1 PETER 2:19 - Laibaibal Thiang (BSI)

¹⁹ Zeitintiah mi nih Pathian a hngalh ruang i a tuar lo dingmi tuar in lungfak ngaiin a tuar a si ahcun Pathian lunglomhnâk a si.

Lai (Hakha) Common Language Bible 2006

¹⁹ Pathian nan thlasak ruangah nan hmuh awk a si lomi temhinnak kha nan hmuh i a in in nan i in ahcun Pathian nih cu nan inmi ruangah cun thluachuahnak an pek hna lai.

1 PETER 2:19 ပူးပေါင်းရင်းမြစ်များ

SALM 119:86

Na nawlpêk mi vialte cu zumhawk an tlâk i annih nih cun diklo ngaiin anka serhsat, ka bawm ko.

SALM 35:19

Dik lo ngaiin ka ral hna nih nihchuak ah ka saih hna hlah seh, a chan um loin aka huatu hna nih ka met hna hlah seh.

SALM 38:19

Asinain ka ral hna hi an ṭhawng i an khîng a zâng fawn, diklo ngai in aka huatu le an karh luaimai.

SALM 69:4

Chan um lo in aka huatu kha kalu i samfang nâk in an tam deuh; hrawh aka timtu kha mi ṭhawngṭha lawngte an si, sullam um loin anka huat; zeihmanh ka fir lo nain ka cham a herh ṭhiamṭhiam.

LUKA 6:32

An dawtu hna lawng nan dawt ah hin, a hlei in nan ṭhat khunnâk zeidah a um? misual zong nih anmah a dawtu cu an dawt ve hna.

JOHAN 15:21

Sihmanhsehlaw hi thil vialte hna hi ka min ruangah nan cungah an tuah lai, Aka thlah tu an hngalh lo caah.

LAMKALTU 11:23

A phâk tikah Pathian zângfahnâk a hmuh tikah â lawm ngaingai, lungthin tak tein Bawipa i tlaih dingin thazâng a pêk hna.

ROM 13:5

Cucaah an thin hun lai ṭih ruang lawngah si loin, na chia ṭha hngalhnâk ruang zongah an nawl ngaihnâk tang i kun ding na si.

1 KORIN 15:10

Asinain Pathian zângfahnâk ruangah atu ka sining hi ka rak si, ka cung i a zângfahnâk cu a sawhsawh a si lo. Cucaah annih vialte nâkin thaba deuh in ka ṭuan, asinain keimah ṭuanmi cu a si lo. Pathian zângfahnâk keimah i a ummi nih a ṭuanmi a si.

2 KORIN 1:12

Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

2 KORIN 8:1

Cuhleiah ule nau hna, Masidonia ram i kawhhran hna sinah Pathian nih zângfahnâk a pêk ning hna hi kan hngalhter hna lai,

2TIMOTE 1:12

Hiruangah dahkaw hi thil hna hi katuar cu, asinain ka ning a zak lo, zeitintiah ka zumhmi kha ka hngalh, A sin i ka chhiahmi kha cu Ni tiangin him tein a umter khawh ti kha ka hngalh.

HEBRU 10:2

Cutin sihlahsehlaw, a biatu hna voikhatah thianter an si lai i sual hngalhnâk an ngeih ti lo ahcun pekchanhnâk cu an ngol diam cang lai lo maw?

1 PETER 2:20

Zeitintiah thilṭhalo nan tuah ruangah tukvelh nan si tikah, lungsau tein nan in zongah conglomh nan tong hnga maw? Asinain thilṭha nan tuah ruang i temtuarnâk kha, lungsau in nan tuar ahcun, cucu Pathian lawmhtertu a si.

1 PETER 4:15

Asinain nan tuar chan cu lainawn ruang le, thilfir ruang le, Ṭhatlonâk tuah ruang le, a herh lo i midang kongah nan i thlak ruangah sihlah seh.