Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 KORIN 6:3 - Laibaibal Thiang (BSI)

3 Vanmi hna hmanh an kong kan ceihte lai ti nan hngal lo maw? Cucaah a tu nunchung konglam hna cu kan ceih chinchin awk a si ko.

အခန်းကိုကြည့်ပါ။ ကော်ပီ

Lai (Hakha) Common Language Bible 2006

3 Vancungmi khi kanmah nih an bia kan ceih hna lai ti hi nan hngal lo dahra? Hi vawlei cung kan nun lio thil chinchin cu kan ceih awk pei an si cu.

အခန်းကိုကြည့်ပါ။ ကော်ပီ




1 KORIN 6:3
14 ပူးပေါင်းရင်းမြစ်များ  

Maw BAWIPA, na kut in hi mi hna sinin, vawlei mi hna nunchung ca i covo a ngeimi hna sinin, an paw cu na thuhmi ro in na khahter hna. An fale ah an di a riam i an chawva hna cu an fale an roh tawn hna.


Cutikah, a kehlei mi hna sin zongah, ‘Chiatserh mi hna, zungzal mei, khuachia le a zultu hna ca i timhlamh miah ka kaltâk ko u;


“Asinain nanmah lei ah i ralring u, culoahcun nomhhnaihnâk mên ah, zu le sa he, nunchung khuasak tintuknâk he nan um lioah cu ni nih cun an hlauh sual hna lai.


Hlingngei mi hramh lak i a tlami cu, bia an theihhnuah an kal i nunchung khuasak tintuknâk le, rum duhnâk le, nawmhhnaih duhnâk nih a dih chih i theitlai an chuah kho lo.


Nawlngai ding sal si awkah nan i pe cang ti kha nan hngal lo maw? Thihnâk ding sual sal ah siseh, nunnâk ding dinnâk sal ah siseh, a nawl nan ngaih hngami sal nan si kha nan hngal lo maw?


Nan taksa kha Krih nge a si ti kha nan hngal lo maw? Krih nge kha lakpiak zau in hlawhhlang sinah kan pe lai maw? Pe naisai hlah!


Asiloah hlawhhlang he i peh hi amah he pumkhat sinâk a si tiah nan hngal lo maw? “An pahnih in taksa pumkhat an si cang lai,” ti a si kha.


Asilo ah nan pum hi nan chung i a ummi, Pathian sin in nan hmuhmi, Thiang Thlarau ṭempal a si le, nanmah ta nan si ti lo, ti kha nan hngal lo maw?


Asiah a tu nunchung ca i ceih awk nan ngeih tikah, kawhhran hna lakah santlai lo bik hna maw nan ceihter tawn hna?


Ralkap i a latu lungton dingah ralkap i a um liomi nih raldoh lio ah nunchung khuasaknâk in hna an i hnawhter bal lo.


zeitintiah Demas nih atu chan vawlei a dawt caah a ka kaltâk, Thesalon khua ah a kal i Kresen cu Galati ramah a kal i Titas zong Dalmatai ramah a kal.


Zeitintiah sualnâk a tuahtu vancungmi kha Pathian nih a zuah hna lo, hell chungah a thlak hna i biaceih dingah muihnâk cikcin ṭem buin a chiah hna,


Cun vanmi hna, vanmi an sinâk duh loin an umnâk a kaltâkmi hna cu zungzal ṭêmnâk i ṭêm buin biaceihnâk ni lianngan i biaceih awkah muihnâk tangah chiah an si.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ