1 PETER 1:7 - Laibaibal Thiang (BSI)

⁷ a taktak a simi nan zumhnâk cu, a rawk khomi sui mei in hniksak cangmi nâkin a sung lawi deuh, cucaah Jesuh Krih a rat tikah thangṭhat le upatnâk le sunparnâk he hmuh nan si khawh nâkhnga,

Lai (Hakha) Common Language Bible 2006

⁷ Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

1 PETER 1:7 ပူးပေါင်းရင်းမြစ်များ

SALM 17:3

Ka lungthin hi na hniksak cang; zan zongah naka lên cang; naka hniksak cang i zeihmanh na hmu lo; ka hmurkâ nih palhnâk a chim lai lo, tiah timhnâk ka ngei.

PHUNGTHLÛKBIA 16:16

Sui nâkin fimnâk ngeih cu zeitluk in dah a ṭhat deuh! asi, ngun nâkin theihthiamnâk cu i thim deuh awk a si.

PHUNGTHLÛKBIA 17:3

Ngun cu an zet i, sui cu titter a si tawn, asinain lungthin cu BAWIPA nih a hneksak tawn.

PHUNGTHLÛKBIA 8:19

Ka theitlai cu sui nâkin a ṭha deuh, asi, sui thiangmi nâkin a ṭha deuh; cun ka hmuhmi chawva cu a ṭhami ngun nakin a ṭha deuh.

MATTHAI 19:28

Jesuh nih, “Biataktein kan chimh hna, sertharnâk ah, Mi Fapa hi a bawiṭhutdanh cung i a ṭhut tikah, nannih aka zultu hna hi, Israel phun hleihnih cungah biaceihtu siin, bawiṭhutdanh hleihnih cungah nan ṭhu ve lai.

MATTHAI 25:21

Apu nih, zumhawktlâk le sinum ṭha na si, na ti ṭha ngaingai, tlawmte cung i zumh awk na tlâk caah tampi cungah kan umter lai, napu lawmhnâk chungah lut tuah, tiah a ti.

MATTHAI 25:23

Apu nih a sinah, zumh awktlâk sinum ṭha na si, tlawm te cung i zumhtlâk na si caah tampi cungah kan umter lai, napu lawmhnâk chungah lut tuah, tiah a ti.

LUKA 12:33

Nan ngeihmi zuar ulaw, misifak pe hna u; van i mifir um lo nâkah, rungrul ei khawhlo nâkah, phaisa bawm rawhkhawhlonâk le chaw `im khawhlonâk i ser u.

LUKA 17:30

Cubantukin Mi Fapa a langhni ah a um te lai.

JOHAN 12:26

Ka rian a ṭuanmi pauh nih ka zul seh. Ka umnâk hmun pauh ah ka rianṭuantu zong a um awk a si. Ka rian a ṭuntu pauh cu ka Pa zong nih a thangṭhat ve lai.

JOHAN 5:44

Nannih mah le mah â conglawmmi hna. Pathian in a chuakmi conglomhnâk kawl loin zeitindah nan zumh khawh lai?

LAMKALTU 8:20

Asinain Peter nih, “Pathian thilpêk phaisa i cawk na timh ruangah na phaisa hi nangmah he lotlau ve seh!

ROM 2:10

Asinain ṭhatnâk a tuahtu hna cungah sunparnâk le upatnâk le daihnâk kha pêk an si lai. Judah mi sinah pêk hmasat a si lai i Grik mi sin zongah pêk a si lai.

ROM 2:29

chunglei i Judah mi a simi cu Judah mi taktak a si; cun cuarpartan cu ca chung bia si loin, Thlarau in Lungthin ah a si, cuhna cu minung sinin thangṭhat an co lo nain Pathian sin tuin thangṭhat an co.

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

ROM 8:19

Zeitintiah Pathian fale langhter an si lainâk kha sermi thil vialte nih hngahhlang ngai le i ruahchan ngaiin an cuan.

1 KORIN 3:13

mikip rianṭuan cu a fiang cang lai; zeitintiah cu Ni nih cun a fianter lai, zeicatiah mei in a langh lai caah, mei nih cun mikip rianṭuan cu zei a si kha a hniksak lai.

1 KORIN 4:5

Cucaah Bawipa a rat hlan i a cân a phâk hlanah hin zeihmanh hniksak hlah u. Amah nih khuamui i thuhmi hna kha khuaceu ah a langhter te lai. Lungchung i timhmi zong kha a langhter dih lai. Cucân ah kan co tawk cio thangṭhatnâk zong Pathian sinin kan hmuh cio lai.

JEIM 1:12

Tukforhnâk lungsau in a tuartu cu mi vanṭha a si, zeitintiah hngalhpiak a si tikah nunnâk luchin, Bawipa nih Amah dawtu hna ca i a timhpiakmi kha a co lai.

1 PETER 1:13

Cucaah a herhmi pauh ṭuan awkah nan ruahnâk cu timhcia in um sehlaw, mah le mah i tei in, Jesuh Krih a langhtikah, nan sinah a run phorh laimi zângfahnâk cungah nan ruahchannâk kha bunh u,

1 PETER 1:5

zumhnâk thawngin khamhnâk, cân hmadung i langhter awkah timh ciami cu co dingin Pathian ṭhawnnâk in kilven nan si.

1 PETER 2:4

A nungmi lung, minung hlawtmi, asinain Pathian thimmi le a sunglawimi Amah sinah ra in,

1 PETER 2:7

Cucaah nannih a zumtu ca ah a sunglawimi a si, asinain a zumlotu caah cun a sunglawi lo. “Insatu hna nih an hlawtmi lung kha a biapi bikmi lung a rak si,”

1 PETER 4:12

Ka dawt le hna nan lakah a har tak takmi hniksaknâk a tlungmi kha khuaruahhar ngai mi thil a phânmi ah ruat hlah u.

1 PETER 4:13

Krih teminnâk nan i hrawmhnâk a si tiah ruat in i lawm deuh u, cuticun a sunparnâk kha langhter a si tik ah lunglomh nâkin nan khat te lai.

1 PETER 5:1

Nan lakah upa hna, kei nan upat hawi, Krih tuarnâk hngalhpitu, sunparnâk a lang hngami cotu ding a simi nih hin tha kan pêk hna.

2 PETER 1:1

Simon Peter, Jesuh Krih sal le, Lamkaltu nih, khamhtu Jesuh Krih kan Pathian dinnâk thawngin a sunglawimi zumhnâk kan comi bantuk a co vemi hna sinah,

2 PETER 1:4

cu nih cun a ngan tak takmi le a sunglawimi biakam kan sinah a kan pêk cang, cu thawngin Pathian nunning i hrawm kho ve dingin horduh cuainâk ruang i a rawkmi vawlei hi nan hrial khawh lai.

2 PETER 3:14

Cucaah dawtmi hna, cubantuk ruahchannâk cu nan ngeih caah, thûrhnawm lo le sawiawk um loin hngangam te i nan um lio an hmuh khawh hna nâkhnga, teihmâk chuah u.

JUDAS 1:24

Cubangin nan tlûk nâkhnga lo an kilveng khotu le a sunparnâk hmai ah lawmhnâk taktak he thûrhnawm lo in an chia khotu,

BIAPHUAN 1:7

Zohhmanh, khuadawm lakah ara lai, mit vialte nih an hmuh lai, Amah a chunhtu hrimhrim nih khan an hmuh lai. Cun lei i miphun vialte cu Amah ruangah an ṭap lai, cubantuk cu si ko seh. Amen.

BIAPHUAN 2:10

Na tuardingmi thil kha zei a si hmanhah ṭih hlah. A ngaingai tiah, khuachia nih nan lak i mi cheukhat hniksak dingin thongah an thlâk hna lai i ni hra chung harnâk nan tuar lai. Thih tiangin zumhtlâk in um law, nunnâk bawiluchin kan pêk lai;

BIAPHUAN 3:10

Zeicatiah lungsau in ka nawlpêk nâ tlaih caah, lei minung hna hneksak dingin vawlei dihlak i a phân hngami teminnâk chungin kei zong nih kan luatter ve lai.

BIAPHUAN 3:18

Cucaah na rum taktak nâkhnga ka sinah meiin thian termi sui rak caw dingin ruahnâk kan cheuh, taklawng i na ummi ningzah phentu dingah puangrâng le, na mit nih khua a hmuh nâkhnga mitfah sî zong ka sinah rak caw.