1 PETER 1:4 - Laibaibal Thiang (BSI)

⁴ hrawhkhawh a si lomi le thûrter lomi, a ziamkho lomi ro cu nan caah vanah chiahpiak nan si,

Lai (Hakha) Common Language Bible 2006

⁴ Pathian nih a mi hna caah a chiahmi thluachuah vanluhnak tampi cu co awkah kan i ruahchan. Cu thluachuahnak cu a thu a man kho lomi le a ziam kho lomi an si i Pathian nih vancung ah khin an chiahpiak hna.

1 PETER 1:4 ပူးပေါင်းရင်းမြစ်များ

SALM 31:19

Maw na ṭhatnâk hi zeitlukindah a lianngan, nangmah ṭihtu hna ca i na pumhmi cu, minung fale hna mithmuh i nangmah bochantu hna ca i na timhlamhmi hna kha.

SALM 47:4

Kan co hngami ro a kan thimpiak lai i a dawtmi Jokob ca i a ṭha bikmi kha. (Selah)

MATTHAI 25:34

“Cuticun Siangpahrang nih a orh leimi hna sinah, ‘Ka Pa, thluachuahmi hna, ra u law, vawlei ser lio i nan ca i timhmi pennâk cu co u:

MARKA 10:17

Lam i a kal lioah, mi pakhat a rak tli i khukbil in a sinah, “Cawnpiaktu ṭha, zungzal nunnâk ngeih awkah zeidah ka tuah lai?” tiah a hal.

LAMKALTU 20:32

Atu ah hin ule nau hna, Pathian le a zângfahnâk bia ah kan chanh hna, cu nih cun an dirter khawh hna i mithiangmi hna sinah comi ro an ngeihter hna lai.

LAMKALTU 26:18

muinâk chungin ceunâk lei ah an i mer i Satan nawlngeihnâk mertâk in Pathian lei an hoihkhawh nâkhnga, keimah anka zumhnâk thawngin zumhnâk i thianter cangmi hna lakah ro an co khawh ve nâkhnga,” tiah a ti.

ROM 8:17

fa kan si ahcun, ro cotu kan si. Pathian ro cotu Krih ro copi hawi kan si, Amah kan tuarpi taktak ahcun a sinah thangṭhat kan si ve lai.

1 KORIN 9:25

Cun laksawng hmuh â timmi hna cu zeizong vialte ah â sum tawn. Annih nih a rawk khomi luchin hmuh awkah an i zuam i kannih nih a rawk kho lomi luchin hmuh awkah kan i zuam.

GALATI 3:18

Zeitintiah ro cotu cu nawlbia tuahsernâk ruang i coter a si ahcun biakam ruangah a si kho ti lo. Pathian nih ro cotu ding cu biakam in Abraham sinah a pêkmi a si.

EFESA 1:11

Amah ah rocotu sinâk zong kan co cang, cucu Amah duhning le remruat ningin zeizong vialte tuahtu tinh ningin ruahciami a si,

EFESA 1:14

cucu a ta dingah cawkmi, tlanh an si hlan tiang a sunparnâk thangṭhat dingah, ro cotu kan sinâk ca i hamchungnâk a si.

EFESA 1:18

nan lungthin mit dei terin, Amah kawhnâkah ruahchannâk le, mithiang hna ro coding a sunlawi ning le a rumning kha nan hngalhfian khawh lai,

KOLOSE 1:12

cuticun ceunâk chungah mithiang hna co hngami ro hrawm awktlâk i a kan cantertu Pa sinah lawmhnâk bia kan chim.

KOLOSE 1:5

Zeicatiah vanah nan ca i chiahmi ruahchannâk ruangah a si, cucu thawngṭha biatak kong nan rak theih cangmi kha a si,

KOLOSE 3:24

Bawipa sin in nan ṭuanman nan co ding ro nan hmuh lai kha philh hlah u, zeitintiah Bawipa Krih riantu nan si.

2TIMOTE 4:8

Ahnubik ah dinnâk luchin cu ka caah chiah a si, cucu biaceihtu fel, Bawipa nih cu Ni ah aka pêk lai, kasin lawngah a si lai lo, Â langhnâk â ngaihmi vialte sin zongah a pêk lai.

HEBRU 10:34

zeitintiah ka cikcin ruangah nanka zângfah i nan thil an lâk zongah lunglawm tein nan in khawh, vanah a ṭha chinmi chawva zungzal a uhmi nan ngeih kha nan hngalh.

HEBRU 9:15

Hiruangah hin Amah cu biakam thar lamkaltu a si i biakam hmasa tang i nawlbuarnâk kha tlanh dingin a rak thi, cucaah kawhmi hna nih zungzal roconâk biakam cu an co khawh lai.

JEIM 1:11

Ni a rak san i thlilum a hran tikah hramh cu a uai, a par kha an tla i â dawhnâk a lo cawlh. Cubantukin mirum hna cu an lamthluan ah an loral ko lai.

1 PETER 3:9

sual cu sual lila in lehrul hlah u; siknâk zong siknâk lila in lehrulh ding a si lo, thluachuah tu pe lehlam u. Cubantuk tuah awkah kawhmi nan si; cuticun thluachuahnâk nan hmuh lai.

1 PETER 5:4

cun tuukhal hna Bawibik kha a langh tikah sunparnâk luchin a ziamkho lomi nan hmuh lai.

BIAPHUAN 21:27

Asinain cuka ah cun a thurhnawmmi zeihmanh a lut lai lo, fihnungmi thil chuahtertu le lihchimmi zong an lut lai lo, Tuufano Nunnâk Cauk i min ṭialmi lawng an lut lai.