1 PETER 2:17 - Laibaibal Thiang (BSI)

¹⁷ Mi vialte upat hna u. Unau kha daw hna u. Pathian ṭih u. Siangpahrang upat hna u.

Lai (Hakha) Common Language Bible 2006

¹⁷ Mi vialte kha upat hna u, zumhnak i nan unau a simi kha daw hna u, Pathian kha ṭih u law Siangpahrang kha hmaizah u.

1 PETER 2:17 ပူးပေါင်းရင်းမြစ်များ

SALM 111:10

BAWIPA ṭih hi fimnâk hram a si, a nawlpêk zultu hna nih theihthiamnâk ṭha an ngei. Amah thangṭhatnâk cu zungzal in a hmun.

PHUNGTHLÛKBIA 1:7

BAWIPA ṭihzah cu hngalhnâk hramthawknâk a si, asinain mi hrut hna nih fimnâk le cawnpiaknâk kha zeiah an rel lo.

PHUNGTHLÛKBIA 23:17

Na lungthin in misual hngar hlah seh, nitlâk tein BAWIPA ṭih kha hngar deuh.

PHUNGTHLÛKBIA 24:21

Ka fapa, BAWIPA le siangpahrang cu ṭihzah hna, â thleng lelek mi hna cu kawm hna hlah.

MATTHAI 22:21

Annih nih, “Sizar” tiah an ti. Anih nih, “Sizar thil cu Sizar pe ulaw, Pathian thil cu Pathian pe u,” tiah a ti hna.

JOHAN 13:35

Pakhat le pakhat nan i dawt ahcun, mi vialte nih aka zultu nan si kha an hngalh lai,” tiah a ti.

ROM 12:10

Unau i dawt bangin i daw cio u; mah nâkin midang kha sâng deuh ah chia u.

ROM 13:7

Cucaah nan batmi vialte pe hna u, leiman pêknâk dingah leiman pe ulaw, ngunkhuai pêknâk dingah ngunkhuai pe u. ṭih awk ṭih ulaw, hmaizah awk hmaizah u.

2 KORIN 7:1

Cucaah ka dawtmi hna, cubantuk biakam cu kan ngeih caah taksa le thlarau thûrtertu vialte chungin i thianter usih law, Pathian ṭih bu tein thianhlimnâk hi tlinter u sih.

EFESA 5:21

Pathian ṭihzahbu tein pakhat le pakhat i hmaizah u.

FILIPI 2:3

Mahzawn lawng ruahnâk le, puarthaunâk in zeihmanh tuah hlah u, toidornâk lungput he mah nâkin midang ṭhadeuh ah ruat cio hna seh.

1TIMOTE 6:1

Pathian min le a cawnpiaknâk thangchiat a si nâkhnga lo, sal hngawngkual banhmi ṭemchih sal vialte nih anmah le hotu hna cu zeizong kip ah thangṭhat tlâk an si zia hngal hna seh.

HEBRU 13:1

Unau dawtnâk hi umpeng seh law.

1 PETER 1:22

Unau dawtnâk taktak kha ngei in, Thlarau thawngin biatak zum in, nan thlarau nan thianter cang caah, lungthin thiang te le biatak tein pakhat le pakhat i daw u,

1 PETER 2:13

Cucaah Bawipa ruangah minung sermi phung tangah um ko u, cungnung bik siangpahrang bantuk a si zongah,

1 PETER 5:5

Cubantuk in nannih mino hna, upa hna tangah i dor u. Asi, nandihlak in i pumpeknâk lungput ngei u law, toidornâk in i thuam u. “Pathian nih porhlaw mi a doh hna i toidormi kha vel a ngeih hna.”