1 PETER 2:5 - Laibaibal Thiang (BSI)

⁵ nannih zong a nungmi lung bangin, Jesuh Krih thawngin, Pathian cohlan awktlâk in thlarau lei raithawinâk kha pe in, a thiangmi tlângbawi, Pathian umnâk ding i sakmi nan si.

Lai (Hakha) Common Language Bible 2006

⁵ Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

1 PETER 2:5 ပူးပေါင်းရင်းမြစ်များ

SALM 141:2

Ka thlacamnâk hi na hmaiah rimhmui bangin um seh law, ka kut ka thlirmi hi zanlei raithawinâk bang si ko seh.

SALM 50:14

Pathian sinah lawmhnâk biachim thawinâk cu pe law, Cungnung Bik sin i na biakam cu tlinter.

SALM 50:23

Mizei pauh lomhnâk biachim raithawinâk a tuahtu nih anka thangṭhat, dik ngai in an nunning a hmangtu sinah Pathian khamhnâk ka hmuh sak lai.”

PHUNGTHLÛKBIA 9:1

Fimnâk nih a inn a sak i tung pasarih a bunh.

ROM 12:1

Cucaah ule nau hna, Pathian zângfahnâk ruangah hin raithawinâk nung le thiang, Pathian cohlan awktlâk si dingin nan pum cu pe dingin kan nawl hna, cucu ruahawk a tlâkmi nan rian cu a si.

ROM 15:16

cuticun Gentel mi hna thilpêk cu cohlan awktlâk, Thiang Thlarau i thiantermi a sikhawh nâkhnga, Gentel mi hna sinah Jesuh Krih ca i Pathian thawngṭha bia rianṭuantu ka si kho lai.

1 KORIN 3:16

Pathian ṭempal nan si le Pathian Thlarau nan chungah a um ti kha nan hngal lo maw?

1 KORIN 3:9

Zeitintiah kannih cu Pathian rian ṭuanpitu kan si i nannih cu Pathian lo nan si. Pathian sakmi in zong nan si.

1 KORIN 6:19

Asilo ah nan pum hi nan chung i a ummi, Pathian sin in nan hmuhmi, Thiang Thlarau ṭempal a si le, nanmah ta nan si ti lo, ti kha nan hngal lo maw?

2 KORIN 6:16

Pathian ṭempal le milem nih zeidah remnâk an ngeih? Nannih cu Pathian nung ṭempal nan si. Pathian nih hitihin a chim, “An sinah ka um lai i an lakah khua ka sa lai. An Pathian ka si lai i annih cu kami le an si lai.”

GALATI 6:10

Cucaah cân rem kan ngeih ning cio in, mi vialte cungah thilṭha tuah u sih, a hleiin zumhnâk i kan chung le sinah tuah u sih.

FILIPI 1:11

Pathian suparnâk le thangṭhatnâk caah, Jesuh Krih i a ummi dinnâk theitlai in nan khat lai.

FILIPI 2:17

Asi, zumhnâk i rian nan ṭuannâk le raithawinâk nan tuahmi i nan din awkah bungh dih ka si hmanh ah nan dih lak sinah kâ nuam in kâ lawm ko lai.

FILIPI 4:18

A ngaingai tiah zeizong vialte tam ngaiin ka ngei, zeihmanh ka bau lo, Epafarodistas kutah nan rak kuatmi thil kha ka hmuh hna, cucu a rim a hmuimi, cohlan awktlak raithawinâk le Pathian lomhtertu ṭha an si.

KOLOSE 3:17

Bia in siseh, tuahsernâk in siseh, nan tuahmi thil kipah Bawipa Jesuh min in tuah dih u law, Amah thawngin Pa Pathian sinah lawmhnâk bia chim u.

1TIMOTE 3:15

ka rauh deuh sual zongah Pathian chungkhar hna chungah khuasakning nan hngalh khawh nâkhnga ka ṭialmi a si. Pathian chungkhar hna cu Pathian nung kawhhran, biatak hrambunhnâk le suttung a si.

HEBRU 3:6

asinain Krih cu Fapa bangin Pathian chungkhar cungah zumhtlâk a si i chungkhar cu kanmah hi kan si, a dongh tiangin duh a nungmi zumhnâk le ruahchannâk kha kan i tlaih ahcun.

1 PETER 2:9

Asinain nannih cu thimmi miphun, siangpahrang tlângbawi, miphun thiang, a hleiin Amah mi nan si; cucu a mak ngaimi a ceunâk i lut dingah muihnâk chungin an kotu hna Amah cu nan phuan khawh nâkhnga;

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

1 PETER 4:17

Zeitintiah biaceihnâk cu Pathian chungkhar ah hin thawk a za cang, kanmah hmanh i a thawk ahcun, Pathian Thawngṭha zum duh lo hna donhgnâk cu zeitlukdah a si te lai?

BIAPHUAN 1:6

A Pa le a Pathian caah siangpahrang le tlângbawi ah a kan sertu sinah, Amah sin hrimhrim ah cun sunparnâk le uknâk cu zungzal in zungzal tiang um ko seh. Amen.

BIAPHUAN 20:6

Thawhṭhân a voikhatnâk i â telmi hna cu thluachuah an hmu i an thiang. Cu hna cungah cun thih voihnihnâk nih ṭhawnnâk a ngei ti lo, Pathian le Krih tlângbawi an si lai i Amah he kum 1000 an uk lai.

BIAPHUAN 3:12

A teitu hna cu ka Pathian ṭempal tungah ka ser hna lai i cu hmun in a chuak ti lai lo. Amah ah ka Pathian he, ka Pathian khua, Jerusalem thar, ka Pathian sinin van i a rungṭummi min he ka ṭial lai. Cun amah cungah ka min thar ka ṭial lai.

BIAPHUAN 5:10

Kan Pathian caah siangpahrang le tlângbawi ah na canter hna. Leicung kha kan uk hna lai,” tiah an ti.