhter nâkah le, a thiltikhawhnâk a langhter khawh nâkhnga hrawh awk i a rak timhlamhmi thinhunnâk ûm hna cu lung sau ngaiin a hngah hna,

1 KORIN 1:23

kannih cu Krih khenhchihnâk kong kha kan chim, cucu Judah mi caah tluknâk, Grik mi caah hruh bia,

2 KORIN 2:16

Bu khat caah thihnâk i hruaitu ding thihnâk rim kan nam, bu khat lei caah nunnâk i hruaiding ah nunnâk rim kan nam ṭhân. Cubantuk caah a hodah a tling kho hnga?

GALATI 5:11

Unau hna, keinih cuarpar tannâk kong ka chim ahcun, zeiruangahdah serhset ka si ko rih? Cutinsisehlaw vailam i tluknâk hi a dih diam cang hnga.

1THESALON 5:9

Zeitintiah Pathian nih thinhunnâk tuar dingin si loin, kan Bawipa Jesuh Krih thawngin khamhnâk hmu ding tu ah a kan ruahmi kan si,

1 PETER 2:6

Cucaah Cathiang nih, “Zohhmanh, Zion ah, A biapi bik in thimmi a kil-lung, a sunglawimi cu ka chiah. Amah zumtu cu a mualpho lai lo.” tiah a ti.

1 PETER 2:7

Cucaah nannih a zumtu ca ah a sunglawimi a si, asinain a zumlotu caah cun a sunglawi lo. “Insatu hna nih an hlawtmi lung kha a biapi bikmi lung a rak si,”

2 PETER 2:3

Hakkauh ruangah hlennâk bia hmangin hlawknâk caah an in hman hna lai, zeitintiah hlan liopi in an cungah biaceihnâk cu a hmun i an rawhralnâk ding zong â hngilh lo.

JUDAS 1:4

Zeitintiah mizei maw a thliin an lut, cu hna cu Pathian-zeiaharellomi an si, Pathian zângfahnâk hi hornâk caah an hman i kan ngeih chun, Bawipa Pathian le kan Bawipa Jesuh Krih zong an hlawt, cubantuk mi hna cu hlan lio pi khan thiamlo co ding ah ruah ciami an si.