1 KORIN 5:4 - Laibaibal Thiang (BSI)

⁴ Kan Bawipa Jesuh Krih minin nan i pumhnâk ah kei zong ka thlarau in kan Bawipa Jesuh Krih ṭhawnnâk in kâ tel ve,

Lai (Hakha) Common Language Bible 2006

⁴ Nannih nan i pumh tikah, kei zong kan sinah a ummi kan Bawipa Jesuh ṭhawnnak thawngin ka lungthin in nan sinah kaa pumh ve caah,

1 KORIN 5:4 ပူးပေါင်းရင်းမြစ်များ

MATTHAI 16:19

Cun vanbawi pennâk tawh kha kan pêk lai i vulei cungah na ṭemmi cu vanah ṭem an si lai, vulei cungah na phoihmi cu vanah phoih an si ve lai,” tiah a ti.

MATTHAI 18:20

Zeitintiah mi pahnih, pathum, ka min i an i pumhnâk pauh ah an sinah ka um tawn,” tiah a ti.

MATTHAI 28:18

Cun Jesuh cu an sinah rain bia a chimh hna, “Lei le van i nawlngeihnâk vialte ka sinah pêk a si cang.

MATTHAI 28:20

nawl kan pekmi vialte an zulh nâkhnga cawnpiak hna u; cun zohhmanh u, Kei, a zungzal in, vawlei dongh tiangin nan sinah ka um peng lai,” tiah a ti. Amen.

JOHAN 20:23

Mizei pauh an sualnâk nan ngaihthiam ahcun ngaithiam an si lai; nan ngeihthiam lomi cu ngaithiam lo an si lai,” tiah a ti.

LAMKALTU 16:18

Cubangin ni tam nawn a au hnu ah Paul ing kha fakpi in a ponh, a hei merhnawh i thlarau sinah, “Jesuh Krih minin a chungin chuak dingah nawl kan pêk,” tiah a ti. Cu cân lila ah a chuak cawlh.

LAMKALTU 3:6

Peter nih, “Phaisa le sui ka ngei lo; asinain ka ngeihchun kan pêk lai: Nazaret Jesuh Krih minin, dir law, ke in kal,” tiah a ti.

LAMKALTU 4:30

Damter dingin na kut thlirlaw, a thiangmi na sal Jesuh minin hmelchunhnâk le khuaruahharnâk kha tuahter ko hna,” tiah an ti.

2 KORIN 13:10

Cucaah nanmah hrawhnâk dingah si loin nanmah ṭhatnâk dingah, Bawipa nih nawl a kan pêk bantukin nan sin i ka um tikah fak piin kan in chimhhrin hna nâkhnga lo, nan sin ka um lo lio ah hi ca hi ka ṭial.

2 KORIN 13:3

Krih nih keimah ah bia a chim taktak maw, tiah hniksaknâk nan kawl, a nih cu nan sinah a derthawm lo, nanmah ah a ṭhawngmi a si.

2 KORIN 2:6

Hi dântatnâk mi tampi nih nan tuahmi hi cubantuk mi caah cun â za ko,

EFESA 5:20

Kan Bawipa Jesuh Krih min in Pa Pathian sinah zeizong vialte ah lawmhnâk bia chim u.

KOLOSE 3:17

Bia in siseh, tuahsernâk in siseh, nan tuahmi thil kipah Bawipa Jesuh min in tuah dih u law, Amah thawngin Pa Pathian sinah lawmhnâk bia chim u.

2 THESALON 3:6

Asinain u le nau hna, kan sin in theihternâk an hmuhmi ningin um loin ningcang loin khua a sami hna chungin a dang te i um dingin kan Bawipa Jesuh min in nawl kan in pêk hna.