1 PETER 2:16 - Laibaibal Thiang (BSI)

¹⁶ a luatmi bangin, asinain nan luatnâk cu sualkhuhnâk ah hmang loin Pathian sal sinâk tu-ah hmang u.

Lai (Hakha) Common Language Bible 2006

¹⁶ A luatmi bantukin um u, sihmanhsehlaw nan luatnak kha ṭhat lonak khuhnak ah hmang hlah u, Pathian sal bantuk tu in nung u.

1 PETER 2:16 ပူးပေါင်းရင်းမြစ်များ

MATTHAI 23:13

Nannih nawlbia cawnpiaktu le Farasih depde hna, ngaihchia nan va si dah! Zeitintiah vanbawi pennâk kha mi nan kharkanh hna, nanmah le nan lut duh lo, luh a duhmi zong nan kham hna.

JOHAN 15:22

Kei ra in an sinah bia chim hlah ninglaw sual an ngei hnga lo. Atu cu an sualnâk chungin sawlhphelhnâk an ngei kho ti lo.

ROM 6:18

Sualnâk in zalonter nan si cang caah dinnâk sal nan si cang.

ROM 6:22

Asinain sualnâk in zalonter nan si hnu i Pathian sal nan si ah hin, thiannâk theitlai chuah khawhnâk nan ngei, a donghnâk i zungzal nunnâk he.

1 KORIN 7:22

Zeitintiah sal si lio i Bawipa kawhmi cu, Bawipa luat termi a si, cubantuk in zalon lio i kawhmi cu, Krih sal tu ah â cang.

GALATI 5:1

Cucaah Krih nih akan pêkmi zalonnâkah fek tein dir ulaw, sal hngawngkual ah tângti hlah u.

GALATI 5:13

Ule nau hna, zalong ding i kawhmi nan si, nan zalonâk tu cu thisa caah cânremah hmang hlah u, dawtnâk in rian i ṭuanpiak cio u.

EFESA 6:6

mit rianṭuantu bantuk si loin, minung lawmhtertu men zong si loin Krih sinum taktak bantukin, Lungthin tak takin Pathian duhning tuah in,

KOLOSE 3:24

Bawipa sin in nan ṭuanman nan co ding ro nan hmuh lai kha philh hlah u, zeitintiah Bawipa Krih riantu nan si.

1THESALON 2:5

Zeitintiah nan hngalh bantukin, zeitikhmanhah hngawng cung bia le hakkauh thuhnawhnâk bia kan hman lo ning a kan hngalhpitu cu Pathian a si.

JEIM 1:25

Asinain a tlingmi nawlbia, zalonnâk nawlbia hi ṭha tein a zoh i nunpi cawlh in a philh ti lomi cu a tuahmi kipah thluachuah a hmu lai.

JEIM 2:12

Cuticun zolonâk nawlbia bang i biaceih dingin bia chim law, tuah.

2 PETER 2:19

Mihna sinah zolonnâk an kamh hna i anmah tu cu rawhralnâk sal i a tângmi an si. zeitintiah minung hi a kan teitu pauh salah kan tâng ko.

JUDAS 1:4

Zeitintiah mizei maw a thliin an lut, cu hna cu Pathian-zeiaharellomi an si, Pathian zângfahnâk hi hornâk caah an hman i kan ngeih chun, Bawipa Pathian le kan Bawipa Jesuh Krih zong an hlawt, cubantuk mi hna cu hlan lio pi khan thiamlo co ding ah ruah ciami an si.